السلام عليكم ورحمه الله وبركاته
خواتي حبيت اسأل حد منكم حاط عياله في مدرسه النخبة ؟ اريد اعرف مستواهم ومدى اهتمامهم بالطالب وكل معلومه ممكن اتفيدني
مشكورات
ان شاء الله البنات بيفيدونج
للرفع
طبعا ما بتحصلين مدرسة 100% مهتمة بالطلاب و لكن ممكن اقول هي احسن من غيرها من المدارس
اللي ما يعيبني برودة الادارة في بعض الامور مثلا ولدي من بداية السنة ما عندهم مدرسة في احدي
المواد…و اصلا مدرستهم مال السنة اللي طافت كانت رهيييييبة تبارك الله و لكن المديرة الله يهديها
شلتها و حطتها في الادارة و ضيعت عيالنا من دون معلمة …
و مدرستهم داومت تقريبا شهر و في النص كله تغيب بسبب حملها و هي ماشاءالله
تبارك الله من النوع اللي كل سنة تحمل و 2 من عيالي كانت تدرسهم و نص السنة غايبة
و الادارة بكل برود تقول هي تعبانة و ما نقدر نوفر لكم بديل لين ما احدي الاباء اتصل بالهيئة
و يابولهم بديل مؤقت و ماشاءالله راعية ضمير… والكورس الثاني بترد المعلمة و لكن نحن محطين في بالنا نص الكورس
بتكون غايبة بسبب تطعيم و مواعيد ولدها و عيالنا لين الحين دارسين 10 صفحات من الكتاب لا غير!!!!
و مدرسة الرياضة كانت تضرب الاولاد بالخيزران و اشتكوا عليها في الادارة بس على طوووووووووول
المديرة وقفتها عن حدها…
خلاصة:
مدرسة زينة و لكن لها سيئاتها البسيطة …
للرفع
للرفع