تجمع أمهات الصف الأول في الانجليزية بكلباء

هلا ومرحبا خواتي اشحالكن إن شاء الله بخير حبيت تكون هالصفحة للأمهات اللي عندهن عيال في الصف الأول في الإنجليزية بكلباء بنتي في نفس المدرسة وماعندي حد أسأله في حال إذا غابت أو أشكل عليي موضوع معين أو عندهم امتحانات حابه أناقش حد فيها وبما إن الامتحانات عندهم ع الأبواب حبيت تكون هاالصفحة ملتقى من بينا نتناقش فيها عن عيالنا وأتمنى التفاعل لإحياء هذه الصفحة ولنستفيد من بعض ونفيد عيالنا

بصراحة أنا منهرية من واجباتهم والاختبارات اليومية من غير الاملاء الله يعينا بصراحة ضغط مب قادرين نتنفس من غير عندي ولد في الثاني ابتدائي بنفس المدرسة ونفس الحالة
ها انتوا خبرونا شحوالكم مع عيالكم ؟؟

بخبرنكن بما إن امتحاناتهم بتبتدي الأسبوع الياي ولمدة أسبوعين فأنا بديت مع بنتي مذاكرة من الخميس اللي طاف كان بتاريخ 3/3/2017 وحسب الجدول اللي مطرش يعني إذا أول يوم انجليزي أذاكر انجليزي ومن بعده الجمعة أذاكر المادة الثانية اللي بجدول الامتحان وهكذا لنهاية هذا الأسبوع بيكون خلصت مذاكرة والأسبوع الياي براجع ع السريع فقط الأشياء المهمة وأساسا هم في المدرسة قبل الامتحانات يراجعولهم اللي بيدخل في الامتحان كله وبها الطريقة الطفل ربحان المدرسة تراجعله وأمه تراجعله من غير الكويزات اللي يسوونها حقهم أسبوعيا هذا كله يثبت المعلومة عند الياهل والله نحن صدق نتعب ونموت ومانشم هواء بس كله في مصلحة عيالنا مستقبلا
وينكم ياأمهات شاركونا مب شرط في هاالمدرسة اللي عندها بنت أو ولد في أول ابتدائي في مدرسة خاصة تشاركنا وتخبرنا بسوالف بنتها أوولدها

ها شو الأخبار ؟
بنتي اليوم عندها امتحان اسبيكنج بتتكلم يحليلها عن ال Pet Animal وطالبين عليهم صورة الحيوان اللي هي تربيه اللي قلنا عنه (بت أنيمال ) بس أنا طرشت مجسم يبت لوح خشبي مربع الشكل ولصقت عليه قطعة أعشاب تكون جاهزة في المكتبات ولصقت القطوة وعدالها فراشتين ولصقت صحن وفيه سمكتين صغار لأن بنتي بتتكلم عن إنها تربي قطوة ولونها أبيض وأصفر وتاكل سمك وتحب تلعب مع الفراشات وتقلد صوتها مياو مياو فحسيت المجسم بيساعدها أكثر في الأفكار والكلام بالانجليزي بدل الصورة العادية فادعولها بالتوفيق
ياأمهات نبدع في الأساليب والطرق اللي نعلم فيها عيالنا ونثبت لهم المعلومة ودايما نشجعهم باساليب مختلفة بيحبون المدرسة

محد عنده عيال بالأول ابتدائي في الخاص شاركونا