شرايكم ياامهات ؟؟؟؟؟؟؟؟؟؟

السلام عليكم
باختصار بنتي بصف اول و مدرسه العلوم مخوفتها وعموما الطالبات كل شوي توقفهم وطريقتها جافه بالكلام وتهديد انها توديهم الاداره وتعاقبهم وغير الكلام الله العالم شتقول لهم لان بنتي مو بالعاده تكون حساسه لهالدرجه انها تصيح تقول مابي اسير المدرسه الابله تخوف وللعلم بنتي الحمدلله شاطره وماهاديه ..ف شرايكم اسير اكلم الاداره ؟؟؟

انا مو ام

بس طبيعي تسيرين و ترمسينهم عسب البنت ما تتعقد ف بدايه دراستها ؟!
و شوفي البيئه الي هي فيها و تطمني عليها ..

وربي يسر الامور و بنوتج تحب المدرسه ..

نصيحتي انقليها صف ثاني

شوووو تهددها
حبيبتي لا تسكتين روحي تاكدي تفاهمي مع المدرسة شوفي السبب !!!!
.صراحة انقهرت كله ولا اذية اي طفل,, بها الطريقة تكرهها بالمدرسة
اتعرفين بخبرج سالفة ولدي :
السنة الفاتت مدرسة الفنية تضرب ولدي اكثر من مرة وانا اطنش اقول يمكن يبالغ ، ومرة ياني ايده مورمة مورمة من الخاطر وولدي فديته مأدب ويالله تسمعين حسه ومتوفق ويالس مكانه ربي يحفظه ان شاء الله
من شفت ايده ما صبرت اول اتصلت لرائدة الصف وخبرتها ..وما اعرف شو صار
وما صبرت والله سرت لها للصف اتعرفين سرت والشرار بعيني، قلت لها كيف تضربين ولدي وولدي ما سوى شي لا تحاولين تجذبين .لآن ولدي ما يجذب اصلا.وانهديت عليها واهي تتنافض.. واعترفت قالت : صح ولدج ما سوى شي بس كان يكلم الولد الي كان يشاغب..يا سلاااااااااااااااااااااااااام شو يعني ما يرمس الولد؟!!!
قلت لها قسم بالله اذا ياني ولدي يقول بس ضربتني مرة ثانية بدش الصف بكسر ايدج ، ولدي مب داش المدرسة يتبهدل داش يتعلم العلم والتربية يا متعلمة
اصلاااااااااااااا ممنوع الضرب بالمدرسة ابداااا
هذا طالب ضعيف وصغير عامليه مثل ولدج يوم ما ترومين تتحملين اطفال ايلسي بالبيت ..وانطبت طبة ويلست تعتذر مني والله انها باست راس ولدي..***ولسانها طويل بس انقص لسانها يوم شافتني بلعتها ..وتصدقين نقلوها..لآني انا وام الولد الي بعد ضاربتنه ياية اليوم الي بعده وبعد ماسحة فيها الارض يعني المدرسة قليلة ادب وتخوف الطلاب..وهالشي ممنوووووووووووووع
لا تخافين حبيبتي تأكدي ولية الامر لها الحق تقول للادارة كل شي واذا ما قدرنا عليهم فيه شي اسمه مكتب دبي لوزارة التربية حق المعلمين للشكوى..انتي تأكدي من المعلمة قبل افهمي الموضوع
كله ولا عيالي يوم غلطانين انازعهم واعلمهم الادب لكن ماحد يتعدى عليهم..

حبيت اخبرج ان الادارة اعتذرو لي لأن المدرسة ضربت ولدي لين بين على يلد ايده ..فالحق تاكدي ما يضيع

يعورني قلبي يوم أسمع مدرسه اتمد ايدها على طالب أو تنازعه بطريقه مب أخلاقيه

ياربيه التعليم والتربيه مربتطين في بعض.. لكن صدق شي مدرسات مايعرفن الأدب واحترام طلابهن

الله يعين.. وكلمي الإداره اختي

انشالله يوم الاحد بسير مشكورين ع ردودكم