شحالكن يالغاليات
شو رايكن بهالموضوع نبه
نفيد ونستفيد
كل أم تخبرنا شوهي مدرسة ولدها / بنتها ….
وفي اي اماره؟
وشو اللي يعجبج فالمدرسه وشو اللي مايعجبج فيها ؟
كيف حسيتي عيالج بعد دخولهم للمدرسه ؟
يلا حبيباتي غردوووو
انا ولدي في kg1دخلته مدرسة القلعه ودخلته متأخر كانت اغلب المدارس وقفو التسجيل سألت عن هالمدرسه وايد مدحولي فيها والحمدالله ارتحت عليها وحتى ولدي ارتاح فيها يعني تدريسهم حلو انجليزي و دين وعربي ورياضه ونشاط
وعالفكره المديره وايد متشدده مع الطلبه لكن متعاونه مع للاهالي وهي بنفسها تشرف على الصفوف يعني بختصار مدرسه ينصح بها
المشكله اني كنت بكمل معاهم kg2 لكن ولدي ماله نصيب في خلال ايام التدريس طرشولي ورقه في دفتر الملاحظات على اساس اني اوقع على ان ابني بيستمر معاهم قلت بخليها بعدين اول خليني ادور مدرسه قريب من البيت بعد كم اسبوع قلتلهم خلاص بخليه عندك قالولي للاسف full المهم حاليا سجلته بمدرسة البستان الخاصه وطبعا ماعرف عنها شي والحبوبه اللي تعرف عنها لاتبخل عليه
المشاركة الأصلية كتبت بواسطة hamoudmam 
ذكرتيني في الحضانه يوم دخلت ولدي وفي يوم من الايام قلت خليني اروحلهم فجاه اشوف تعاملهم مع العيال الا واسمع الحاضنه تزاعق على الياهل فديته وهو خايف فتحت الباب علطووول من كثر ماضايقت من اسلوبها قلتلها شو هالاسلوب الحين امه حاطتنه عندكم وهي مطمنه عشان تيين انتي تعاملينه هالمعامله قلتلها اذا ماتعرفين كيف تتعاملين مع اليهال قعدي في بيتج وعلطول رحت للمسؤوله ماسكت لان مثل مابتسوي في هالياهل بتسوي في غيره وغيره وبعد فتره ماعينتها اعتقد نقلوها مدري وين ودوها
اللي اريد اقوله فديتج حتى لو شفتي اي مدرسه او مشرفه تزاعق وتعامل طفل معامله قاسيه مب شرط يكون ولدج مب غلط تكلمين المسؤولين لاتسكتون يوم تشوفون الغلط عسب لا يتمادون