فزعتكن يابنات العين

السلام عليكم بنات وامهات وحريم وحوامل وعرايس وتاجرات ومتسوقات الخ…….

حبايبي انا متزوجه من جريب وزوجي من العين وطبعا الحرمه تبيعت الريال على قولة الشواب>>جني بحكي لكم قصة حياتي خخخخخ

المهم ادور على مكان ادرس فيه بس مايكون مختلط ابا جامعه او معهد او اي شي بس المهم ماقعد جيه بدون دراسه ولا شغل لاني بمووووت من الملل خاصه انه دوام ريلي تغير وصار اسبووع باسبووع وخاصه اني بعيده عن اهلي بوااايد يعني صعب اني اقضي اسبوع كامل بروحي

فياليت اللي تعرف مكان تخبرني لاني يديده هني وماعرف مكان غير السوق >>>طبعا حريم لووول

بس دخيلكن لا تقولن لي جامعة العين لاني مستحيل افكر ادرس بها لاني وايد اسمع عنها بلاوي
وعلى فكره انا مخلصه من التقنيه بدبلوم عالي واريد احضر للبكالوريا

ياليت اللي عندهااي فكره تخبرني باقرب وقت

والسموحه لاني هذربت واايد ^.^

يالله محد رد عليه

ليش ما تدرسين في أكاديمية الإمارات اللي في فلج هزاع؟
يعطون دورات انجليزي و كمبيوتر

اللي سمعته انها مختلطه وطبعا ريلي مابيسمح لي ادرس في مكان مختلط

مافيه مكان غير؟؟

الغالية أغلبية الاماكن في العين خاصة ما تكون مختلط .. يعني في قسم للبنات وقسم للريال مستحيل مكس (مختلط) ..
يمدحونها الاكاديمية ..
واذا ما تبينها عندج جامعة أبوظبي اللي قرب جامعة الامارات (جامعة خاصة)

وبالتوفيق ان شاء الله

مايندرى والله بس يبالي اروح واشله وياي عشان يتاكد بنفسه^^

يزاج الله خير

اذا انتي متخرجه من التقنيه جربي تقدمين على كلية تقنيه العين على البجلر مثل مانتي تبين او درسي في جامعة بوظبي جامعة بوظبي مختلط بس معزولين يعني محد يشوف حد الشباب في قسم والبنات بروحن في قسم

والله يوفقج