استفسار عاجل ~ من السعوديه ~ للضرورة القصوى

السلام عليكم و رحمة الله و بركاته ..

مساء الخير لكل الامارات و اهل الامارات و سيدات الامارات فديتكم ..

راح ادخل بالموضوع دغري و اتمنى تعذروني لو قلت كلام ما فهمتوه بحكم الاختلاف القليل في اللهجات ..

و اي كلمه ما فهمتوها يا ليت تبلغوني عشان اشرحها

المهم يا حبيباتي انا ابي استفسركم ضروري الله يخليكم و يسعدكم تجاوبوني باسهاب ..

اول شي رح اعرفكم بنفسي :

اختكم هند العمري ~ المملكة العربيه السعوديه
طالبة بجامعة الامام محمد بن سعود الاسلاميه ~ كلية اللغات و الترجمه ~ مسار اللغه الانجليزية ( ترجمه و لغويات و اداب ) ..
طبعا انا ادرس بكالوريوس و باقي لي هالسنه و ترم و راح اتخرج ان شاالله ..

بس انا جتني ظروف مفاجئه في البيت و ضروري اجي للامارات ادرس الباقي من هالسنه و الترم الباقي ..

و عندي هالاسئله :

1/ ما هو نظام التعليم العالي في الامارات العربية المتحده ؟
2/ هل جميع الجامعات مختلطه ام هناك جامعات مفصوله ؟
3/ ما هي الخطة الدراسيه لتعليم اللغة الانجليزيه في جامعات الامارات ؟
4/ هل يسمح لي باكمال دراستي حاليا في الامارات و ما هي الشروط و الاحكام و القوانين و الخطوات
الواجب القيام بها لاكمال المرحله ؟
5/ هل الجامعات مجانيه ؟ ام نقديه بالنسبه لطلاب الخارج ؟
ارجو الاجابه و بانتظاركم على احرّ من الجمر ..

و لكم شكري و حبي و تقديري يا اهل الامارات لبى قلوبكم ..

للرفع…..

ربي يوووووووووووفقج والقوانين نفسه الي بالسعودية
ماشي اختلاف ان شاء الله وتعالي واتمنى التوفيق

1/ ما هو نظام التعليم العالي في الامارات العربية المتحده ؟

كيف قصدك بالنظام ! بس اغلب الجامعات تمشي مع نظام بريطاني و البعض امريكي ^.^

2/ هل جميع الجامعات مختلطه ام هناك جامعات مفصوله ؟

مفصولة !! بس في الخاص البعض منها مختلط بس مو بالكثير ^.^

3/ ما هي الخطة الدراسيه لتعليم اللغة الانجليزيه في جامعات الامارات ؟

ما ادري بصراحه -_- بس اختي كانت تدرس في كليه التقنيه ( حكومي ) تدريس لغه انجليزيه وكانو متشددين واايد ^.^ واهم شيء عندهم انج تقرين وايد
وما اعرف بعد

4/ هل يسمح لي باكمال دراستي حاليا في الامارات و ما هي الشروط و الاحكام و القوانين و الخطوات

اكيد بيسمح لج لو خاص ! ويعتمد على الجامعه الي انتي رايحه لها
تقدرين تسالينهم بنفسج ^.^
الواجب القيام بها لاكمال المرحله ؟

….

5/ هل الجامعات مجانيه ؟ ام نقديه بالنسبه لطلاب الخارج ؟

-_- لو انتي يايه بعثه بيكون وضعج غير ، بس انتي يايه بارادتج يعني اكيد بيكون بمبلغ ، واستفسري من الجامعه الي ناويه تسجلين لها
ارجو الاجابه و بانتظاركم على احرّ من الجمر ..

::

بصراحه الوضع يعتمد على الجامعه الي بتنقلين لها !
يعني اساليهم متطلبات واعرفي شوه يبون وهيك و وفريه لهم
توقعي صعوبات وعائق خفيف ف البدايه بس ان شاءالله خير
وموووفقه ان شاءالله

بالتوفيق ان شاء الله .

1/ ما هو نظام التعليم العالي في الامارات العربية المتحده ؟

بريطاني + امريكي

2/ هل جميع الجامعات مختلطه ام هناك جامعات مفصوله ؟

الحكومه كلها مفصوله اما الخاصه في مختلط وفي مفصول

3/ ما هي الخطة الدراسيه لتعليم اللغة الانجليزيه في جامعات الامارات ؟

….

4/ هل يسمح لي باكمال دراستي حاليا في الامارات و ما هي الشروط و الاحكام و القوانين و الخطوات
الواجب القيام بها لاكمال المرحله ؟

على حسب الجامعه

5/ هل الجامعات مجانيه ؟ ام نقديه بالنسبه لطلاب الخارج ؟

نقديه في حالتج اما اذا كنتي من ابناء المواطنات او بعثه خارجيه بتكون مجانيه لجامعة الامارات + جامعة زايد + التقنيه

حياج الله بتنور الامارات .. ^^

السلام عليكم ورحمة الله وبركاته

بتنورينا ياهند العمري ~
^_^ الدار دارج حبيبتي

بريطاني + امرييكي

لا اختي في جامعات منفصلة حكومية مثل جامعة زايد في دبي وفي أبوظبي .. وجامعة الإمارات في العين .. وشي جامعات خاصة منفصله ومختلطه < ماعندي فكره عنها

ماعرف عن الجامعات الاخرى .. لكن بما إني في جامعة زايد (فرع بوظبي) .. أقدر أقولج انهم نوعا ما متشددين اممم او يعني مهتمين باللغة الانجليزية .. تدخل البنت الجامعة مع سيبا الانجليزي اللي يحدد اللفز اللي تدخله .. عندنا 8 لفلات .. وعلى حسب درجة السيبا تدخلين اللفل .. وعقب اللفل تاخذين مواد الجنرال اللي هي تكون سنة ونص .. وبعدييين تدخلين التخصص .. ويكون سنتين او اكثر حسب ..
وبعد في شي مهم تبيه جامعة زايد اللي هو شهادة الايلتس .. لو عندج هالشهاده ممكن تسهل عليج اللفل .. ولو يبتي 6 تدخلين جبرال ع طول ..

ماعندي فكره والله .. اتمنى يساعدونج الخوات .. بس تقدرين تسوين اتصالاتج للجامعات وتشوفين شو المطلوب منج عشان تكملين عندنا ..

..~ اعتذر ماعرف ^^

موقع جامعة زايد في أبوظبي و دبي https://www.zu.ac.ae/main/en/
موقع جامعة الامارات في العين https://www.uaeu.ac.ae/
موقع جامعة الشارقة في الشارقة https://www.sharjah.ac.ae/Arabic/Pages/default.aspx
وأتوقع ياختي ان جامعة الشارقة هي اللي بتساعدج لأني أعرف وحده سعودية موجوده فيه ..
وأي استفسار حاضرين ..