صدق والله أنك متبطر = ماتقدر قيمة فلوسك
أش لك بشرب الخمر تسكر= وأنت شيبه ترقل ضروسك
يوم ثلثه حالك معذر= وش تبا تستعرض بكوسك
مستوي شروا الرجل الأخضر =تنتفض وتشق ملبوسك
كلمات الشااعر :: مصبّح بن على بن طارش الكعبي
وهي قصيدة بعنوان الشيبة والخمر
وهذي هي تكملة القصيدة
وش علاامك كالصعب تهدر …… صادع العالم من حسوسك
والله انّك صدق متبطّر ……. ما تقدّر قيمة فلوسك
وش لك بشرب الخمر تسكر …… وانت شيبه ترقل ضروسك
ما تقول الوقت بك مأثر …….. ولا بطت في ريولك نفوسك
فووووق تاخذ عمرك وتنطر ……. خص يوم يطيب ناموسك
قلت عقب معارك العسكر …… انكسر مالضرب هاجوسك
ثرك لا تاعي ولا تشعر …….. مندمج في لج كابوسك
يوم ثلثه حاالك معبّر …….. وش تبا تستعرض بكوسك ..!!
مستوى شروى الرجل الأخضر ….. تنتفض وتشق ملبوسك
خل عنك الطيش واستغفر …….. وانت مشرف عالقبر دووسك
غربل الله بليسك تفكّر …….. واحسن عمالك لفردوسك
قاال أنا دارس ومتبصّر ……… قلت فضلت عنّك دروووسك
يوم هذا علمك معذّر ……… أكره الله درس قااموسك
قاال وش درّاك متحجّر …….. بدوى ضاري على طعوسك
قلت ياار الله البدو أخير ……. فرق عن قبلتك واحسوسك
سير عن سمعتهم تخبّر ……. قبل لا ترمى سهم قووسك
لو تحااول تنتقد تقصر …… ما تغطى سحبك شموسك
عنك لو شي حويله بطفر ….. قبّح الله سااعة يلوسك
تنطحن ولساانك يثرثر …….. عفت منطوقك ومرمووسك