الغضي لي له قدر والله .. احترام و يـاه وشانـــي
: : : : :
لي ينير الحوش والفله .. والحشـا منهـوب يفلاني
لي بقلبـي باني حلـه .. ما يخلفـه واحـد ثانـي
: : : : :
صبحڪَـم / مسآڪَـم آللـه بڪَل خيـر ۈبرڪَـه ’’
مرحبا ملايين وبلايير لڪل من حدر موضوعي وخطف جدايـﮧ
شحآلڪَـم ,, آخبآرڪَـم ,, ربڪَـم آلآ بخيـر ۈعآفيـه !
لاحظت ان خوانا من الدول الثانيـﮧ يسلجون عندنــا –>> ربي يزيد ويبارڪ
بس المشڪلـﮧ ان بعضهم ما يعرفون رمستنا او في بعض الڪلمات هب فاهمينها
وهالشي عندنا بعد داخل الامارات لان اغلبيـﮧ رمستنا رمسة بدو
((اصل العرب بدو))
((وان اللهجه البدويه هي الاصل الاول الذي تفرعت منه لهجة اهل الامارات))
فحيبت اوضح بعض الڪلمات من رمستنا
ميهود:المريض(( والاصل فاللفظ (مجهود) )
مهفـﮧ:المروحـﮧ اليدويـﮧ.
منظره:المرآه.
مملوح: (فلان كلامـﮧ مملوح)اي مليح وعذب.
ملاس:التي يغرف بها الطعام من القدر.
ڪوس:رياح تهب من الجنوب الشرقي وتڪون شديده وقويـﮧ.
طشونـﮧ:القليل من الشي
لهايـﮧ:مصاصـﮧ الطفل توضع في فمـﮧ لإلهائـﮧ.
لوتي: المحتال
عرقوب:ڪثيب الرمل والمرتفع من الارض.
عذروب:العيب او النقص في الاشياء او الاشخاص فيقال: (شو عذروبـﮧ)ما عيبـﮧ؟؟ (فيـﮧ عذروب)اي به نقص او عيب؟
عوق:المرض الذي يعيق جسم الانسان.
غبشـﮧ:ظلمة آخر الليل واول طلوع الفجر فيقال((نشيت من غبشـﮧ))
غاوي:الجميل من الاشخاص او الاشياء.
غمام:الغيم والسحب.
دريشـﮧ:النافذه او الشباڪ.
هوّس:اي اضغط على الشيء
((فتقول الام لتنويم طفلها))
يا النوم يالنوم هوّس عليـﮧ
غمض عيونـﮧ وهوّس عليـﮧ
نش: ((نش من رقاده))صحا من نومـﮧ. ((نش من ڪرسيـﮧ))اي وقف
يقول الشاعر:
نشيت نشة هايب
يوم طلوع الرقيب
اتحســبه قرايــب
وانه عليــه بعــيد
نسناس:النسيم العليل.
يقول الشاعر:
سلامي عليهم عد ما هب شرتا الشام
وما نسـنس الغربي هبــوبـﮧ من الشام
وعـــدد مــا هـــّب نســنـاس النـــسيـم
وعـــدد مـــا طّــيف بــالبـيـــت الـحــرام
ون:يقال((ون ونين))اي من الوجع انينـًا
يقول الشاعر:
انا ونيـــت من قلــبٍ حـــزين
اجر النوح من قاصي حشايـﮧ
قبقوب:حيوان السرطان البحري.
قبض:امسڪ بالشيء
قشار:متاع البيت او حاجات الشخص.
جداي:اقترب مني((سرنا جدا فلان)) سرنا صوبـﮧ.
شبريه/ڪرفايـﮧ:السرير.
مخشع:مڪسر مهدم
مريحانـﮧ:ارجوحـﮧ الاطفال.
رعبوب:الفتاة الحسناه
رحيم:الجميل((بلغة قبيلـﮧ العوامر))
غرنوقـﮧ:الفتاة الجميلـﮧ.
فاح:انتشر.
غيم:السحب ((الغيم يحوم والرب رحوم))
–اا–اا–اا–اا–
لڪل شخص عندنا ننعتـﮧ باسم((ڪنيـﮧ))وهذي بعض منها
بو جسيم//بوجاسم:ڪنيـﮧ من يڪون اسمـﮧ محمد تيمنـًا بڪنيـﮧ الرسول صلى اللـﮧ عليه وسلم
((بو قاسم)).
بوخليل:ڪنيـﮧ من يڪون اسمـﮧ ابراهيم.
بو سنيده:ڪنيـﮧ من يڪون اسمـﮧ راشد.
بو شهاب:ڪنيـﮧ من يڪون اسمـﮧ احمد او حمد.
بو عسڪور:ڪنيـﮧ من يڪون اسمـﮧ سعيد.
بو غانم//بوغنيم:ڪنيـﮧ من يڪون اسمـﮧ سالم.
بو غيث:ڪنيـﮧ من يڪون اسمـﮧ مطر.
بو هنيدي:ڪنيـﮧ من يڪون اسمـﮧ خميس.
–اا–اا–اا–اا–
وفالاخير حبيت اوضح شي حنا نقولـﮧ((اللـﮧ لا هانڪ//لا هانڪ الرب))
يقولون انـﮧ هب زين نقول جيـﮧ لان اللـﮧ هب من صفاتـﮧ الاهانـﮧ وانـﮧ ما يهين عبده
فلو تبون تقولون قولو((لا هنت//لا هان قدرك))وجيـﮧ
واتمنى ان الموضوع عيبڪم واستفدتو منه ولو شوي..
والسموحـﮧ ع المغثـﮧ!
الردود السطحيـه [ بـرررع ] ..
اجر النوح من قاصي حشايـﮧ
عيبتني الابيات صح لسان قيلها وعلا شانه
ملاحظه :
اوبس ع طاري الكنيه
علي : بوجسيم
وشكراااااا ع الموضوع الفنتك
^^
تسلمين ع التوضيحآت .. بس الي زود عيبني الكنيآت
بو سنيده .. ههه فديته رشوودي انا ^.^
موضوع مميز
تسلمين أختي على هالمجهود
بصرااحه مش بس أغلب أهل الخليج الي ما يعرفون رمستنا
لااااااا للأسف
فيه وااااااايد من شباب هالجيل من الامارات نفسها ما يعرفون رمستنا البدويه
وهذا والله شيء يضايق ويحزن في نفس الوقت
والله مثل هالمواضيع لازم تكثرون منها ولازم الأمهات يعودن عيالهن على رمستنا
بسسسسس عاد من رمسة الدلع البايخه .. أو الانجليزيه الي طالعه موضه بعد
والله أنه شيء يضايق .. ياااريت هالموضوع يستمر وتزيدين أختي من كم هالكلمات وتعريفها
عشان نستفيد جميعا منها
اسمحيلي على الاطاله
موضوع مش بس يستاهل الشكر
ألا يستاهل الشكر وحبه على الراس
مشكوره الغلا علطرح الغاوي
ستفدنا واااااااااايد
رم