ملاييييييين و لا يسدن..
شحالن بنيات..:1 (80):
انا مسافرة انشاء الله سوريا و حبيت اعرف الاماكن اللي ممكن نروحها في سوريا ..
للسوووووق و اتكون اسواق حلوة و محترمة و اسعارها شي شي..هههههه..:1 (40): عشان بو الشباب ابويه..مايقول شي و عقب يحرمني..ههههههه..
المهم يا بنات..و حبيت اعرف الاماكن السياحيه عشان اسوي عمري عارفه..اذا حد سألني من الاهل..
لاتقصرووون فييييييييييييييييييييييني..
و اللي توصي على شي من اهناك لاتتردد
وايد حلوه وجوهاااا رهيب واحلى المناطق ( بلودااان ) وصلنفه ودمشق حليوه بسسسسسسسسسس وااايد زحمه …
واسواقهم واايد رووعه واسواق بلودان حلوه اما اسواق الزبداني ما عيبتني … واسواق دمشق حلوه بعد وسوق الحميديه (هذا سوق شعبي عندهم ) بعد حلوووو
ولا تنسين تروحين جبل قصيووووم …وااايد رووعه بس اذا تخافين من المرتفعات الله يعينج لانه هالمناطق كلها مرتفعات ….
وعندهم حديقه العاب وااايد روووعه صوووب المطار ….صدق حلوووه
وان شاء الله تتهنون في سفرتكم وترجعون بالسلامه حبيبتي
والله كان ودي من كثر ماحبيت الاسكريم اييبه معايه كنت اقول حق خالي هات ثلاجه صغيره و بشله معايه فالمطار بس ماطاع 
يالله لاتنسين يوم بتاكلينه اتذكريني و بالعافيه عليج امااا عن المناطق الثانيه بلودان و زبداني احلا اماكن عيبني فيها زبداني عندهم اكسسوارات حلوه بس مب الكل الختم تقريبن كلهم نفس الشي بس في محل واحد يبيع شغابات راقيه اخر شارع الزبداني على يدج اليمين ماذكر اسمه كان كتبته خذت من عنده ب 1000 درهم كله اكسسوارات الانه هو الوحيد عيبني اكسسواراته و لي عداله خذت من كل واحد خاتم على قولتهم استفتاحية الصبح
و شو بعد اممممممممم صح دمشق وايد زحمه تقولين دبي بس فيها سوق الحمرا و سوق الصالحيه احسن عن الحمديه ب 1000 مره شارعين هم الاول اسمه الحمرا و لي وراه الصالحيه الحمرا حصلت عندهم قمصان على قولتهم كنزه حلوات على 500 ليره يعني اقل عن خمسين فلوسنا يمكن 40 او اقل بعد حلوات كله عليهن رسمات بنات و ماعرف شو بالفصوص و بالمخمل انا لو اعرف احط صور كان حطيت لج كل شي خذته بس ماعرف
و كتب تقرير عنها بس يالله لي اقدر افيدج به بفيدج صح نسيت اذا انج تلبسين بناطلين بناطلينهم رخاص و حلوت خذت من عندهم جنز روعه مرسوم عليه بنت على الريل اليمين بالطول لي يشوفه يقول رسم هذا اول بنطلون جنز في حياتي اشتريه هههههه الانه هليه مايخلوني البس فالبسهن فالحجره عن خاطريه و هذا المحل للاسف كان عدالنا و لا كنت اقدر اخذ منه الانه كله مع الوالده و يوم اقولها شوفي البنطلون فالبترينا حلو تواقعني تقول ماعندي بنات يلبسن بناطلين مب مخلف علينا هههه الله كريم المهم اخر يوم رحتله بالشرده مع بنات سوريات اعرفهم هناك و خذته من وراها الاني بموت لو رحت و ماخذته كله و لا اخلي شي فخاطريه بتم اهاذيبه لين اردله عاد سوريا قالت اميه اخر مره تروحلها و السبه مكدوسها ههههه لي شلوه عنها فالمطار عصبت و قالت اخر مره اروح سوريا اما صقنليه مارحتلها و نحن كنا رايحين عند ناس نعرفهم سوريين من الامارات و دوم يعزمونا و هالمره رحنا عن خاطرهم 10 ايام و ردينا فكنا نستحي منهم وين يودونا نروح مانتشرط عليهم بس اخر يوم يقول المثل لي ييت رايح كثر من الفضايح تميت احن يودوني دمشق نحن كنا في منطقة التل و دمشق اظن تبعد 30 دقيقه او اقل المهم حنيت لين ماودوني رحت الحمديه بس عشان اكل اسكريم و طلعنا هههههههههههههه قلت بودع الاسكريم قبل لا ارد البلاد صح في منطقه عندهم اسمها عين فيجه مطاعمهم وايدد لذيذ اكلهم مرتين رحنا تغدينا فيها حلوه
بس طولت وايد عليج فالرمسه السموحه