الفزعه يالغاليات عندي استفسار عن طيرات الامارات والاتحاد ؟؟؟؟

السلام عليكم ورحمة الله
مراحب يالغاليات
اشحالكن عساكن بخير
السموحه منكن خواتي بغيت مساعده بموضوع السفر لبانكوك
انا اختي تبا تسافر وعندها نون سنة وكم شهر بس
وحاجه ع طيران معين بس هي سمعت عن طيران الاتحاد وانه اكثر مميزات من غيره

فاللي عندها معلومات او جربت طيران الاتحاد او الطيران الاماراتي يا ليت تخبرني بتجربتها وياه
لانها تبا تسأل عن اذا ممكن يكون في اسره لليهال قوم بو سنه واشوي والخدماتوياهم كيف وشو بالنسبة للوجبات اللي يقدمونها زينة والا كيف يعني اكلهم اوكى والا كيف ؟؟؟؟

اترياكم دخيلكم الفزعه عشان اذا شافت المميزات في هالطيران احسن سواء الاتحاد في بوظبي او طيران الامارات تراها بتلغي حجزها القبلي

بالنسبه للاتحاد هو واايد زين ..ع حسب الكلام الي سمعته وانا الحين ادور حجز مب لاقيه لين اول ثمانيه فل ……………..فاحسن لها تروح وتتوكل ع الله واذا بتلغي حجزها خبريني انا باخذه ..خخخخخخخ ع اي طيران هي حاجزه؟؟؟؟؟ اقول انا بعد وياي بنتي عمرها سنه وثلاث شهور وبتكون في حضني وقت الطيران وعقب بحطها تنام ع سيت بروحها في الطياره يوفرون كرسي في الامام معاه منز صغير يركبونه لج بعد ما تقلع الطياره ….

اذا رايحه على الدرجه السياحيه على الامارات ماتنفع ابدا مش مريح وتعاملهم مش حلو بعد اما الاتحاد تراها طيارات يديده و معاملتهم حلوه وايد من اللي سمعته

مشكورين خواتي الغاليات ع المرور واتمنى احصل راي او تجارب اكثر مع هالشركتين من الطيران

انا ما قد جربت الامارات .. سفراتي كلها على الاتحاد .. و الصراحه فناااااااااان و ما عليه كلام .. رااااااااااحه من خاطر …

بس عن سالفة البيبي .. السمووحه ما عندي معلمومات …

هلا اختي
بالنسبه لطيران الاتحاد حلو مريح هذا الي سمعته .. ما قد جربته
بالنسبة لطيران الامارات .. مب لين هناك .. لانه .. اعتقد بيكون ترانزيت
انا اختي سارت بانكوك عن طريق الطيران التايلندي وقالت لي انه مريح وزين ..
وبس هذا الي اعرفه

والسموحه

الامارات خصوصا الدرجه السياحيه ما تتشاهد موووول ما انصحج بها

اذا بغيتي تسيرين تايلد سيري على التايلنديه وحتى عند الرده لو عندج وزن زياده يسامحونج مب مثل الامارات يدفعونج لو حتى عندج كيلوين زياده

خذي نصيحتي وما بتندمين

الاتحاد يمدحونهم بس المشكله لازم تسيرين لين بوظبي