إن شاء الله الخميس الياي بسافر ماليزيا أنا وريلي وولدي ..
ولدي فديته عمره سنه وشهر ..
بس أريد ألي عندها خبره كيف التعمال معاه فالسفر وشو الأغراض ألأي آخذها ..؟؟
وأخاف يلعوزني فالطياره وما أعرف شو أسوي ..
فألي عندها خبرة رجاءااااااااااااا لا تبخل علي ..
وأترياكن ..
تعرفين ولدي توها بادي يمشي وأبدا ما يقعد في مكان وأحاتي سالفة الطياره أخاف يلعوزني ومنه أقول بعطيه دواء كحه عشان يرقد لين ما نوصل 
ربي يهنيكم وإن شاء الله تستانسون في سفرتكم .. والله يحفظ لكم الكتوت ..
أنا عن نفسي يوم سافرت وكان ولدي عمره سنة ونص ..
حجزنا على طيران الإمارات وكانت خدمتهم 100/100
خذت المكان اللي في مساحة جدام وماشي كراسي ركاب ..
تقدرين تعلقين فييه سرير الطفل ..
لأن مثل ما إنتي تعرفين اليهال يحبون يرقدون يوم يركبون السيارة
فما بالج بالطيارة ومسافة بعيده ..
أكدي على سرير البيبي .. واااااااايد بيريحج .. ^_^
امممم شي ثاني .. جهزي شنطة خاصة به ..
وحطي فيها كل اللي يحتاجه من يوم تدخلون الفندق لين توصلون بالسلامة ..
ممممممممم بعد شو شو شو ..
سأليهم يمكن يكون عندهم بيبي ميلز ( وجبات خاصة للأطفال )
غير المهروس طبعاً لأنه في هالسن ياكل ما شاء الله .. واطلبي له بعد لعبة ،،
وبس .. ماشي غير إني أقول تسيرون وتردون بالسلامة إن شاء الله .. ورحلة سعيدة ،،
بسوي ألي خبرتني عنه ..
وبخبركن عقب ما أرد من الرحلة شو صار ؟؟؟
اولا تجهزين شنطة صغيرة وخفيفة فيها :
بامبرز
مناديل مبلله للتنظيف
حليب
اكلات خفيفة لان الدرب طويل ولين توصلين سالفة لازم الاكل
عصير
مصاصة اذا ياخذ طبعا
لحاف
بدل يمكن يوصخ او يرجع
دوا(ادول )
وجهاز لكشف الحرارة
هذي الاغراض لازم تكون في شنطة الايد وعطيه ادول عسب يرقد لان في صغارية يصيحون ويرجعون في الطيارة
اما بشكل عام
لازم تاخذين عربة تكون مريحة وفيها شنطة من تحت عسب تحطون اغراضكم واغراض البيبي
العاب للبيبي عسب ما يتملل
وخذي كيس البيبي ما اعرف شو يسمونه ريلي يسميه الكنغر ههههههههههههههههه
ريلي كان يلبسة اذا الطلعه خفيفة ويحط البيبي على صدرة
اهم شيء الحليب والبامبرز والدوا لانج ما بتلقين هناك واكل حق البيبي