كيف نسير شمال تركيا من اسطنبول؟

بنسافر تركيا .. خاطري في شمال تركيا.. بس طبعا لازم ننزل اسطنبول أول شئ (مطار دولي)

فكيف نقدر نسير من اسطنبول الى الشمال؟؟ وشو أحلى مناطق الشمال اللي نقدر نروحلها؟؟

يقولون الطيران داخلي وايد غالي (ونحن عائلة ماشاءالله 8).. وبالسيارة بعيدة وايد (اللي جربوا بالسيارة .. ياريت تخبرنا ..كم ساعة الدرب ؟؟.. تعب ولا عادي مانحس بالوقت نستمتع بالمناظر؟؟ .. وكم ساعة بضبط ؟؟ أجرتوا سيارة بروحكم سقتوا؟؟ )

في قطار يوصل لين هناك؟؟

هلا حبيبتي . . انصحج تسيرين شمال تركيا .. اروع من اسطانبول وبورصه ويلوا ..

يعني اذا تحبين الطبيعه والبرد والانهار و الخضار والثلوج ..

حتى شعبها طيب وااااااااايد ..

اقولج كل ما ادخل قريه عندهم يحلفون علينا ندش بيوتهم .. ويعزمونا

ومن غير يفرحون اذا شافو عرب .. يقولون ع العرب ( عربستان ) …

عكس اسطانبول .. ماتحسين فيها مسلمين وايد ..

حتى الاذان في الشمال التركي تسمعينه طول اليوم .. وفي كل مكان ..

وريلي كان يصلي في مساجدهم صلاتهم مثلنا ومذهبهم مثلنا ..

مش علمانيين ..

وتسيرين لها بالطيران الداخلي وبالعكس الطيران الداخلي وايد رخيص …

نحن حجزنا من مكتب في اسطانبول … حجز لنا الفنادق كلها والتذاكر الداخليه تقريبا ب 6 او 7 الاف .. 20 يوم !

اظني مبلغ وايد زين ..

واحسن المناطق .. ( اوزنجول _ ايدر _ متشكا _ حيدر نبي … الخ )

ابحثي فالعرب المسافرون بتلاقين وايد اماكن حلوة ..

وبطرش لج رقم المكتب الي حجزنا منه الفنادق ..

هو موجود في اسطانبول .. يعني انا اشوف انكم تقعدون في اسطانبول يومين او ثلاث وبعدين تروحون الشمال التركي
تيلسون لين قريب سفرتكم وتردون اسطانبول .. ومنها تردون البلاد ..

اظني شهوده انتي احينه في تركيا ^_^ تروحون وتردون بالسلامه

لوسمحتي ممكن الرقم….