للي زار النمسا . فزعولنا

– أحلى المدن إللي تستاهل ان حد يزورها و يبات فيها ؟؟
فينا – سالزبورغ – زيلامسي

– عن الفنادق … مع سعر الليله؟
الفنادق أسعارها تختلف حسب المكان و حسب المستوي اذا 4 نجوم ولا 5 نجوم ولا 3

– عن الاماكن السياحية إللي قرب الفنادق إذا كان شي؟
الاماكن السياحية هذي بروحها سالفه و يبالها موضوع كامل خخخخخ بس لازم تحددين المناطق اللي بتزورينها و بنخبرج ان شاء الله بس النمسا بشكل عام دولة سياحيه من الدرجة الاولى

– اسماء المراكز التجارية و إذا تقدرن توصفنهن بشكل بسيط؟
فينا ما عندي خبره فيها .. زيلامسي مافيها مراكز بس سوق بسيط .. اما سالزبورغ فيها محلات حلوه و عندهم شغلات غريبه و مميز في المدينة القديمة

– إذا فيه ارياف او شي
النمسا اصلا معظمها أرياف و بالذات اقليم Tirol و زيلامسي قرية ريفية في احضان الطبيعة الخلابه و البحيرات .. و تقدرين تسكنين فيها و تطلعين المناطق الريفية اللي قريبه منها

و أهم شي درجة الامان و هاذي بنعطيها من 10 …مثلا 8/10
الأمان اعطيج 10/10 بس حاولي ما تتمشين بروحج الفليل بعد الساعه 9 احسن و يوم بتطلعين بعد هالحزه اطلعي ويا ريلج او ويا جماعة حريم اذا كنتو كم عايله .. الاحتياط واجب