خبيرات الشوبينق في لندن ممكن ^^

{ مرااااااااااحب ~..~

شحالكن بنات

لصاحبات الخبره في لندن واسواقها

بغيت تعطوني جدول لمدة اسبوع للتسوق فقط في لندن

مثلا,الاوت لت,مراكز التسوق في لندن, وافضل المحلات التجارية

البنات ان شالله بيفيدووونج انا سايره لندن لاكن ما حفظت اسامي المولات
السمووحه منج الغاليه
حبيت ارفع لج موضوعج

اتمنى البنات يفيدونج ^___^

up up

تسوقى فى هارودز وسلفرج واكس فورد ستريت هى كلة محلات والنايس برج بعد كلة محلات وسون لى ستريت محلات الماركات ما فيها مولات لندن كلها شوارع وفيها المحلات والبوند ستريت فى مجمع واحد فاتح السنة بس والله ما اعرف اسمة قريب من شبربوش وهذا شبربوش سوق قديم بس تلاقين كل احتيجات العرب من شلح وصراويل واقطان وقمصان نوم وملابس داخلية ولا تنسين تروحين محلات شوكت هى العرب كلها هناك عندة قطع ليبرتى عاد هى غرامنا وسلامتج

عندج اكسفورد استريت … ومن المحلات اللي لازم تروحين لها هناك سلفردج كله ماركات من عطور ومكياج واكسسوارات وملابس وشنط وساعات وغيرها …
وعندج في نفس الشارع عدال ماربل آرج محل اسمه بريمارك عنده اشياء حلوه وخصوصاً البجامات والملابس الداخليه وأسعاره رخيييييصه
ومن المحلات اللي احب اسير لها في هالشارع faith ومحل barrats عندهم تكرمين جواتي وصنادل حلوه وراقيه …
ريجنت استريت فيه محلات حلوه مري عليه … ومنها محل خاص بالألعاب للأطفال يتكون من 5 ادوار وعندهم العاب حلوه …
والهارودز لازم تسيرين عندهم كل شي من الماركات … اللي تبينه من الماركات … مثل سلفردج بس اكبر وعندها براندات اكثر ..
وفاتحين مول كبير يعتبر اكبر مول في اوروبا اسمه ويست فيلد … فيه تقريباً كل المحلات اللي في اكسفورد والريجينت استريت …
شبربوش سوق شعبي بس ما احبه ما عندهم شي يسوى … بس الحلو اللي فيه الفلافل مالهم لوووول لا تفوتينه …
واذا اتذكرت مكان ثاني بخبرج ان شاءالله ..

واضيف على كلام البنات سلون ستريت فيه كل بوتيكات الماركات وفي نيوبوند ستريت واولد بوند ستريت نفس الشيء بوتيكات الماركات، في مول يبعد 45 عن لندن اسمه برنت كروس فيه جون لويس وبعض من محلات اكسفورد ستريت وفي هاي ستريت كينزينقتون فيه ماركس اند سبنسر ومحلات ثانيه وفي عندج الاوت لت فيلج هذا خارج لندن يبيع لج بضايع الماركات القديمه بربري وديزل وماثيو ويليامسون بأسعار رخيصه.