عســـاـكم بخير وسهــــالة خواتي الغاليـــــات 
طبعـــا مواضيعــي قليلــة في هذا القســم
لاني أحب أقرا فيه أكثر شي
وارد على البنات باللي قدرني به رب العالميــــن ^_^
الحمدلله شرات ما الكل يعرف => أوني مشهوره ^__^
بديت مشروعي بفـــن الكيك
والحمدلله هذا لإني وثقت في رب العالمـــن , وان كل وحدة منا رزقها رب العالمين بشي يميزهـــا عن غيرهـــأ ^_^
فلا تبخلــون اخواتي على أنفسـكـــم ,,ودورا في داخلكم,, ولا تخلون الشيطـــأن ياخذ من وقتكم
كلكم مبدعــات وقدراتكم ما تتصورونهـــأ ,, بس دوروا عليا وبتحصلونهـــأ
جني بديت أوعض ^_^
الموهيــــم
في يوم من الايام
اتواصلـــت معاي وحدة من الخوات
على اساس انهم يبغون يسوون معاي مقابلــــة
عسب يشجعون المواهب وجي
أنــا صراحة استانست من الفكرة بطلع في التيفي
الناس كلها بتشوفني ^_^
استحيـــت اولا لإني استحي بطبعي ,, لكن في نفــس الوقت الانســـان بطبـــعه يحب الدعم والثنـــاء
وبالنسبــة لي هذا الشي كان تشجيع , وتقدير لجهدنا في المشروع
طبعـــأ انـا ما بذكر اي قناة من القنوات المحليـــة لإن مب هذي سالفتنــــأ وأنـا ما أبغى اسيء لهـــم
والمنتدى أصلا مب مختص في هذه الاشياء
نرد لسالفتنا
طبـعــا المقابــلة ما كانو بيدفعوني منها شي , وكنت بطلع في برنامج مشهوروكل شي استانست
فجــــــــــاة .. وبدون سابق اذار
خبروني ان عندهم شرط واحد .. قلت ما علينا ,, أنا قلت يمكن يبغونا في المستقبل نسوي لهم ديسكانت حق الستاف مالهم
شوي شوي بعد ما قريت كل شي
كان الــشـرط اني اشل نقابي .gif "12 (46)")
اهنـــي صدمـــة صراحــة
وبديت أجدد ذاكرتي عســـب أتأكد اني في الامارات ومب فرنســـأ والرئيس مالهم 
يمكن خافو من الغرامـة أو شي
لكن الحمدلله هذي الامارات
بلاد الخير والحشيمـــات فيها في كل مكـــأن
والنقاب مب شي يديد
يعنــي النقاب وين مشكلتـــه هل أنا اسوي الكيك بحلقي 
؟
صراحــة حسيت بصدمــة كبيرة رغم اني ما انصدم بسهولـــة الحمدلله ^_^
ما عرفــــت كيف أتصرف !
اكتفيـــت بالرفض ,, ومن ترك شيآ لله عوضه بخيـــر منه
بس شو رايكــم خواتي
وشو كنتم بتسوون في مكـــني
وهل صدق النقــــاب استوى حاجب للمرأة عسب تبدع أو تشتهر في مجالها
واشهد الله اني أحـبكم في الله خواتي الغاليات
والله وااايد فرحت يوم قلتي انج رفضتي واتأكدي الغالية الله بيعوضج بالاخير والاحسن
مثل ما قلتلي من ترك شيء لله عوضه بخير منه…
اول ماقريت الموضوع اتوقعت انه ايخص النقاب…سبحان الله تحليلي طلع صح
ولا ايهمج فديتج…
انتي الصح وماعليج من حد…
والله يرزقج من حيث لا تحتسبين…
مثل ما قلتي من ترك شيئا لوجه الله عوضه الله خيرا منها
ترا وايدين عسب الشهرة عادي يفصخن شيلهن وعبيهن ..بس انتي ما شاء الله عليج كنتي ثاابتة على اخلااقج
احييج اختي / والمواهب مالها خص اذا بتلبسين بالنقاب ولا غيره
كلامي مخربط شوي ،، والله يثبتج على دينه
هلا اختي ….
حبيت اقولج اللى سويتيه عين العقل …. لو وحدة ثانية يمكن بيكون عااادي عندها ….
و زين انج رفضتي العرض مالهم ….
الله يثبتنا على طاعته ….
لوكنت مكانج بعد برفض
والله يوفقج ان شاء الله..~