حبيابي ولدي عمره حاليا سنتين ربي يطرح فيه البركة ..
وأوديه الحضانة .. حابة في هالموضوع اني اتشارك وياكم شو اتحطون لعيالكم في شنطة الأكل
يألمني بعض الأمهات على عجلة يحطون سندويشة جاهزة من البقالات + عصير + كيكة + … الخ
عسب جيه قلت لازم نتشارك ويا بعض بأفكار وكتب واي شي من أجل طفل صحي .. نشيط ..
حاليا ما عندي صور للحقيبة لكن ان شاء الله بيكون موضوع دائم .. ونترسه صور وافكار ..
بالنسبة لي في شنطة ولدي الصغيرة .. احط :
– يوم بيوم بيضة مفورة اسويها على شكل دبدوب ..
– بروكلي مفور شوي
-جزرتين من النوعيه الصغار
– مكسرات غير مملحة (عين الجمل)
– سندويشة (جبن وزعتر-جبن مربى- جبن مرتدلا-جبن بطاط)كل يوم شي
– فرولة حبتين ..
– خيارة شرايح ..
– عصير برتقال فرش ..
طبعا نكون دايما كل اسبوع مجهزين له قائمة الأكل ولو شي ناقص على طول الشغالة اتقول لي ..
واخليها تنش من وقت عسب اسوي البوكس .. وعقب اجييك عليه
خذت له قطاعات للساندويش .. قطاعات للسلطة ..
احاول اتفنن في البوكس لأنه كلما كان الأكل منوع كلما انفتحت نفسية الطفل في الأكل .. وزاد نشاطه ..
والتركيز يكون كله في الصبح …
اتمنى منكم المشاركة في الموضوع .. وعدم تجاهلي
من اجل ابناء اصحاء .. 
فكرة للعيش
في اي حضانه حاطه ولدج وشو رايج في الحضانه وخدماتها
وماشاء الله عليهم الحمداالله ممتازة ..
حطي له في دبه معدنيه صغيرة عصير برتقال فرش
لوبيا مسلوق
حبات عنب وفرولة
قطعة جبنه شيدر
سندويشة (دياي مايونيز- بيض وجبن-جبن وطماط-جبن وبطاط-…..الخ)
كمن حبة بسكوت مملح