التصنيف: نادي السفر والسياحة

حواتي حبيباتي

من تعرف حد يرتب لنا السفر لزلامسي وقارمش ؟؟؟

بس باسعار معقولة

للرفع

للاسف ماعرف
للرفع

ترتيب من اي ناحيه

رحلات او سكن ؟؟

شخباركم بنات اللي سافرة لبنان تقوللنا شو احسن الاماكن اللي سارتلها وشو الفنادق عندهم وكيف اسعارهم وبخصوص المطار في احد اتسقبلهم في المطار ووداهم على الفندق ولا استاجروا تاكسي وكيف اسعار التاكسي من المطار للفندق

موفقه اختي الغاليه

سبحان الله وبحمده

للرفع

مستحيل ما في بنات في المنتدى ما سافروا لبنان وينكم يا بنات افيدوني ان شا ءالله احن رايحين بس 3-4 ايام شو اهم المناطق اللي ممكن ازورها في هالايام

ما جد سرت لها بس ان شاءالله حد ايفيدج

فديتكن خاطري اسافر دولة اوروبية قريبة اغير فيها جو مع ريلي . تخيلو اان هذي اول سفرة لي من دون اليهال , ريلي يقول شرايج بماليزيا ربيعه ساير لها توه يقول روعه غير اسعارها طبعا
بس انا خاطري بايطاليا او اي دولة اوروبية قريبة وهو عادي عنده بيوديني وحتا تكفيني اذا 5 ايام بس المهم نروح مكان يديد لانه حتا اهله سايرين بنفس الايام ماليزيا
يا ترا برايكمن نسير ايطاليا والا شي دولة او منطقه احلى و رومانسية
شوركن فديتكن

النمسآ –> خآصه منطقة زيلامسي طبيعهـ ويقوولون روعهـ =$

وايطآليـــآ حلوهـ كمآن –> حآلفه ما اطبهآ الا ويآ زوج المستقبل

للرفع للاستفادة

ماليزيا حلووه وعائليه سيري ايطاليا وغيري جوء انتي وريلج وردو عند الاهل في ماليزيا ورحله سعيده بعد الاستخاارهــ ربي يسر لج الي فيه الخير

لو كنت مكانج..بسير جزيره سيشل أو مالدييف…..

أفضل الجزر إذا بدون العياااال…………

انا ما احب جو الجزر …… هههههههه ما ادري احس شوه الوحده بتسوي في جزيرة
وانصحج اذا رايحه بدون العيال روحي اوروبا …. ابدا لا تفكرين في ماليزيا وانتي معاريس خخخخخخخخخخخخخ
وخاصه انج تقولين في نفس الفتره بيكونون ناس من اهلكم هناك
يعني يمكن تتلاقون او يعزمونكم وتضطرون تعزمونهم وتستوي رسميات ويخترب كل اللي تبينه من الرحله

بس عندي سؤال كيف تقدرين تسافرين من دون عيالج ؟؟ ما انتقد بس صدق اريد اعرف يعني شجعيني
او وضحيلي

اقوووووووووووول …. بما انج تبين شي قريب ليش ما تروحين تركيا … تراها حلوة بعد

اتوكلي ع الله (( إيطاليا ))

السلام عليكم خواتي. شحالكم. أبا أسافر بعد أسبوع شو ترشحون ماليزيا وله بانكوك وين أحلي والجو يساعد الحين

بالنسبه للجو شرق اسيا كله نفس الشي .. استوائي ممكن في امطار

بس عن تجربه ماليزيا احلى وانظف

تروحين وتردين بالسلامه

ارشحلج ماليزيا وبقوة

مااااااليزيا بدون كلام

مااااااااااليزيا ..
صح ما رحتلها بس ان شاء الله بزرها جريب

. . ماليزيا . .

اول مرة بسافر مع ريلي وعدي طفلين 4 سنين و1 ونص
وين اروح النمسا
ماليزيا
ولا تركيا وين تنصحونااااااااااااااااااا
لاتتاخرون عليه:1 (33):

والله يا اختى كلهم حلوين انا زايرتهم من قبل
ماليزيا حلوه بس مافى براد
وتركيا حلوه وفيها مناطق جميله بس خلى بالج على حلالج والله الحافظ لان اخى السنه اللى فاتت دخلوا عليه لصوص بالليل فى شقته مع اهله وسرقوا كل فلوسهم
والنمسا حلوه كثير بس انا عرفت مؤخرا ان سفرنا الى الدول الغير اسلاميه حرام الا لغرض الدراسه او علاج او لكسف الرزق
وان شاء الله اكون افدتج

حبيبتي روحي النمسا و تحديدا فينا وزلامسي وسالزبرج والله رهيبه النمسا جنان :1 (68):

نسيت اضيف شي مهم, ناسها طيبين وااااااااااااااايد شوي عليهم يجننون والله,:1 (68): اطيب شعب في اوروبا كامله شعب النمسا

انا رحت ماليزيا وتركيا وسريلانكا وان شالله هالصيف ناوين على النمسا+المانيا والله من خلال ما اقرا عنها وارتب لها شكلها رهييييييييبه واااااايد

الســـــــــلام عليكم ورحمة الله وبركاته

أشحالكـن أربكـن ألا بخيـر و سهـالة………عســى ربي يحفظــن دوم ويسعدكــن وين ما كنتـــن

حبيــــت أضيــــف لكن رابط ممكــن يفيدكــن بكل ما يتعـلـــــق بتأشيــــرات المواطنيــــن

طبعا أنــا (والعياذ من كلمة أنا) ما قـــدرت أحطـــه مباشـــر في المشــــاركة و السبـــــب الجدول الطويـــــل

كل وحده حابة تعرف تكلفــــة التأشيـــــرات

و كيفيـــة الحصــــول عليهـــا و مدى سهـــولة الحصـــول عليهـــــا

و الفتــــرة إللــــي تحتاجهـــا لإستخــراج الفيـــزة ســــواء بالطلــــب العــادي و لا المستعجــــل

ومــــــدة الإجـــــراءات و الفيــــزة نفسهـــا

المــــوقع ملــف مــرفق فـــي موقـــع وزارة الخـــارجية الاماراتيــــه يعنـــي شي مــــب من عندي

أرجو التثبيـــــــــــــــت بما فيه من فايــــدة لموضوع السفــــر و السياحــــة

وأعتذر إذا كـــــان الموضوع مكرر مع العلم أن الجدول يحتوي على معلومات مختصرة وممكن تكون المشاركة

مشابه للموضوع المثبت في أعلى صفحة منتدى السفر و السياحة مع احترامي لجميع العضوات

الرابط

ودمتـــــــــــــــــــــــــــن بــــــــــــــــــــــــود

أفااااااااااااااااااااا

15 زيارة ولا تعليق

على العموم شكراً على المرور

يزاج الله خير علي الموضوع المفيد … والصراحه يا في وقته لانه الكل يسال كم من الوقت تاخذ الفيزا الين تظهر .. والبنات الحينه بيستفيدن منه … افا عليج لو محد رد يكفي اني انا رديت ….خخخخخخخخخخخخخخ

يعطيج العافيه

فديتج شيخة أمها أسميه

تسلمين

بنت بوظبي الله يعافيج غناتيه

السلام عليكم ورحمة الله وبركاته

خواتي اريد معلومات عن دلهي، وين انظف مطاعمها

وارخص وارتب اسواقها ، وشو الرحلات اللي ممكن

اسويها من هناك …

طبعاً السفر للعلاج ، فبيعتمد هذا كله على مواعيد

المستشفى والطبيب.

والشكر موصول لكل من بتساعدني او خطر فبالها

تساعدني ولو بدعوة طيبة.

موفقة

جزاج الله خير

ولا حد راح الهند!!!

ماشي معلومات

بالتوفيق

.
.
.
.

الســلام عليكم و رحمة الله و بركــااته . .

أقــدم شكري لكل أخــت ردت على موضوع من مواضيعـي أو رفعته ، و عســى الله يثقل بكل حرف ميزان حسنــااتها و يجعل لها النصيب الأكبـر من التسخير مثل ما سخـرت لي وقتهــاا و معلومتهــاا . .

و كل موضوع ينطرح في هذا المنتدى ، مرجــع للي بعدنــاا . .
مثل ما نحن نبغي نستفيد من اللي قبلنــاا أكيد فيه اللي يبغي يستفيد منــاا . .

خواتي أنا نزلت هذا الموضوع

https://forum.uaewomen.net/showthread…2#post43105952

و أبغـي مســااعدتكن عشـان نكمل الموضوع لا هنتـوا . .

لأني جـد محتــاارة و أبـــــد مـــااشي وقت . .

أبغي جدول سيــااحي متكامل لكل مدينة بنزل فيهــاا ..

بــاادن بتم فيهــاا 4 أيـــاام ، وين أروح ؟ كل يوم وين أقضيه ؟

نحن بإذن الله بنستــأجر سيـــاارة ، ونبغي نعرف الجدول

مثلا اليوم نروح صوب الشلالات ، طيب بعدين وين نروح ؟ هل ينفع نروح مشي بحكم موقع الفندق ولا لازم سيارة ؟ وهل يروح اليوم كله ع الشلالات ولا في مجال نروح مكان غيره ؟ . . . . الخ

لأن حجز الفنادق للحين مش مأكدين عليه و لهالسبب أقول انه أبــــــــد مــــــــااشي وقت . . .

خـــواتي الله يرضى لي عليكم ســااعدوني ، لأن ما شاء الله ما بقى شي ع العرس وانا وياه نحوس في النت ولا رسينا على جدول ، ما عندي وقت أهتم بنفسي عدل لأن ترتيبات السفر للحين مب مخلصين منها !

اتريا ردودكن خواتــي و عسى الله يبلغنا وياكم ليلة القدر بأحســن حــاال و يطرح السعادة في درب الجميع يــاا رب . .

خــــاالص ودي

أعتقد مدينة يوروبا بارك للالعاب قريبة وايد من بادن بادن
تقدرون تسيرون لها يوم

بادن بادن تشتهر بالمصحات العلاجية
وبتلقين فيها أثار حمام روماني قديم

وفيها الغابة السوداء للمشي فيها

وممكن يكون فيها مهرجان سنوي (شيكي على النت الأيام )
وعادة يقام في قاعة البلدة الرئيسة اللي يسمونها (كورهاوس)

فيها حدائق طبيعية روعه ومتحف لوحات فنية

وعندهم قطار سياحي داخلي ياخذج لفة في المدينة

فيها سوق صغير وطبعا المقاهي الراقية منتشرة على كبر المدينة

عسااج ع القوة اختي الدماني

بضيف كل شي كتبتيه للدفتر .. بس كيف اقدر انسق لي جدول يومي ؟

شوفي حبيبتي
صعب انج تسوين جدول يومي وتلتزمين فيه من هنيه

انتي أول ما توصلين الفندق اسئلي الكونسيرج كل الأسئلة المتعلقة بالسياحة
يعني مثلا : اسئليه متى أفضل يوم تزورون فيه يوروبا بارك من حيث الزحمة؟
والـ tourist bus من وين تقدرين تركبينه ؟
وهكذا

لا تنسين انتي في شهر عسل ..لا تكظين الريّال وتلتزمون بجدول ونشّة من الصبح
خلّ الأمور تترتب هناك

هذا تقرير عن زلامسي

https://forum.uaewomen.net/showthread.php?t=106755

واذا بتختارين شور الدماني وبتسيرين يوروبا بارك لقيت لج هالتقرير فيه معلومات كافية

●[ اوروبا بارك أكبر ملاهي في اوروبا ! تقرير مصوّر .. Europa Park ]●
https://forum.uaewomen.net/showthread.php?t=344037

ميونخ بتسيرين المارين بلاتز وهو ساحة كبيرة فيها محلات ومطاعم

السلام عليكم …

من كمن يوم وانا اجيك على التذاكر حق شهر ديسمبر وايد مرتفعه خصه حق اوروبا …

الايكونومي وصلت التذكره 5000 وشوي حق باريس

و البزنس بعد وااأيد رافعين اسعارهم ليييييش ؟!!!!

ظنكم بلاقي في مكاتب السفريات عروض احسن من الاون لاين ؟!!!

مرحبا اختي. مممك اعرفت التواريخ الي تبينها بالضبط

واتوقع التذاكر. مرتفعه عسب راس السنه او الكرسمس. ^^

وبالنسهبه للمكاتب. اكيد الاون لاين ارخص عن المكاتب بس هذا مايمنع تسالين يمكن عندهم عروض ^^

اوروبا عندهم تنزيلات شهر ديسمبر والناس تستغل هالموسم

موفق ان شاء الله

صح كلامهم عشان الكريسمس
ولان بيكون عندهم امور واحتفالات

لان اجازة الكرسمس وراس السنه ترتفع الاسعار واتوقع اجازة نص السنه بتصادف شهر ديسمبر

ومرات في مكاتب عندهم اسعار او عروض سعر ويا سعر الفندق ليلتين او ثلاث ليالي

تقدرين تتصلين المكاتب وتقارنين بالموقع

عشان الكريسمس و راس السنه اختيه فكل الأجانب يسافرون

مرحبا خواتي‏‏‏‏ . شخباركن ؟ أنا حاليا في بوستن .. بس حبيت أسأل شو الأشيا ألي الواحد يقدر يشتريها تكون مميزه .

للرفع ..

للرفع

انتي وين في ديينفر ولا في بوسطن حاليا؟

اممممممم سيري مول cherry creek
ولاتنسين شارع 16th
و جاليريا سنتر ال3 طوابق في مطاعم عربيه

وصح نسيت اخبرج خذي مكياج ماركات و لاتنسين فيكتوريا سيكريت
الملابس الداخلية القطن عندهم يجنن

مشكوره حياتي .. خلصت من فكتوريا سيكرت .. بس ميكب عندي ما ظني باخذ ميكب

سيري واشنطن ستريت روعه…

ونيتك سنتر طررر..

والاوت لت روعه وبيعيبج وايد …

وكبلي سكوير طرررررررررررررررر…

يااااااااااااااااااااااي شوقتيني لبووووووووووووووستن ^.^