التصنيف: الأرامل والمطلقات والمتأخرات عن الزواج

صباحووووووووووووو ..

شحالكم حبايب قلبي ؟؟

دخيلكم يالمشرفات لا تغيرون القسم :12

(46):

أنا وحدة من المطلقات

أكيد تعرفون حد من اهلكم ربعكم مرو بتجربة الانتقام ما بعد الطلاق ..

اتكلم عن عمري مرات خاطري انتقم ، بس تربيتي ما تسمحلي للانتقام >>> حشه شريه ههههههه ..

اللي يطلق الحرمة يفكر ينتقم اذا كان يحبها ؟

ممكن هالانتقام ياذيها ؟

و كيف يحاول ينتقم بالرغم ان هو اللي باع و هو يتحسب ان هي ميته عليه ؟

فلوسمحتو فيدوني ، و لو دعوة حلوة ..

موقفه

ما اعتقد الرياييل تفكيرهم شراتنا
الريال اقصى شي يسويه ان يتزوج وييب عيال ويعيش حياته ويرمي طليقته وذكرياتها وراه
لكن احن الحريم عاطفيات جدااااااااااا ونستخدم القلب قبل العقل
فنتعلق بالماضي وايد وودنا الامور تنصلح رغم ان احن مرات اللي طلبنا الطلاق
وتفكيرنا بالانتقام يكون ناتج عن جرحنا عن تخلي الطرف الثاني عنا (وشرات ما قلت ييمكن احن اللي طلبنا الطلاق بس يمكن كان ودنا الطرف الثاني يكون اكثر تمسك فينا)
او حملنا كلمة مطلقة وعن معرفتنا ان الياي بيكون صعب
سواء نظرات المجتمع او ان في صعوبة بالزواج من شخص ثاني

انسي وعيشي حياتج واعتبريها بداية حياة يديدة لج لاتخلينه ياخذ منج اكثر من الي اخذه

ليش الانتقام بالعكس بخلي علاقتي وياه حلوه
ما بنسي انه هذا كان ريلي
يمكن ما قدرنا نتفاهم
بقوله الله يوفقك

يسلمو ..

بس أنا عايشة حياتي و موضوع عيبني حبيت اتناقش وياكم فيه ..

منو قالج ان في فئة ما تبا تنتقم الا تنتقم و نص ..

اختي انتي مارة بتجربة الطلاق ؟؟

اشك انج فاهمه علي ؟؟

السلامم عليكن يالمنطلقات
عساكن بخير
من وجهة نظركن شو الاحسن اخلي طليقي يخلي الخدامه باسمه او اخذ منه فلوس انا اييبها باسمي
شو الايجابيات و السلبيات في هالموضوع من خبرتكن و الي مرن في مواقف مع هالامور
و شكرا

لو بيعطيج بيزات باسمج احسن تييبينها باسمج عن يصير شيء و تحتاجين الكفيل
بس لو هو من النوع البخيل خليه اييب لج البشكارة و بسوي الفحص وكل شيء بس تستلمينها جاهزة

ما يختلف دام فالحالتين هو بيدفع بس اذا كان الريال لعين وتحسينه عادي يكنسل لعانه خليها بسمج وهو يدفع وريحي راسج

للرفع

خليها باسمج عشان ما تضطرين تتواصلين وياه اذا صار شي

اممممم صح كلام الاخوات اذا الريال ممكن يخون فيج خليها باسمج افضل ويعطيج البيزات اما اذا هم ريال ومتحمل مسؤولية عيالة وطليقتة خلية علية يمكن الامور تتصفى مع الوقت الله يسر الحال

اَللَّهُمَّ يَا خَيْرٌ الغَافِرَيْنِ، وياخير الفَاتِحِينَ، وَيَا خَيْرٌ الرازقين، وَيَا خَيْرٌ المُحْسِنِينَ أَجْعَلُ أَمْرِي وَأُمِرُّ أحبتي وَالمُؤَمِّنِينَ كُلُّهُ خُيَرًا،. سَبِّحَانِّ الَّذِي إِذَا ذَكَرَتْهُ ذَكَرُكَ، وَإِنْ شَكَرْتِهُ زَادَكَ، وَإِنْ تَوَكَّلَتْ عَلَيْهِ كَفَّاكَ.. سُبْحَانَ اللهِ وَالحَمْدُ لله وَلَا إِلَهَ إِلَّا اللهُ وَاللهُ أَكْبَرُ.. اَللَّهُمَّ إِنْ كَثَّرْتُ ذنوبنآ فاغفرهآ وَإِنْ ظَهَرْتُ عيوبنآ فآسترهآ وَآنٌ زآدت همومنآ فآزلهآ وَآنٌ ضُلَّتْ آنفسنآ طريقهآ فرُدهآ آليكَ رَدًّا جميلاً ❤️

السلام عليكم ورحمه الله وبركاته

خواتي انا مثلكن ..متاخره عن الزواج ..بس بعد احس الحين صار سن الزواج الثلاثين لانه البنات معظمهن يعرسن في الثلاثين هالايام ههههه
لكن هذا مب موضوعي ..

اريد اقولكن اني صح اريد اكمل نص ديني و اتزوج مثلكن ولكن …….مهم جدا يكون هالزوج شخص مناسب بعد..

طبعا ما اتكلم عن التدين وانه يكون صالح مصلي و يخاف ربه (هذا اول الشروط قبل كل شي لازم نتاكد منها)

بس قصدي الشخصية….هل تناسبني او لا …..شكله هل في نظري اتقبله ولا لا….صح بتقولون الشكل مب مهم ..خواتي انا ما اقول ملك جمال..بس شخص شكله (مقبول بالنسبة لج انتي العرووووووس ) مب لازم يكون مر على لجنة تحكيم للجمال لا ..القبول شي مهم جدا .. يوم التقي فيه في النظره الشرعيه ارتاح له واااااايد و اقول هذا هو الشخص الي بكمل معاه نص ديني

الزبدة :
خواتي لا تستعيلن على العرس و لا تعرسن بس عشان العرس و الحفله و الكوشه و الكشخه

لا ….شوفي الريال هل يناسبج ولا بس المهم بيستوي اسمج معرسه وكان الله غفورا رحيما؟

شوفي هالمخلوق يناسبج ولا لا…فكري في هالريال الي بتعيشين معاه بقية عمرج..وشو الي يناسبج وشو الي ما يناسبج

انا عرفت عمري الحين ، اهم شي عندي الراحه النفسيه مع هالشخص..غير جذيه لا.. حتى لو تاخر سني اكثر من جذيه عن الزواج ..

لا حول ولا قوة الا بالله

ربي يوفق الجميع اختي

فديتج النظره الشرعية من السنة
قال الرسول صلى الله عليه وسلم "انظر إليها فإنه أحرى أن يؤدم بينكما"

وبعدين انا ما يلست اتشرط فديتج بعد ما تبين تظلمين الريال
يمكن لو ما ارتحتي معاه ما تسعدينه وغيرج يسعده اكثر
وبعدين مب قصدي بس الشكل ..لو شخص عصبي و يضرب اخذه المهم زوج؟ لا والله اهم شي راحة البال والتفاهم مب الظرابه

والاستخاره خطوة لا بد منها في الزواج وهالامر بديهي جدا

موفقات ان شاء الله

وعليكم السلام ورحمة الله وبركاته

كلامج صح ميه ميه,,ربي يووفقنا ويسعدنا ان شااااااااااااء الله قريبا قولكن امين,,

لي تقول مب لازم تشوفه لا فديتج لازم تشوفه هي بتعيش ويااه باقي عمرها كيف بتعش ويا شخص مب متقبلتنه
وعلى طاري النظره الشرعيه اول شي الرسول وصا بها وثاني شي اثبتت دراسات علميه ان النظره الشرعيه اذا الثنين شافو بعض وما رتاحو حتا لو كانوو حلوين بس سبحان الله يكونون حاملين امرااض في جسمهم يعني مثل لي حاملين الثلاسيما وما يتوافقون ويا بعض ماعرف كيف اشرحلكن بس النظره الشرعيه واايد مهمه

–
–
من العنوان واظحه سالفتي

مالج حقوق و لعيالج نفقة بس

ان شاء الله وحده من الخوات يفيدج ^^

اتآكدي من محآمي افضل ،

مثل ما قالت الاخت مالج اي حقوق عند الريال بس نفقة العيال ..
والافضل تتاكدين من محامي او اي امرأه مطلقة,,
انشاءالله البنات ما بيقصرون,,

مالج حقوق بس نفقت العيال

وتقدرين اطالبين بخدامه للعيال وجيه

ولو تسالين لمحااااااامي بعد افضل

ومسك الختام استعيني بالقر’آن الكريم لتطمئن نفسك وتسعدين بحياتك

موفقة

كلام مريح وجميل
والله يزاج الجنه
ويوفق كل وحده ف دنيتها واخرتها سواء مطلقه ولا معلقه ولا معرسه

يسلموووووووووووو

العفو خواتي

شكراً

اول موضوع لي في المنتدى
بنات صارلي 3 سنين مطلقة لسبب تافهه وطليقي تزوج وعنده ولد وبنت انا للحين بنت ماني بحرمه كل ماحد يتقدم لي يتفكرش الموضوع مجرد تفكيرهم انهم راح يخطبون فلانه بن علان يطلعون لي ناس ماعرفهم ولايعرفوني ويخربون الموضوع ناس حساد وام طليقي الله لايسامحها لادنيا ولااخره خربت سمعتي وسمعة اهلي مشان يطلقني ولدها وطلقني وهالحين اني في بيت ابوي وامي مهي بطايقتني ابد دعواتكم لي بنات بالزوج الصالح والذريه الصالحه يارب والله لايسامح الظالمين حسبي الله ونعم الوكيل

الله المستعان

حبيبتي كلشئ مقدر ومكتوب ولربما خير لك ماتدرين ….
باءذن الله ربي راح يعوضك
اهم شئ تاخذي راضا امك وربي راح تتحسن احوالك كلها كثري الاستغفار وربنا يحقق لك امنياتك
بس عندي طلب صغنون غيري نك نيم تبعك وخليك اقوى من كيذا مثل مايقولون ياجبل ما يهزك ريح ابدئي حياتك
من اول وجديد مش تكوني مكسوره ويائسه لسه الدنيا بخير وخليكي متفائله غلاتي

الله يعينج يااختي ويفرج همج وايسر امورج عاجلاغير اجلا

حسبي الله ونعم الوكيل في ام طليقج وان شاء الله كل اللي سوته فيج برجع لها انتي بس قولي حسبي الله ونعم الوكيل ودوم ردديها

الله يفرج هم كل مسلم ومسلمة

صباح الخير ..

اللي يباج بسوي المستحيل عشان يتم معاج , احمدي الله ان كل حد بين لونه الحقيقي .. امج جي و لا جي بترضى بس خلج هاااااااااااااادية معاها ..

ابتدي حياتج من اول و يديد يعني اشتغلي , كملي دراستج سوي اي شي يلهيج , و حطي في بالج الدنيا دواره ..

لا تعيشين عبقايا الماضي هو عايش حياته و انتي تاكلين روحج و هاي روحها اكله الجبد اتيب بلاوي ..

انا شراتج مطلقة من سنتين و داخله عالسنه 3

أختي تذكري دوم أن الزواج جزء من حياتج

السلام عليكم .. شحالكم خواتي

بغيت استفسر .. اللي تتطلق وعندها ولد سنتين وين يروح ولدها

يعطونه للأبو ولا الأم ؟؟؟ ولو تم عند الام لين متى بيتم ؟؟ او العكس

بلييز اللي تعرف ترد علي . يزاكم الله خير

لانه اعرف حريم خذو عنهم عيالهم . انا استغرب!!

اللي اعرفه لين مرحلة البلوغ يتم مع الام

ان شاء الله البنات يفيدونج

للرفع

السلام عليكم ورحمه الله وبركاته،،،

اختي الحبيبه ما اتمنى ان الوحده تتطلق( ظل رجل ولاظل حيطه) اصبري ما في حد مرتاح ف هالدنيا… اصبري واذا نفذ صصبرج استخيري ربج وشوفي مصيرج البقاء والا الطلاق…

واذا حصل الطلاق اظن الطفل يكون عند الأم لانه صغير ويتم عندها لين ما تتزوج الأم واذا تزوجت الأم وشافت المحكمه ان الأب غير صالح للتربيه يخلونه عند الجده( ام الطليق) او ( والدتج)

هذا حسب علمي…

الله المستعان

شو هالكلام مال ايام الجاهلية

يعني اذا الريال يخون و يضرب الحرمة ضرب و يهزاها تتم معاه

لا طبعا كل شي و لا الكرامة

طزززززززززز و طززززززززززززين فيه حتى لو كان عندي من 12

مب مستعده انكد عنفسي عشان واحد ما قدرني .

اغلبكم يدعي بالزوج الصالح فقط بس الله كريم اذا دعييته بمواصفات الي تبينا الله قادر يرزقج كفلق الصبح

ادعوا بهذ ا الدعاء اللهم ارزقني زوجا صالح طيب حسن العشرة مبارك وكثير البركة وزين ومن خيرة الرجال ويارب اوفق معه ويسعدني طول العمر ويارب ارتاح معه ويرتاح معي ويارب يكون قرة عين لي واكون قرة عين له ويارب نوفق معا ونسعد وزواجنا يستمر طول العمر ويارب انجب منه ذرية صالحين سليمين طبيعيين معافيين مباركيين كثيري البركة اينما كانو ا

ويارب يكون زواجي منه خيرا ككثيرا لي بغير ضراء ولا مضرة ولا فتنة مضلة

في ميزان حسناتج ان شاء الله وربي يكتب لج اللي فيه الخير و يحقق امانيج

يزاج الله خير عزيزتي

امين لنا ولكل بنات المسلمين

السلام عليكم
كل عام وانتو بخير

لازم نستغل كل دقيقة فرمضان للدعاء

بقول لكم عني كل ما اكؤن فاضية استغفر. واقول لا حول ولا قوة الا بالله و اقول يا ودود يا لطيف و اقول دعاء سيدنا يونس

الاهم النية الاهم بعد الاخذ بالاسباب والسعي واهم نقطة ادعي لغيري و الصدقة

وانتو يا حلوين

اسال الله ان ييسررر يااااارب وان يعيننا على الصلاه والدعاء والطاعه
يارب ايسر امرج من حيث لاتحتسبين يااارب

قراءة القرآن والاذكار وصلاة الضحى والاستغفار والصدقه وحظور المحاظرات والدعوه والقيام
والله يعينا على قيامه وصومه

الدعاء عند السجود
الدعاء عند اذان المغرب

السلام عليكم
عندي استفسار من المطلقات الي عندهن يهال صغار
هل يحق للاب يأخذ الطفل الي عمره 3 سنوات للمبيت عنده أم انه لا يسمح له قانونا
ملاحظة الطفل في حضانة الأم
وشكرا

ان شاء الله البنات يفيدونج

للرفع

للرفع …

ولو تساليين محامي يكون احسن …

المادة 154

1 – إذا كان المحضون في حضانة أحد الأبوين فيحق للآخر زيارته واستزارته واستصحابه حسبما يقرر القاضي على أن يحدد المكان والزمان والمكلف بإحضار المحضون.

كلمه واستزارته يعني عادي المحضون اللي هو الطفل يزور ولي امره اعتقد مادري ماقدر افتي انه سن 3 سنوات عادي يبات عنده لاانه اعتقد اصغر شي يعتبرون سنتين لكن مثل ما منصوص بماده القانون لازم ها كله يكون محدد من قبل القاضي انتي منو خليتي محامي بقضيتج ملف الحضانه شو مكتوب فيه

يزاكن الله خير ما قصرتوا

احسن ان يكون متفقين على كل شي انه مررره في الاسبوع يزور الاب احسن علشان مايقطع الطفل ابوة ولازم يحس انه عنده اب مثل باااقي الاطفال

متفقين يشوف الولد يومين بالأسبوع و٦ ساعات بس المبيت صعب لانه صغير