التصنيف: الحمل والولادة

بنات انا بطني يعورني من 15 يوم للدوره..,,
عوار خفيف حتى اول ما انش من الرقاد بطني يكون يعورني
ويوم البس شي ضيج بطني يعورني؟؟
والحين باقي اسبوع ع موعد الدوره..,,
مابا اقص ع عمري واقول حامل..,,؟؟
رب لا تذرني فردا وانت خير الوارثين..,,

ياليت اللي صار فياها شراتي تخبرني..؟؟

الله كريم خلج متفائلة ولو ما حملتي هالشهر الي بعد إن شاء الله الله لا يحرمنا

مشكوره الغاليه

انا كنت جذي وطلعت حامل
الله يرزقج الذرية الصالحه يارب عاجل غير آجل يارب

آآآآمين يارب

آآمين يارب ..
ومشكوره فديتج

الســــــــــــلام عليكم ورحمة الله بركاته …

أشحالكم أخواتي ؟؟ ..
مبارك عليكم الشهر رمضان مقدما ..
والله يتقبل منا ومنكم صالح الاعمال ..

عندي مشكلة واباكم تساعدوني فيها …
اجهضت من 3 او 4 شهور تقريبا وهاذي ثاني دورة لي بعد الاجهاض فيتني الدورة بشكل غزير ولي سبع ايام وهي غزيرة جدا ..
فسرت للدكتورة ..وقالتلي عندج اضطراب في الهرمونات وعطتني حبوب منع الحمل استخدمها لمدة شهرين ..
وأنا خايفة من حبوب منع الحمل ..
واللي يتها نفس المشكلة .. أرجوكــــــــــم .. تجاوبني ..

ما عندي علم
بس حبيت ارفع لج الموضوع
وانشالله غيري يفيدج

والله ما بنصح احد يوخد مانع حمل دوا استخدمي مانع حمل طبيعي والدكتورة اعلم بالطب

حبوب منع الحمل تنظم الدورة والهرمونات ,,
استمري عليهن وان شاء الله عقب هالكورس تبشرينا بالحمل ,,,

والله معرف بس اذا هي دكتوره شاطره وقبل احد تعالج عندها فهي ادرى ياالغلا

توكلي على الله ,,,,,,,,,,,,, ولاتفكرين واايد
ويمكن لان دورتج مو منتظمه ,,,,,,,,,,,, وهالحبوب ترتب موعد الدوره علشان يترتب موعد التبويض او شي
الله اعلم

المهم لاتفكرين واذا ماتبين سيري دكتوره تانيه ,,,,,,,,,,, للاحتياط

للرفع

مســاء الخييير كروشااات

أنا اشتريت وسادة حمل يوم جربتها كانت وااايد مريحة في النوم

ريحتني واايد

بسس من قمت الصبح حسيت بويع في المنطقه الحساسه لييين الحييين بعده الويع

فحبيت أسألكن وخاااصه اللي مجربه الوسادة

هل هذا الويع أمرر طبيعي……….؟؟؟؟؟

لأن أول مرة أجرب هالوسادة في حملي هذا

فوووووووووووووووووووووووووووووووق

أب أب أب أب

اب اب اب

شو وسادة حمل اول مرة اسمع عنها راوينا صورتها

سمعت فيه بس ما جربته
اذاا الويع طبيعي
يبالناا ناخذ منه

ان شاء الله خير الغاليه

السلام عليكم ورحمة الله وبركاته
شخباركم الغاليات

اليوم بخبركم عن مغامرات ولادتي ببنتي وهي الثالثة وقبلها ولدين الحمد لله
هذا الحمل بالنسبة لي من اوله لاخره مفاجآت وكوارث
يعني مع اني كنت اخذ احتياطاتي بالحمل وموانع وغيره الا اني حملت واول ثلاثة شهور ماكنت اعرف بالحمل واسبوعيا ناقزة الصالون حمام مغربي وتشقير وصبغ ووايد اشياء وانا ولا على بالي لاني الحمد لله الوحام عندي بسيط وكله الا اني دومي احس اني شبعانه ومالي نفس بالاكل وعادي يومين يمروا على انا مااشرب ماي
المهم بيوم من ايام الله كنت مداومة وحسيت بالم فضيع بخاصرتي كل شوي يزيد علي وانا خلاص انتهيت لين مالاحظ على مسؤولي وقالي شكلج تعبانه روحي البيت وانا مادريت بعمري كيف وصلت البيت وقعت اصيح من الالم قلت الدودة الزايدة بس الالم كان فوق وعلى اليمين يعني مايخصه
المهم اتصلت بالمنقذة الاولى امي الله يحفظها وانا اصيح ولحقت على هي واخوي وودوني المستشفى وريلي احيده مسافر ذيج الايام دخلت على الدكتور وامر لي بتحليل دم واشعة بعد مااكدت له اني مب حامل لانه قبلها باسبوع كان يطيح لي دم وسويت تحليل منزلي ومابين شي
بعد ماخلصت الاشعة وبنفس الوقت طلعت نتيجة تحليل الدم النيرس يايه تبشرني اني حامل وانا عيوني @_@ لا كيف وليش ومايستوي مني مناك راوتني النتيجة وقالت ها طالعي بققي عينج عدل
قلت لها عن الدم والتحليل قالت الدم لانه الرحم يتوسع والتحليل مب شرط يكون صح تميت متغايضة وامي مستانسة كانه اول حمل لي والالم هو عبارة عن الامساك اللي مستوي لي وانا ماحاسة.
ومرت الايام على خير والحلو اني كنت اضعف على الرايح ووناسة وبعد الشهر السابع بديت المشي ويا خواتي اللي يبونها من الله هم يخفون وزنهم وانا الاثنين للحمل والوزن خخخخخخخخ
وكان موعد ولادتي تاريخ 28 /5/2017 وانا كنت ابيه 2024 لانه اول بيبي لي 2024 والثاني 2024 وانا احب الاعداد الزوجة بس الحمد لله على النعمة
تاريخ 22كنت امشي مع اختي واحس بطني يعورني من تحت كانه راس الجنين يضغط على تحت وكل عشر دقايق اوقف وايود بطني ماكان الم قد ماهو ضغط بس استمريت بالمشي وخلصت وروحت البيت وهاي حالتي لليوم الثاني
تاريخ23قررت اني اسوي حمام وتشقير وحف وكله عسب بتم 40 يوم مابتعدل ورحت شريت الحلاوة وجهزت وقلت برجع من المشي وبخلص شغلي بروحي بالبيت بيوم وحدة ، خلصت مشي وخذت اليهال وروحت ولما وصلت البيت الساعة 11 بالليل ابي انزل من السيارة هوووب عورني ظهري شو السالفة ها الم مب طبيعي مااحس فيه الا لما اولد لما الظهر يتمدد , دخلت البيت ورقدت اليهال والالم يزيد كل عشر دقايق وانا اقول وابوي شكلي بولد اليوم وانا ماحفيت على الاقل وحشائش السافانا حدث ولا حرج وماشي وقت ها الالام من الاخير وركيض على الحمام اسبح ومالي غير الموس وامري لله بس الحق على المنطقة الحساسة اهم شي سويتها شطرنج رقعتها من كل صوب ماقادرة من الالم وحشرت ريلي على التلفون وحميتي اللي ريلي ماكل فوادها وهو كان بالدوام وقلت له كانه الم ولادة واذا زاد بتصل عليك وبروح اشيك بالمستشفى لانه الموعد بعده والريال ياي درب النص ساعة سواها عشر دقايق
وقبل لا اسبح لاحظت نزول الماي بس سكت مابي اولد اليوم ماخلصت حف
<<<< على كيفها والله
شوي اجوف ريلي يدق الباب على وانا قافلة باب الحجرة ودخل من حمام خوااته بينا جامة المروحة ويكلمني متفيج وانا همي اخلص شغلي
وطلعت ولبست وقال لي بزقر امي قلت له لا لاتوعيها انا بروح افحص وبرجع لانه بعده موعدي قال لي انزين بنروح لامج قلت لا مب لازم اخواني عندهم امتحانات
ومني ومناك مر على امي وخذناها ولما وصلت ودخلت المستشقى الساعة1 ونص وفحصت قالت لي الدكتورة فاتح 8 سانتي يلا على الولادة
وانا ماشي مسيرة مب مخيرة وقلت هاي البنية بعدها مايات ومطلعة روحي ماراضية تخليني اخلص اشغالي

كنت اقري على روحي سورة الزلزلة بس ها اليوم نسيتها وماقادرة اتذكرها والنيرس تقولي ادعي واقري اقولها مااقدر نسيت كل شي وتمت تقرى على مسكينه وانا بموت اقول لامي مابي اولد الحين ماوقته<<<<<< والله متفيجة خخخخخخ
وشوي حسيت بالزفرة وربيت الساعة 3 و20 دقيقة الحمد لله وطلعت بطلعان روحي بس حسيت بالم فضيع بعد الولادة قعدت اصيح وهي مبتسمة ريلي يقول لي انتي تصيحي وبنتج تضحك عليج قلت بخاطري هاي ناوية على حرب اجوفها من وهي نطفة تعاند فيني
وليومكم مغامرات وياها بس الحمد لله اختي وامي ساعدوني بتربيتها ومدلعه من يدها كانه بنته من كثر مااتعود عليها واتوديه سوق السمج كل يومين حضرتها تحب السمج ولازم تشتريه بروحها <<< طالعة على ابوها هسيسية
وتوتة توتة وكبرت البنوتة

واتمنى اني كنت خفيفة عليكم مع انه في مواقف وايد استوت بس حبيت اختصر
وادعولي انا الحين بحملي الرابع وها روحه قصة
والله يسهل على كل حامل

الله يسهل عليج اختى

ههههههههههههه اسميج فايجه
الحينه تربين والا تحفين !!! والله انج تحفه

الحمدلله على سلامتج وسلامه البنوته
ومبروك عليج الحمل اليديد والله يسهل عليج وتطلع لج بنوته مطيعه شرات ما تبين >>>وهذا سابع المستحيلات
ياحب البنات للمعاند ويا الام والدلع على كيفج ويا ابوهم !!

الله يحفظكم لبعض يارب

مـــــــــــــاشاء الله عليج ..

الله يبارج فيهــا ويجعلها من الصالحات القانتات الباراات بوالديهــا ..

مشكورات حبيباتي على المرور
وبعدين لازم احف كيف عيل اسير اربي جي وعقب مابقدر شهر بطوله صعبة والله
وعن اني رحت جاهزة للولادة والله جي زين ولا عذاب المستشفيات وبعدين ماشي احسن عن المشي هو اللي يساعد صج والتوكل على الله
الله يعين كل حامل يارب

الحمد لله على السلامة

الغالية انا اعرف مستشفى الملكي والزهراء

ماعندي فكرة حبيت ارفعلج الموضوع

حد من الكروشات سارت الجدول الصيني اتحدد الجنين ويوم ربت طلع نفس الجدول ساعدوني اريد اعرف ادعولي الله يرزقني بولد لانه عندي بنوتة

الغلا لا اتسوين لانه ما يجوز انا سمعت انه حراام

وصديقة اختي قالت انا بحمل في هالشهر وبمشي على الجدول الصيني وكانت تبغي ولد وبعد ما كملت 3 شهور سقطت

انتي احملي وادعي ربج يرزقج بطفل سليم

انا ستعملته الانه اول حمل حقي ويوم شيكت بالسنار طلع العكس والله يعلم بتأكد يوم بربي

معرف والله لني ما جربته ومقدر اقول حلال ولا حرام
بس كل شي من الله حمدالله زين
اهم شي الطفل يكون بكامل صحته وخالي من كل تشويه ومرض

السلام عليكم حبيباتي

انا باقلي اسبوع وبدخل الثامن
واليوم الدكتوره خوفتني قالتلي البيبي راسه دايمن فوق مول مانزل من بدايت الحمل قلتها انا روحي احس ان البيبي ماينجلب بس يرفس

جيكتلي ع الحبل السري وقالتلي ملتف لفه وحده حول الرقبه
يمكن عشان جه مب قادر يجلب

خواتي منو صار لها نفسي وهل بقدر اربي طبيعي ولا خطر

بليز خواتي ادعولي اربي طبيعي وينفتح الحبل السري وينزل راس البيبي …

الله يهون عليج يارب العالمين
اهم شي اتابعين مواعيدج بانتظام
و عقب يمكن تجوف الدكتورة ان لازم تسوي لج قيصري

قيصري او طبيعي كلهم من رب العالمين عادي لا تتضايجين

وي ذكرتيني بولدي الاول الرحم كان فاتح خلاص وبربي طبيعي على اخر لحظه قالوا لي الياهل وايد تعبان لان الحبل السري ملتف عليه حياااااتي سبحان الله ربج ربيت طبيعي بس يوم طلع ماخلوني اشوفه او اشله قالت اختي كان خلاص بيختنق لونه كان بنفسجي توكلي على الله وامشي فديتج وان شاء الله تتغير وضعيته وربي يسهل عليج وادعيلي الله يسهل عليه ولادتي قربت باقيلي اسبوع

الله يفرج همج يارب ويسهل ولادتج ويفرحج في ضناج يارب

انا مش عاوزه اخوفك بس الموضوع محتاج متابعه بالنسبه للحبل السري
اما وضع الجنين انا كمان كان لاول التاسع مالف نصحتني الدكتوره ان اعملك وضع السجود كا ما اقدر والحمد لله لف فعلا عل اخر لحظه وبقى زي العسل ان شالله تقوملنا بالسلامه يااارب

فديييتكم ماقصرتوووو الله يسهل ع كل حامل ويرزق كل وحده اللي تتمناه
ان شاء الله خييير متوكله ع ربي

الله يعينج يااختي ويسهل عليج
حاولي تطولين فالسجود

السلام عليكم بنات اشحالكم عساكم بخير
حابه تفيدوني وعلى السريع الله يخليكم و ييسر اموركم
من جربت تربي في مستشفى الرحبة او النور و تحددلي اي مستشفى النور الي في شارع المطار ولا الثانية وطبعا اسم الدكتورة واذا كانت عملية او طبيعي وهل ضمان يتكفل به كامل او النص… انا جربت الكورنيش و ماعيبتني اهماااااااال على الاخر و خايفة و متعقد مابا اردلهم ياليت الي جربت تفيدني

ربيعاتي واهلي يمدحون النور اللي فشارع المطار عند الدكتورة ماجدة ،، انا ربيت فالكورنيش بس مؤول ما أنصحج فيها والله غربلوني واايد..

بنات منو سمعت عن دكتورة هالة السيد اللي في مستشفى النور شارع المطار؟؟؟

انا حاليا اراحع عند الدكتوره ماجده فالنور وايد زينه
بس بعدني ماجربتها فالولاده

انا اراجع في النوؤر وكان كل شي تمام وحملي جدا طبييعي ويوم وصلت بداية التاسع قالت لي الدكتورة والله انتي يبالج طلق ويبالج ع الاغلب قيصيرية لانه البيبي الماي اللي عنده قليل جدا قلت لها استهدي بالله من اسبوع كل شي طبيعي وقمت اصيح خفت على ولدي .. وعقب على طول رحت الكرنيش والله فحصتني دكترة مواطنه قالت لي كل شي طبيعي وباقي ع ولادتج 3 اسابيع وبتربين بموعدج والبيبي طبيعي وكمية الماي طبيعية وماعليج من المستشفيات الخاصة يبون يولدونج قيصري باي طريقة بس عسب ياخذون اكبر مبلغ مكن من بطاقة الصحة ثقة…
وندمت اني راجعت ف النور وكنت ادور الفخامة والكشخه واخر شي النتيجة تعبت نفسيا وحتى اجهزة الكرنيش مطورة اكثر بمليون مرة.. بس للامانه بولادتي ربوا معاي 9 حريم ربيت الساعه 1 البليل وسوولي الجراحة الساعه 5 بسبب الزحمة وهالشي اللي وايد تعبني اما كعناية واهتمام وحتى حنان بصراحة االاجانب اللي ف الكرنيش مالهم مثيل بهالشي

زين بشوركم في شي بعد … انا بولادتي الاولى كنت بربي طبيعي بس تدخلت الدكترة وايد و كانت تسويلي اشياء وايد حتى الحاضنة الاجنبية تضايقت منها لين اخر شي الحبل السري تقدم و كل ما يبى يظهر البيبي يقل الاكسجين عنده عقب حولوها عملية … خلاصة الكلام الحين احس عمري مب مقتنعة اولد طبيعي ابى عملية اخااااااف يوم افكر بسالفة الولادة الطبيعية و الدكتورة قالتلي لي الحق اقرر اذا عملية ولا طبيعي بس انا حاطة في بالي عملية بس الوالدة تقولي لا
اقولها بدل ما اتبهدل من مكانين خلاص يسد مكان واحد… بس هي مب مقتنعة بكلامي وانا مب مقتنعة بكلامها احس ما اقدر خلاص شو تشورون علي مب عارفة شو اسوي

النور طبعا..

السلام عليكم
شحالكم ؟
ساعدوني بنات اذا حد يعرف
انا حامل في الشهر الثامن واليوم نزل مني افرازات بيضه كريميه اول حمل لي وماعررف لاتبخلون علي اللي تعرف

ان شاء الله البنات ما يفيدونج
للرفع

ما ادري انشالله الحرمات يفيدونج ^^

للرفع

اذا مع حكة اتوقع فطريات .. ولازم انسيرين العيادة يوصفون لج تحاميل لان قناة الولادة لازم اتكون خالية من البكتيريا المضرة واللي ممكن تنتقل للبيبي اثناء مروره من هالقناة ..

روحي لدكتوره وخبريها .. نصيحه أكثري من شرب الماي بهالأيام حر وانت حامل محتاجه لماي بزياده.. الله يسهل عليج

ان شاء الله خير الغاليه ..
والله يسهل عليج ياارب..

أخواتي بغيت أسألكن عن الدكتوره مريانا في مركز الأمير الطبي في بوظبي..

حد منكن راجع عندها من قبل؟؟

و اللي راجعن عندها شو رايكن فيها؟؟؟

فناانه وماعليها كلاام .. وهي اخت الدكتوره كاميلياااا ..

واختيه حاليااا اترااجع عندهااا ..

مشكوووووره أختي على الرد

الله يرزقج بحمل سليم عاجل غير آجل..

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

آآآآآآآآآآآآآممييييييييييييييين يا رب العالمين

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب

لا حبيبتي هي مب اخت الدكتورة كاميليا بس من نفس بلادها..

هي شطورة بس مرات تلاقي صعوبة في انها تفهمج الشيء يلي تباه او المعلومة يلي تبى توصلها

ما عندي فكرة
بس يمدحون دكتورة نوال( عراقية) في كوزموسيرج ومستشفى الأمارات
وقبل كانت 15 سنة في مستشفى المفرق
وإن شالله انا أخذت موعد عندها عشان متابعة الحمل