السياحة في الإمارات
ان شاء الله هالاسبوع ناويين نروح بوظبي
وين نقدر نحصل شقق حلوه ونظيفه اهم شي عندي
وتكون داخل بوظبي …..
ولكم جزيل الشكر ^^
اتريا بنااااااااااااااات بوظبي
بنات بوظبي
يمكن مسافرين
تسلمين نور حياتي
قرية الالبوم السياحية في دبي
هناك عندهم مطاعم مطله ع البحر والجسر العائم
وعندهم سفينه كبيرة طابقين تودييييييييج دبي كلها والخور ,
وفي سايق .. وناس وايد يركبونها ..
وبوفيه حلووووو
بس اظن عادي تحجزين بروحكم .. بس اكيد بملغ مختلف .. اتصلي واسألي ..
السلام عليكم و رحمه الله و بركاته
اشحالكم يا عضوات احلى منتدى ؟؟؟
شخباركم ؟؟ شو رمضان وياكم ؟؟
سبحان الله مر الشهر بسرعه
المهم حبيت انا و زوجي و بنتي ان نغير جو في العيد و نسير يومين
جزيرة صير بني ياس او خصب
بس ابا اعرف الي سارت قبل جزيرة صير بني ياس تخبرنا
شو المواصلات جو او بحر و كم كلفتكم ؟؟ و اي مطار اذا جو ؟؟
و شو الفنادق الي هناك و اسعارهم ؟؟
و بالنسبة لخصب شو فيها حلو ؟؟ و شو الفنادق و اسعارهم ؟؟
و شو تقترحون علي اسير اي مكان ؟؟ شو الاحسن و الاحلى ؟؟
بنتي عمرها سنة و تسع شهور وين اقدر العبها ؟؟ شو الفعاليات الي هناك ؟؟
و مشكورين يزاكم الله خير
وعليكم السلام ورحمة الله وبركاته .. ^^
صيـــر بني يااااااااااس روووووووووعه و إن شاء الله أسير لهــا مع بعلولــي بعد العـرس ^.^ …
فيها منتجع جزر الصحراء و هو اللي ينظم لـج الذهاب و العوده …
وفيه طرقتيين للنقل إما طيارة أو سفينه و الطيارة ما تكون دايما متوفرة في كذا يوم في الإسبوع تتوفر فييه فقط.. ^^
وهذا موقع الجزيرة على الإنترنت إن شاء الله يفيدج مثل ما فادني … 
https://www.desertislands.com/ar/
وربـي يوفقكم لمـا يحـب و يرضـى .. 
وعندهم فعاليات في الجزيره رحله بحريه واظن رحلات صيد ورحلة سفاري في السياره تشوفون الحيوانات
مشكورين خواتي ما تقصرن
و شو عن خصب ؟؟ حد عندها فكرة ؟؟
:1 (19): :1 (33): :1 (19): :1 (33): :1 (19): :1 (33):
و يوم النساء بيكون الاثنين ان شاء الله…
السلام عليكم ورحمة الله وبركاته
شحالكن بنوتات وحريمات؟؟
سألت كم مرة عن فندق أرجان روتانا
Arjaan by Rotana – ***** Media City
أشكر كل من ساعدني وخاصة الخوات اللي تواصلت وياهن عالخاص والحمدلله توفقت بالاقامة فيه 
بصراحة وايد حلو عجبني المكان هادي مانسمع أصوات واحنا بالغرف اللهم الصبح شوي صوت اللي ينظفون برع
المهم
هذي صورة من النت معروف هو بو قبه مشربكة
الحجز كان يومين وخذنا Classic 2-Bedroom Suite
وحجزت دايركت عن طريقهم ونفس سعر موقع بوكينج
مكانه بمدينة دبي للاعلام بشارع الصفوح واللي مايعرف المدينة هذي يتوه فيها مثل ماتهنا لحد ماوصلنا له .gif "12 (85)")
!!
أول ماوصلنا دبي قابلنا مترو دبي
وهنيه لما وصلنا شارع الصفوح
وهنيه بعد المتاهة وصلنا فندق أرجان
يتبع……………………. لاحد يرد
هذا المدخل
وماقدرت أصور الريسبشن ماشالله وايد فيه اللي يحجز واللي مغادر وبرع كان ويانا ناس توهم واصلين وناس مغادرين يعني المكان عامر بالزوار واللي شفناهم من دبي ومن قطر أكثر من سيارة
هذا واحنا بطريجنا للأصنصيرات
عيبني هالأنتريه والتحف اللي عليه
وهنيه الأصنصير وتحته الممر للغرف
والحلو اللي فيه انه السويتات بعاد عن بعض عشان جيه ماينسمع لهم صوت الموجودين وتاخذين راحتج بالمكان
السويت رقمه 604 ( يمكن حد منكم يمر ويسكن فيه خخخخخخخخخخ )
أول ماتدشون المطبخ على شمالكم وفيه دريشة مفتوحة تطل عالصالة (الحركة حلوة) وزين انه بعيد عن اليهال (طبعا أسكر الليتات اللي فيه عشان مايدشون الصغارية ) أحسن من السويت اللي يكون المطبخ التحضيري مفتوح عالصالة
وفيه كل شي متوفر
فرن وغسالة وثلاجة وغوري وتوستر صغير وطقم وعيان أكواب وكاسات وصحون وملاعق صغار وكبار وشوك ووووووووووو كل شي تحتاجونه حتى أدوات الطبخ من السجاجين والجدور والتاوات موجودة
بس احنا ماستخدمنا أغراضهم اللهم كمن كوب وكاس وملعقة صغيرة
وطبعا أول مانوصل نقولهم شلوا كل الأكل اللي ينشرى من داخل مثل الكاكاوات والجبسات والمكسرات لأنهم دبلات اللي ينباعن برع ومالاحظت شي من هاك السوالف (الخمور عزكم الله) وحتى ريلي قالي زين انه ماعندهم هالسوالف
يتبع……………………. لاحد يرد
هذي الصالة حلوة مجكلمة (أكلنا عالطاولة لأني صورت أول ماوصلنا قبل لايتوصخ المكان)
وهذي بلكونة الصالة اليلسة حلوة بس الجو مايساعد بصراحة وأبدا ماطلعنا فيها الا هنيه بس عشان أصورلكم
ومن فوق صورت هذيل بسرعة خفت من المكان لأنه عالي
طبعا احنا ماخذين سويت بوغرفتين هذي الرئيسية ونسيت أصور الثانية على بالي صورتها!!
وهذي يلسة فيها بعد
وهذا حمامها كرمكم الله فيه حوض للسبوح عادي ودش مسكر عليه (أحسه ينفع للرياييل أكثر)
وفيها بلكونه نسيت بعد أصورها!!
ألحين خلصنا اللي صورته داخل السويت
يتبع……………………. لاحد يرد
نسير للفندق بروحه
عيالي حبوا حوض السباحة الموجود بالفندق قاموا يسيرون يتسبحون فيه لا همتهم الشمس ولا شي عادي لو خليناهم براحتهم بيتمون أكثر من ساعة وطبعا فيه أحواض لليهال والكبار وعليهم سكيوريتيز ويشوفونهم
أبوهم اللي سار وياهم عشان جيه ماعندي صور!!
تحت عند الريسبشن فيه مكان مفتوح عالجنب وعلى بالي اللوبي أتاريه تابع للمطعم اللي يكون حذال الأصنصيرات من الجهة الثانية
هذي من جلساته
المكان حلو ومريح للأعصاب وهادي
وولدي عيبنه الثريات اللي هناك وصورهم لي هههههههههه لأني استحيت أصور والموظفين يشوفوني .gif "12 (64)")
—
ونوصل للجزء المحبوب مني شخصيا ومن الغالبية منكن
وهو الأكل اللي طلبناه من عندهم يميييييييييييييييييي
طبعا هم يومين مامدانا نطلب وايد
هذي وجبة افطار أسمها بداية منعشة
وهذا المنيو مالها (نختار عصير من الاختيارات اللي حاطينها- نختار شاي او قهوة- سلة خبز أسمر- سلطة فواكة- جام وعسل وزبدة- حليب مع الكورن فليكس- روب بالفواكة او روب قليل الدسم) والسعر مبين عاليسار ب 75 درهم ………. لوماخذين هالأشياء من برع مايي بنص الجيمة!!
يتبع……………………. لاحد يرد
وهذي وجبة افطار ثانية وهي طلبات نختار منها اللي نبقيه حسيتها أحلى وأوفر وباختيارنا للي نباه
تختارين سلة مافن أو كرواسون أو فطاير أو رولات خبز
طبعا بكل سلة بس 4 حبات ويكون وياها زبدة وعسل وجام واحنا اخترنا سلة مافن وسلة كرواسون زعتر وسادة يميييييييييي وايد لذيذ الكرواسون بس صغار!! والسلة تكون ب24 والهنتين ب 48 درهم
هنيه مرة ولدي اشتهى برياني وطلبتله وطبعا كلاه هو وأخته وأنا يعني وايد مب شوي والوجبة ب55 درهم
هذي الصينية كلها وويا البرياني اتي سلطة وشكلها حلو مع انها بس طماط وخيار وبصل مقطع جوانح
وسلطة الرايتا الهندية
ومايحلى البرياني الهندي الا مع الآجار اليمييييييييييي (كلت العيش بس عشان الأجار شكله مغري)
—
الفندق بعد فيه سوق لاكن ماسرتله مافيه وقت
وبالنهاية أشكركم على الدخول وأتمنى أشوف رايكم بالتقرير
واللي تبقي تسير مكان حلو لاتتردد والله يوفقكم
ارفعوا الموضوع عشان البنات يستفيدن
ومع السلامة
بكم سعر اليومين ؟
الله يعطيج العافية
كنت أدور في النت عن شقق فندقية في مدينة العين في النت 
بس للأسف ما حصلت
فقلت ما في غير خواتي سيدات الامارات بيدلني (الدال على الخير كفاعله)
بليز إللي تعرف أسامي شقق فندقية في العين تخبرني
دخيلكن لا تتأخر وردن عليه أبغه أعرف عسب ألحق أحجز حق العيال في الاجازة
الموحة منكم
أم مريوم
له اكثر من فرع في العين
المشاركة الأصلية كتبت بواسطة ام بدر 
له اكثر من فرع في العين
تسلمين فديتج عالرد السريع 
و غذا ما تبين شقق فندقيه
عندج مثلا الشاليهات اللي في مبزره
** جبل حفيت **
شاليهات المبزرة
شالهيات عين الفايضة
المشاركة الأصلية كتبت بواسطة موزاااانه و غذا ما تبين شقق فندقيه
عندج مثلا الشاليهات اللي في مبزره
** جبل حفيت **
الغالية موزااانه شاليهات المبزرة فووول ما في حجوزات سألنا….
وتسلمين عالرد
المشاركة الأصلية كتبت بواسطة أم الوضيحي شاليهات المبزرة
شالهيات عين الفايضة
تسلمين عالرد أم الوضيحي
و الماسه لشقق الفندقية,,,,,
و فندق روتانا,,,,والهيلتون,,,وانتركونتيننتال,,,وفندق ميركيور جراند جبل حفيت,,,بس هذا فوق اليبل و الحلو فيه انه قريب على الاماكن السياحية في العين مثل مبزرة
مرحبا بنات, عندي مناسبة عيد ميلاد زوجي وحابه أحجزله في برج العرب.. فحابه أسأل وين أحسن أحجز عن طريق النت ولا التليفون ولا شركه سياحيه … يعني ظنكم في فرق بتكون في الأسعار؟؟أبا مكان مضمون عسب ما أتفشل…
ولو قلتلهم يزينولي الغرفه ويحطون كيك بيسون ولا أحسن أطلب كيك من برع؟؟ ياريت اللي عنده تجربه تفيدني وأكون شاكرة لها؟؟
وبلغيهم بالمناسبة ,, وبيزهبولج كيك وباقة ..
بس قبل 4 سنين كانت الليله ب 2024 درهم
ولو سمحتوا ( انا كل صيف ازور الامارات لكن ما سمعت عن هذه الاسواق )
(سوق القطار وسوق الجره وسوق القديم ) وين مكانهم بالضبط
ومعليش تعبتكم بالاسئله …سوق القديم هو نفسه سوق العرصة
ساااااااااااعدوني والله مالي بعد الله الا انتم
بس أحسن سوق في دبي للعراوس هو سوق نايف ومركز المنال اللي فيه وكمان مركز البستان ،، بتحصلين فساتين في المراكز ونعول وأشياء بتعجبك .. وحتى السوق فيه قطع وشنط و أشياااء كثيرة مررة ..
وبسسس.. إن شاء الله تتهنين و الله يكمل عليكي بالخيـــــــــر..^^
انا سعودية … وناوية اجهز عندكم …
سمعت عن سوق البستكة أو العبرة ومنطقة السبخة … هذه اسواق ولا لأ ووين بالضبط
لكم دعوة بظهر الغيب
بخصوص دبي والاماكن اللي سالتي عنها؟؟
أولا : سوق نايف
وهو من أشهر الأسواق الشعبية في دبي ويحتوى على بضائع منوعه و رخيصة الأسعار من جوالات وأجهزة إلكترونية وذهب وثياب وجلابيات وعطورات وغيرها.
في وسط سوق نايف بتلاقين مركز اسمه مركز المنال .. روعه لتجهيز العرايس
في محلات :
عبي و قمصان نوم و والقطع و كم مجل عبايات وبدل وجواتي وشنط
.jpg)
جنبه بعد سوق اسمه الوصل نفس فكرة نايف وتقريبا من نايف لين سوق الوصل 5 دقايق مشي وبعد جنبه سوق الذهب بس ما تقدرين تسيرين مشي بسياره تقريبا 10 دقايق او اقل
_______________________________________________
عندج في دبي بعد مركز البستان
المركز فيه محلات قطع فساتين وقمصان نوم روعه
مكانه :
دبي القصيص
نقلتلج هالصور من منتدى ثاني عشان تشوفين المركز من داخل
*************************************************
الشارقه
سوق القطار هو نفسه سوق المركزي
وهو يجمع بين الشعبي والحديث ويوجد به العديد من محلات التحف والانتيك ، وكذلك السجاد . وتعد الشارقة قبلة التسوق في الإمارات حيث أن بضائعها ارخص من دبي. كما يوجد بها العديد من الأسواق الشعبية التي تنظم وتخصص لها الشركات السياحية زيارات خاصة للسائحين لزيارة أسواق الشارقة والتبضع منها . ويعد السوق المركزي بالشارقة واحد المراكز التي تستحق الزيارة.
*************************************************
لي عوده ان شاء الله
اشحالكن خواتي ؟
ربي يتقبل طاعاتنا وطاعاتكم وكل عام وانتن بخير
عندي استفسار بخصوص طلعات العيد
باذن الله حجزت فندق في الشارجة
ثاني يوم العيد بيكون في الشارجة
وثالث يوم بنسير دبي اللي هو بيكون الخميس :
– سوق الجملة => في سوق نايف او بالقرب منه صح ولا ؟
– الباص المائي في خور دبي => بيكون قريب منطقة نايف حسب الخريطة اللي جفتها رح أركب من محطة السبخة سؤالي : انزل في منطقة بني ياس ولا منطقة السوق القديم ، وشوفيها منطقة السوق القديم ؟
– وين تنصحوني اسير عقب ؟
وهالاماكن قريبة من الشارجة صح ؟ يعني مارح نتعب وايد في الزحمة ؟
رابع يوم بيكون الجمعة :
بنسير مول عشان الغدا : ابا خبرتكم اي مول اسير ؟
> افكر ميركاتو
وعقب بنسير نخلة جميرا بنركب المترو عشان يلف فينا => سؤالي : هو بيلف لفة كاملة وبيرجعنا وين ماركبنا ولا بنركب أكثر عن رحلة ؟
امممـ ممشى دبي قريب من هالاماكن ولا؟ وهل فيه مطاعم الوجباتا لسريعة نفس ماكدونالدز ؟
أتمنى اللي تعرف اي معلومة ماتبخل علي ويزاكن ربي كل خير
–
وممشى دبي اذا بتسيرين فليل لان فالنهار حرر المكان مفتوح
والمولات دبي مووول وااايد حلوو
وامارات مول ومردف سيتي سنتر
][ الكحيلة مس قولدي ][
يعطيكن العافية خواتي
يزاكن ربي كل خير
عيدكم مبارك ………. وكل عام وأنتم بخير
لا إله إلا الله
كيدزانيا واايد روعه …
سوق الجمله سوق يبيع كل شي بالجملة وماعرف شو حايتج فيه بس مانصحج به
الباص المائي ماعندي خلفيه لكن انصحج تحجزون غدا او عشا بالقرية السياحيه بالبوم ورقمهم بالاستعلامات جولة ساعه كاملة ممتعه خصوصا بالليل
للغدا عندج مول الامارات مطاعمه حلوة ودبي مول بعد
ميركاتو اكلات سريعه (فاست فود)
المترو له وجهات محددة ول تدورين بموقع الهيئه او تتصلين بالاستعلامات وايد زين
الممشى عندج ممشى صوب دبي مول حلو وفيه نافورة راقصه ومطاعم وكافيهات عالممشى
عندج ممشى. ذا ووك يل وفيه مطاعم ومحلات هالي اعرفه
شحالكم بنات
عندي سؤال فبوظبي جريب المارينا
في مكان يأجرون يخوت و هيلوكابتر بالساعات
أبا اعرف شو اسمهم و حد يعرف ارقامهم و اسعارهم
و شو توقيتهم !!!!!!!!
Up
:]
