التصنيف: تأخر الحمل و الإنجاب

السلام عليكم

الحمدلله نزلت علي الدورة اليوم المفروض تنزل تاريخ تسع وعشرون
بس هالشهر تجدمت ثلاثة ايام‏(مب من عوايدها بس يمكن من الابر‏)‏
طبعا اخذت ابرة للتفجير الي هو الاخصاب في اليوم الحادي عشر من الدورة
يعني اليوم هم السادس عشر من خذت الابرة

مع كل الاعراض الي كنت اعاني منها من:
تغير لون البول ‏‏(عزكن الله‏)‏
الم في الصدر
تقلصات خفيفة في اسفل البطن
والم في الظهر
دوخة
واحيانا احس ‏
جبدي لايع وبزوع
وانا ااتحسبت انه حمل واستانست بس الحمد لله على كل حال

الي محيرني عوار الظهر من يومين ذابحني حتى وانا مريحة
ماشي فايدة شوالسالفة تعتقدون من الابر؟
والدورة ما تنزل وايد عزكن الله يعني كلما اغير الكوتكس في نقطة وجم من نقطة ولونه احمر قبل يوم تشرف بدايتها تكون بنبه هل تغتقدون من الابر؟

دعواتكن لي
والسموحة

على فكرة
انا مب كاتبة مقالة
عسب تقرن وتظهرن من الموضوع

على الاقل ارفعنه
بارك الله فيكن

الله يرزقج ان شالله ويرزقنا اجمعين ��

يمكن حامل اذا بس كم نقطة دم

دلوعت عمرها

آمين

كراعين نملة
تقريبا نقط واكثر شوي
يعني ماتنزل نفس قبل ‏
بس الله يسمع منج

ان شاء الله حاااااااااامل

يمكن حامل انتي دام دم خفيف أنا صار لي جي وطلعت حامل شيكي بالدم أفضل لج

السلام عليكم خواتي
بغيت اسالكم تنصحوني اسوي اطفال انابيب عند دكتورة حسنيه قرقاش ولي سوت عندها تقولي ونشالله ماتقصرون
معاي *

رفع لعيونج ماعندي فكره عن علاجها
بس انصحج عند دكتور وليد ف بوظبي عيادة هيلث بلاس

استغفر الله

يمدحونها بس اسعارها ناااااار

الله يرزقنا ويرزقج يارب

السلام عليكم
خواتي الغاليات اللي تعاني من التكيسات وتبا تحمل
انا يوم تزوجت كملت سنة ونص ما حملت

كنت اسوي بحوثااااات من مواقع اجنبية
وطاحت عيني على موقع يبيع وايد ادوية للخصوبة
من بينهم دوا يعدل الهرمونات وينزل الدورة وينشط المبايض
وانج لازم ما تاخذين كلوميد وياه..

ولازم لازم تضعفين واااايد وتشربين ماي وايد وفواكه وايد واسوين رياضة وايد …
يعني حركة حركة عسب تقوى المبايض..

وكله بعد الله سبحانه وتعالى

الدوا اسمه
FertilAid for Women: Female Fertility Supplement

سوي له بحث .. واشتريه ..

بس لا تشترينه الحين … لا بعد ما ينزل وزنج وااايد .. اذا كنتي متينه .. ومع كثرة الحركة

انا يوم فكرت احمل مرة ثانية وكنت اخذ الدوا مول ما نفعني لان زاد وزني من بعد الولادة 15 كيلو ..

والحين اسوي رجيم + رياضة والنزول بطيء .. بس باخذ الدوا ان شاء الله بعد ما يوصل وزني 60

المهم اجتهدوا في الحركة خواتي ..

وبعد نصيحة .. الحجاااااامة ممتااااااازة .. استمري عليها لين ما تحملين بإذن الله

والرمضان قريب .. وادعي لي وياج

ارجوا من المشرفات انهن ما يحذفن موضوعي لانه جد مهم والله

وبنات نسيت اقولكم انه كم وحده استخدمته ونفع وياها ..

اختي من وين اخذه واي مستشفي يقدر يصرفه لي انا اخاف اخذ دوا الا جيه وانا محتاجه ينقص وزني فديني فديتج وكتبي شو يسوي هالدوا

الله يرزق الجميع بالذرية الصالحة

ان شاء الله يستفيدن منه الخوات ويحطن تجاربهن

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

صح تخفيف الوزن يلعب دور كبير في تعديل هرمونات التكيسات والانسولين وبالتالي تخف التكيسات

بنات فديييتكن منو عندها رقم امل الشخصي بنت زينب النشااار الي في مركز فقيه للاخصااب اباه ظرووري الله يخلييييكن

الي عندها اطرشلي اياه ع الخاااااااااص بلييييييييز ظرووري

للرفع ~

الدكتوره امل عند أمها في نفس العياده
خذي رقم العياده من البداله قولي لهم عياده الشنار

بس شوورايكم فيها

بفضل الله سبحانه وتعالى الحمدلله انا حامل

خواتي اللي ما حملن والله اوصيكم بالرقيه الشرعيه + الصدقه + والصلاه
والله العظيم يا بنات ما اقص عليكم انا طبقت هالاشياء والله اني حملت

الحمدلله رب العالمين

اباكم تدعولي الله يثبت حملي … وان شاء الله يرزق كل محرومه بالذريه الصالحه يارب
واباكم تؤمنون ان رب العالمين هو اللي يرزق الشخص ولا تتعقدون

انا كنت وايد افكر في الحمل لين ما شليت فكرة الحمل من راسي وقلت بغير جو وبسافر بس عقبها بيومين الحمدلله الله رزقني بشي احلى عن السفر سبحان الله
بنات التفكير له دور بعد لا تفكروون فالحمل

الله يرزقكم يارب

دعواتكم لي

اختكم اللي تتمنالكم كل خير

الف مبروك اختى الله يتمملك حملك على خير ويرزقك بطفل سليم معافى
ويرزق كل محرومه بالذريه الصالحه

الف مبروك اختى الله يتمملك حملك على خير

الله يبارك فيكم

أمين يارب

ما شاء الله عليج
مبرووووووك حبيبتي

الف الف مبروووك ربي يتمملك على خير

مبروك والله يثبته لج ان شاء الله وقومج بالسلامه

السلام عليكم

الشكوى لغير الله مذله بس اعتبروها شي فضفضه

بنات انا ليش جي احس اني منحوسه اي شي اباه واحلم فيه لين يستوي موعده قريب يتكنسل كل شي

اقرب مثال
ريلي ماعنده حيوانات منويه واخذنا موعد في توام عند الدكتور رائد وعطاه ابر من شهر 10 وريلي يستخدم الابر كل 48 ساعه
تخيلو بنات اكثر من 5 شهور وريلي يستخدم هالابر وع اساس عنده موعد امس تاريخ 6_3 بيقرر الدكتور اذا تحسنت حالة ريلي ولا بيسويله خزعه

ونحن ننتظر هاليوم من 5 شهوووووووور
وقبل الموعد بيوم يتصلون على ريلي المستشى قالوله …؟؟؟

الموعد تكنسل

تكنسسسل ماتاجل تكنسل يا بنااااات …..!!!!!!!!!!!!!!!!!!!!!!!!!!!!!!!!!!!!!!!!!

ليش لان الدكتور تفنش مادري فنشوه او استقل المهم خلاص راح كل شي عالفاضي واحلامي كلها تبخرت
كل شي حلمت فيه تبخر شرات البخااااار

ادري بتقولولي يمكن خير وروحو شوفو مستشفى ثاني
ثقتي بربي اكبر عن جي بس ليييييش الدكتور تفنش قبل الموعد بيووووم
بيوووووووم بيووووووووم
ياربببي كيييف تحططططططططططططمت عالاخررررررررررررر

الله يصبرنا ويعينااااااااااااااااااااااااا ياااااااااااارب

الله يصبرك أختي والله يرزقك بالابن البار ومتل ما بقولون كل تأخيره وفيها خيره عسى ربي يريدلك الأحسن بس اهم شي انتي ما تياسي من رحمه ربنا وادعي الله يرزقك بالخلف الصالح

اذكري الله وخلي املج بالله مو بالدكاترة

دكتور راح في غيره ان شاء الله

الله يعينج عليج بالدعاء

حبيبتي توووووووكلي على ربك وادكري ربك في كل وقت واستفغري كل ساعه والله ربك كرررررررررريم

الله يعينج روحي عند الدكتور وليد في المستشفى الهلث بلس الله يرزقج أختي بالذريه الصالحه

عسئ أن تكرهوا شيئا وهو خير لكم
ادعي وربج كريـم اللـه يرزقكم أن شاء اللـه

مرحبا يا بنات شو اخباركم يا ربي يرزقكم بالذريه الصالحه شو اخباركم مع مركز دبي للاخصاب وعند اي دكتور تتعالجون
البارحه صدمني ريلي بواحد عندهم في الدوام يتعالج عند محمد القليوبي وتخيلوا صارله سنه يتعالج في المركز ولين الحين كله يسحبون البويضات ويجمدوهن بدون ما ايرجعون ما ادري شو السالفه اونه هذا بروتوكول المركز تنجح معاهم عمليات التجميد اكثر
ما ادري يا بنات يالله كل وحده اتخبرنا شو ووين وصلت بالعلاج وفيه وحده اسحبوا ورجعولها الاجنه ولا بس صدق تجميد عندهم
انا عطاني القليوبي جونال اف ثلاث ايام ونزلت بويضتين كبار وثمان صغار بس وقف العلاج وقالي خلاص وقفي الادويه وبنبدا الدوره اليايه
الله المستعان
يالله انتظر تجاربكم

هلا أختي الله يرزق كل محرومه ان شاء الله بالذريه الصالحه بصراحه أنا ما عيبني الدكتور محمد وايد دخلت عنده مرتين يوم كانت دكتورتي مسافرة أنا اتعالج عند حنا وأول مره اسمع عن هاالبرتوكول أنا سويت ثلاث مرات حق مجهري اول مره يبت بنت الله يحفظها لي وثاني مره حملت في توام بس اجهضت وثالث مره ما نجحت وحاليا موقفه بسبة تكاليف العلاج الباهضه وان شاء الله اول ما تتيسر برد أحاول مره ثانيه يمدحون وايد دكتور وليد وعواطف بعد

موفقات الغاليات وربي يرزقنا بالذريه الطيبه

أنا ما اتعالج عندهم. بس دائماً اشوف لقاءات الدكتوره عواطف بالتلفزيون. حبيتها واااايد احسها شاطره وعندها خبره كبيره. خاصه ان تخصصها نسائية وغدد في نفس الوقت. وانا مشكلتي فالغدد. بس حاليا اتابع في مكان ثان عسب جي ما اقدر اروحلها. وان شاء الله أنا متفائله بإذن الله اني بكون حامل فالشهور اليايه. الله يوفقكم ويرزقكم الذريه الصالحه.

هيه فديتها الدكتوره عواطف طيبه وحبوبه بس انا انصحوني بمحمد القليوبي وكلهم نفس الشي والحمد لله ما تتاخرين وايد ع طول يدخلونج عند الدكتور مواعيدهم مضبوطه

خواتي الله يوفقكم ويرزق كل واحده الذي تتمنه ويعطيكم الذريه الصالحه

اللي تبا الله يرزقها بطفل تقرا سورة المزمل وتستغفر

السلام عليكم اشحالكم خواتي الله يرضى عليكم إلي تعرف عن موضوعي شيء لا تبخل علي بمعلوماتها بدعيلها من كل قلبي …
أنا خواتي متزوجة من سنتين، وحملت مرتين بس الحمد لله يصير معاي إسقاط لما يدخل الجنين في الثالث، المهم والحين من تسع شهور ما حملت من أجهضت للمرة الثانيةن قالت لي الدكتورة لازم تسوي أشعة الصبغةن وسويتها من خمس أيام في كوزميسيرج في أبوظبي عند ميرنا غنوم، والله ولا حسيت بشي ما شاء الله عليها، أنصح كل وحدة تروح معاها، المهم طلع عندي توسع وانسداد في الانبوب اليمين، والأنبوب اليسار بصعوبة فتح، ورجعت راجعت عند الدكتورة ماريانا قالت لي لاوزم أسوي عملية منظار، ومن عقب أطفال أنابيب هذا أسرع لي، فديتكم شو تشورورن علي واسوي المنظار ولا ما أسويه ووين أسويهن وهل فيه بدائل الله يرضى عليكم لا تهملون موضوعي والله أصيح ليل ونهار….
ومنو أحسن مستشفى مجرب حق طفل الأنابيب في أبوظبي يشمل الثقة…

الله يرزقج يااااآارب إن شاء الله البنات بيفدونج *_^

الله يرزقج اختي انشالله بس احس هالمكان لتطرينه تجاري اكثر من الازم اي شئ عمليه عشان يستفيدون ماشوف اختي انج تحتاجين اطفال انابيب ماشالله عليج تحملين طبيعي انتي مشكلتج انه يصير عندج اصقلط وهذا علاجه غير سيري عند دكتور وليد السيد لفي هلث بلاس اتوق انتي محتاجه مسيلات الدم وتثبيث ماشالله عليه شاطر وبينصحج على الاقل وبيخبرج بعلاجج وتراه اطفال انابيب مب مب عنليه سهله والله اعلم وانشالله البنات بيفيدونج هذا لاعرف في وحده كانت كاتبه موضوع عن الاسقاط المتكرر وردت عليها وحده انها علاجت عند دكتوره معينه دشي المواضيع وراسلي البنات ، انشالله اكون أفتج اختي والله يرزقني ويرزقج ياااااااااااااااااااااااااااااارب

بنات انا اعاني من ارتفاع هرمون الحليب بليز افيدوني لما تقرب الدوره صدري يعورني ونا. فضمت بنتي من خمسه اشهر رحت عند الدكتوره تقولي لي هدا عادي انا قبل ماافظم بنتي كنت عاديه تجي لي الدوره بدون مايعورني صدري بس الحين يعورني قبل الدوره بعشره ايام فديتكم ابا منكم رد

هلا اختي
هالشي عادي انا هالشي كان يستوي لي قبل لا اعرس بعد
كان صدري يورم ويعورني قبل الدوره ب اسبوعين او 10 ايام
فعادي هالشي لا تحاتين مع الايام بتتعودين عليه

ان شاالله حياتي بس وايد يعورني لحد الحين ماخف

إذا بعدج ماترضعين اشربي مراميه كل يوم لانها تنشف الحليب والله يعينج

احسن تسيرين تراجعين
سالفة الحليب اللي بالصدر بتخليج تحاتين
وممكن تتعبج وتمرضين