التصنيف: التنمية البشرية و تطوير الذات

ابغيكم تسمعون سالفت ربيعتي عدل يا بنوتات

تقول:

" انا حبيت شخص من 3 سنين و هو شخص طيب و زين و محترم واهم شي عجبني انه ملتزم و يحافظ ع صلاته

عمري ما شفت شخص مثله هو كل دنيتي يخاف علي بشكل ما تتصورون

يعني دوم كان ينصحني و يوجهني

طبعا هو من اماراة و انا من امارة ثانية

الحين بقولكم السالفة

خطبني بشكل رسمي من جم شهر هي خطوبة مب ملجة

واخواني اتفقوا معاي اني ما ارمسه ف هاي الفترة

المهم هو كان دايم ايى بيتنا و يتصل ف اخواني و امي يعني ما تتخيلون شكثر يتصل فيهم يوميا

وما تتخيلون انه بشكارتنا دوم تقول حق امي ارباب يمر كل يوم جدام البيت

لو ما يدخل البيت يمر دوووم

بس ما ادري انا احس انه تغير

الايام تمر و هو قام يتصل مرة ف الاسبوع و بعدين مرة ف الشهر

وخفت وايد زياراته

وما يسأل عني يعني قبل كان دوم يسأل

انا حاسة انه خاش عني شي

خاصة انه سافر مع الدوام من فترة كانت عنده دورة برع البلاد

من هاك اليوم و هو متغير

مرة كان ياي بيتنا و انا كنت نازلة من السيارة ف سالته: انت ليش متغير مب شرات اول؟

انا حاسه انك معرس؟ قول لو معرس لا تخش عني شي؟

ولو ما تبغيني والله ما بزعل بخبر هلي اني انا ما ابغيك لو خايف و مستحي يدام هلي..

هو ضحك طبعا و قال: انا مب متغير بس عندي ظروف شوي

انا بمووت والله كل يوم احلم انه متزوج ولا انه تركني ما تتخيلون ان حياتي فوق تحت

افكر اني احلفه ع القـــــــــــــــرآن و ارتاح بنات شو رايكم بلييييز ردوا علي؟؟؟

ادري يمكن تقولون ما عندج سالفة بس والله كل يوم ع اعصابي و صايرة عصبية و اصرخ ع خواتي ف البيت

ابغي ارتاح نفسيا والله بنات ابغي رايكم بليييز لا تحرموووني منها …….

مهما كان رايكم تراني اتقبل كل نصايحكم …………… "

فدييييييييييييتج والله عادي يا قلبي بكل بساطه لانج مخطوبه بعدج مب له ولا اهو لج
وخايفه تخسرينه
يعني من تملجين ها كله بيروح
وبعدين زين منه يا مره في الاسبوع ولا بالشهر
الاول كان يبا يكسب اهلج لكن الحين والحمدلله كسبهم ماله داعي ها الخوف
ودامه مثل ما اتقولين يخاف ربه ويصلي لا اتحاتين شي
بس ادعي ربج اتكون الملجه باقرب فرصه وان شاءالله خير
وانتي عاد اسالي شو صاير له بس بطريقه غير مباشره من اخته من حد قريب له
وان شاءالله خير
ربييييييييييييي يوفقج وييسر امورج خلج معه ربج الغلا
ربج ما يضيع عباده

لاتخافين حبوبة ..

يمكن صدق الريال عنده ظروف او مشغول شوي..

ادعي لربج ان يحفظه لج ..

الله يسر امورج يارب..ويحقق الي في بالج ..

لاتخافين خلي ايمانج بالله قووي..

ترا اخر شي كله قسمةو نصيب

حتى لو شو ماشفتي منه خاصه في هذي الفتره
حاولي تكسبيته باي طريقه
بس لاتضغطين عليه

الله يسهل امورج اختي

اختي مب عارفه شو اقولج غير الله يسهل امورج ويوفقج في حياتج مع زوجج ان شاءالله.. وابعدي عالغيره والوسواس عنج لأنه بيدمرج

الله ايسر كل امورج يارب

اخواتي العزيزات ابغي رايكم في موضوع.. معروضه علي وظيفه وانا وايد متردده اقبلها والا لا المشكله اني معرسه وعندي عيال واحس صعب اني اخليهم خصوصا اني ما اتعودت على ها الشي من بداية حياتي فاحس ان الموضوع صعب..القضيه مش الماده بكثر ما ان نفسي اطلع واختلط بالناس واحقق ذاتي انا وايد اجتماعيه بس متخوفه ان قراري هذا يؤثر على بيتي وحياتي الخاصه شو رايكم..اربيعتي تشتغل في نفس المكان واتقولي انتي جربي واذا ما عيبج الوضع استقيلي والله ما اعرف احس اني محتاااااااااااااااااااااااااره
أختكم بنت الذهب

جربي واحكمي……… واذا ما عجبج استقيلي

جربي … ليش لا

تسلمون خواتي نانو ونيمو على ردودكم….

الغاليه جربي ترى كل اللي عندهم عيال يقولون صعبه بس الواحد لازم يتقدم ويتنازل عن اشياء ويعود نفسه ومع الاياام بتتعودين وبتستغربين وبتسألين نفسج كيف كنتي يالسه في البيت بدون شغل طول هالمده ..

والله يوفقج ياارب ..

حبيبتي لاا توفتين الفرصه عسب ما تندمين طول عمرج …

وبعدين انتي ما بتمين طول اليوم فالوظيفه …

كلها جمن ساعه وبعدين راده لعيالج ولبو الشباب ^_^ ….

مشكووووووووورين حبيباتي عالردود الطيبه والله انكم شجعتوني وطمنتوني

ها هي صفحة عام1431هـ تنطوي بكل ما حملت من معاني…فوائد…ذكريات..
إذ تنقضي الأيام…وتمر الأعوام تلو الأعوام…نتعرف في كل مرة على أخوات وقريبات…تربطنا بهم علاقات سامية وقيما نبيلة ومشاعر راقية…فمنهم من نفارق ومنهم من لم يزل في ساحتنا…يكافح ونكافح…يرتشف من عطر أخوتنا ومحبتنا…فيا الله كم وجوها فارقناها ..لكنها في القلب محفورة وفي الوجدان مرسومة…
يا الله كم تترك الأيام لنا تلك الذكريات بيننا بحلوها ومرها!!
اليوم نفتح صفحة 1445هـ…
عاما جديدا…
مليئا بالهمة والنشاط….والتفاؤل والامل…
رغم أننا لا نعلم ما يخبئ لنا من أحداث…وما يدخر لنا من صديقات هن بالفعل صديقات…
لا نعلم كم وجها جديدا سنألف وكم وجها ستعافه النفس لما يجلب لها من كدر..

فيا رب السماوات والارض…يا الله يا سامع الدعاء سخر لنا من أحبتنا من يحمل هم الدين…ويحيا بالوفاء….ويجعلنا نعيش في صفاء.
يا ربك كما جمعتنا في بقاعك بأناس لمسنا فيهم الطهر…فارتوينا من نبع حنانهم وانتهلنا من معين حسن أخلاقهم..فاجمعنا يا رب هذا العام…بمن هم أفضل منهم…ليقودونا إلى الجنان…ويدلونا على رضا الرحمن…

فنحن بإذن الله….عازمون على التغيير نحو الافضل…لذا فحاجاتنا لصديقات صدوقات خير معين لنا على الثبات…

لكل قارئة لكلماتي: ارجو الرفع

الحمد لله

الحمد لله رب العالمين

سبحان الله وبحمده
سبحان الله العظيم

سبحان الله وبحمده

سبحان الله وبحمده
سبحان الله العظيم

السلام عليكم و رحمة الله و بركاته

يا حي كل من دشت موضوعي

سواء شاركت فيه

أو اكتفت بالقراءه

مادري حبيت هالمره اغير اشوي من جو القسم

ما بكتب مشكلتي او مشكله حد اعرفه

حبيت نتناقش في موضوع

الخادمه

شو دورها في بيتج؟؟

و شو تعيني لأولادج؟؟؟

سبب الموضوع .. قريت موضوع أحد الأخوات و دور الخدامه في بيت أخوها

و السبب الثاني:

شفت بعيني

محدش ألي ريال مع عياله الأربعه في السنيما + الخدامة بدون امهم

الخدامه كانت كأنهاااا زوجته سوالف معاه و مع عياله.. بصراحه بنات منظرهم كان موووووول مب شي .. الخدامه حسيتها خبييييييثه و نظراتها قهرتني

بس حنووووونه على العيال

يشترون بوب كورن و بيبسي

و داشين مع بعض السنيما

انقهرت قلت: وين امهم ؟؟؟؟؟

و كانت معاي وحده من أهلي متزوجه

قالتلي وااااايد حريم ايخلون الخدامه تظهر مع الريل و العيال

و هيه إما في :

الصالون

معزومه

عندها عرس

ما فيها على صدعة العيال

أنا بصراحه قلت ما بحط في بالي :

يمكن

مطلق

أرمل

بس الطااااامه الكبرى يووووم يت الأم عقب ما خلص الفلم عند كورنر السنيما .. طلعت الحبيبة تتسوق عراحتها و مشلله أكياااس

لا تقولون مظطره و لا غيره

يا تتسوق مع ريلها و عيالها

أو اتخصص يوم لعيالها و زوجها بالطلعه هاذي

أو اتخلي عيالها عند حد من أهلها

بنات اتمنى النقاش يكون جدي عشان انفتح عيوووون مغمظه على أشياء واااايد

اوكي اختي

مهمه و مليووون مهمه

للطبخ للغسيل للتنظيف

بس مب تكون قريبه من الزوج وتظحك و تمزح وياه

انا عن نفسي الخدامة حق نظافة البيت والطبخ والغسيل وكوي الملابس وبس
وبالنسبة لليهال فأنا اربيهم وانا مسؤولة عنهم

وااااايد يهال يزقرون الخدامه ماما

الأمومه نعمه

المفروض تحافظ عليها

غيرها يتمنوووون طفل واحد بس

هذا السنع

ماشاء الله عليج

محتاجين الخدامة بس تطلع مع ريلي رووحهم تخسسسسسسسي…مب حلو اصلا

في القلب
شعور جعلني انظر لأقول…أهو ضعف أم عجز أم غرور؟
أهي وسيلة للوصول…ام هو سلم لنزول…
نظرة زرعت في قلبها الهموم…رمقة أغرقت قلبها الطاهر؟
فكرة بقيت في عقلها تجول…أهي ممنوعة من الدخول؟
ولكن أحيانا قد يكون الصمت أصدق تعبير لرد على الغرور
دينا حميدة

يعطيج العافيه الغلاا

يعطيج العافية اختي

الله يعطيج العافيه ع الطرح الحلو ..

هلا بنات شحالكم !

ماعرف من وين ابدا .. احس افكاري متلخبطه ..

انا كأي بنت من البنات ! عمري 20 سنه !

و ك بنت جامعيه ! احب ارتبش واسولف واطلع ويا ربعي، ويوم ايلس ف قروب احشرهم بالسوالف والظحك ! وبالنسبه للدراسه !! الغياب نااااااااااقع ! و80% من الواجبات طااف وما اذاكر ولا اهتم للعلم انا شاطره كنت فالمدرسه تخرجت بنسبه 87.8 الحمدلله ! ولو ابى بدرس .. لكن البيئه تأثر ربعي شطار بس مهملين !
مرت بي ظروف .. علمتني ان ربعي اللي حواليني ! 90% ربع السوالف والظحك .. مب ربع الشده والحزن .. بس الحمدلله عندي ربع بمعنى الربع لكن مب فالجامعه مثل مبروكين اللي ويانا فالمنتدى والنعم فيها من اخت وربيعه .. بس لحظة موضوعي الحينه مب عن ربعي لكن!

مرت بي ظروف اخري خلتني اتقرب من ربي اكثر .. لأن فعلا محد ينفعني غير ربي و قربه !

قريت عن سوره البقره والاستغفار حاولت كل يوم اختم سوره البقره وفعلا قدرت فالبدايه كانت صعبه شوي لانها طويله لكن مع الايام كانت تزداد سهوله ..

لو اني ما اختمها كل يوم مجرد قرايتي للقران تيب لي الراحه !! انا قبل ما كنت اقراها حتى ايام الجمعه !! يمكن كل 4 شهور مره !! استغفر الله كيف حرمت عمري من هالراحه !!

بنات ابى ألزم ع هالشي .. ابى اكسب رضا ربي ! ابى طاعته سبحانه وتعالى !

حتى فالجامعه عشان اكون بعيده عن سوالف الحش وطاعوا هاييي وطاعوا هااييج قمت ايلس فوق فالمكتبه روحي .. من اخلص كلاسي الصبح اسير المكتبه ادش غرفه خاصه حق المذاكره واحط قران او ابدا اقرى سوره البقره وادش منتدانا .. انا ما انكر للمنتدى فضل كبير على تشجعيي ! مواضيع البنات وقسم الفتاة المسلمه ! ما قصروا الخوات … بحكم انه بريكي طويل من 10 لين 2 اتم ساعتين فالمكتبه والساعه 12 انزل تحت اسلم على ربعي وايلس وياهم شي وانش عقب اسير اصلي وادش كلاساتي من 2 لين 4 ..

بنات انا ما كنت اصلي فالجامعه ! كنت اقول ما فيه اعق عباتيي بحكم اني ما اروم ارفع الكم ! واتمسح وحاله خل ارد البيت اصلي !! 3 سنين انا فالجامعه استغفر الله ما اصلي والجامعه مب مقصره في كل قسم مسيد !! استغفر الله يارب سامحني !

بس من بديت اقرى سوره البقره احس ريولي هي روحها توديني للمسيد !! الحمدلله

انا افكاري متشتته … ابى ألزم هالشي ابى اكون شخصيه غير عن اللي كنت عليها ..

ابى رضا ربي ابى اكون انسانه ناجحه فالجامعه استغل الوقت فالدراسه او قراءه القران والكتب فالمكتبه وما اطوف الكلاسات .. ابى الزم الاستغفار مع اني وايد انسى استغفر كل يوم واتمنى اداوم علي يوميا !!

ابى حد يقولي انتي صح ويشجعني اكثر !! واتم امشي ع درب الصح .. درب الطاعه !!

ابى حياتي تتغير للاحسن ..

صدقيني ياحبيبتي كل شي بايدج بدون محد يقولج انتي الصح وانتي الغلط كل شي بالاراده والعزيمة والاصرار والله يثبتج يارب ودايما رددي ((اللهم ثبت قلبي على دينك))
((ربي اغسل قلبي من شهوات الدنيا وملذاتها))
((اللهم اني اعوذ بك من فتن الدنيا))

أهنييييييييييييييج يا الغلااا ع مبادرتج الغاوية إلي شراتج ولج مني أحلى تصفيقة
واستمري عشان توصلي للقمة
الله يثبتج على طاعته ودينه
….
^^
..
موففففففففففففففففقة يا الغالية

يشرفني اني ارد عالموضوع … واحب اباركلج واهنيج على طريج الهداية
وهذا دليل على حب الله لج اختي … وكل اللي اتسوينه صح والله اني واااايد اعجبت فيج …

الله يثبتج على الطريج الصحيح وحطي فبالج ان باب التوبه مفتوح وبتشوفين كيف الله بيباركلج فرزقج -وقتج .. ودوووم اتذكري ان (( من ترك شيئا لله عوضه الله خيرا ))..

وبالتوفييييييييييييييييق

غرشووبه ..
يزاج الله خير حبييبتي وما قصرتي .. و ان شاء الله اواظب على هالأدعيه

قنصيه ..

مشكوره يا اختيه .. ولج بالمثل ان شاء الله والله يثبتنا جميعن على طاعته

ما وضعت النظرة الشرعية هباء منثورا إنما لحكمة .. العادات والتقاليد على عيني وعلى راسي .. بس لو نطبق سنة الرسول صلى الله عليه وسلم جان احنا بخير

up

up

لحد أحينه مآسوينآ نظرة شرعية..!!

هههههههههه مدري متى بيسوونهآ مع إنه مرآت يرمسون عن العرس والملجة..

هب لنه عآيلتية مآتسمح بآلعكس عآدي عنآ بس نحن غيييييييير هههههههههههه

يعني أنآ وخطيبي غير

النظرة الشرعية ضرورية جدا جدا جدا…
أنا اللي خطبني مثلا مب من أهلي شفته .. وأنا محتشمة ما يبين مني غير الوجه واليد .. والحمدالله
الله يسر علينا…
بس أستغرب من الناس اللي يخطبون بدون ما يشوفون بعض…
يعني أنا شفته مرة وحده وملجتي الشهر الياي ولا أعرف عنه ولا شي لين الملجة… إن شاء الله…
وحالتي حالة أريد أذكر كيف شكله…
فكيف اللي ما شافته موليه…
والله ما أدري …

شكرا عالطرح

؟؟؟؟؟؟؟؟؟؟؟؟؟؟؟؟؟؟؟؟؟

دخلت أفعى ورشة للنجاره بعد أن غادرها صاحبها في المساء بحثاً عن الطعام،

كان من عادة النجار أن يترك بعض أدواته فوق الطاولة ومن ضمنها المنشار.

وبينما كانت الأفعى تتجول هنا وهناك؛ مر جسمها من فوق المنشار مما أدى إلى جرحها جرحاً بسيط جدآ،

ارتبكت الأفعى وكردة فعل قامت ب "عض" المنشار محاولة لدغ المنشار مما أدى إلى سيلان الدم حول فمها.

لم تكن تدرك الأفعى ما يحصل، واعتقدت أن المنشار يهاجمها، وحين رأت نفسهاميتة لا محالة؛ قررت أن تقوم بردة فعل قوية ورادعة،

" التفت بكامل جسمها حول المنشار محاولةً عصره وخنقه" "حسب اعتقادها"

استيقظ النجار في الصباح ورأى المنشار وبحوله أفعى ميتة "لا لسبب إلا لطيشها وغضبها"..!

العبرة من هذه القصه : أحياناً نحاول في لحظة غضب أن نجرح غيرنا، فندرك بعد فوات الأوان أننا لا نجرح إلا أنفسنا.

الحياة أحيانا تحتاج إلى تجاهل..
تجاهل احداث ،
تجاهل اشخاص ،
تجاهل افعال ،
تجاهل اقوال ،

عود نفسك على التجاهل الذكي فليس كل امر يستحق "ردة فعل" قد تضرك او ربما تقتلك !

التجاهل افضل حل و بالعامية الحقران يقطع المصران … و تسلمين على المقال الطيب

سبحان الله وبحمده سبحان الله العظيم

حبييييت

فعلا عشان نعيش في أشياء تحتاج منا أن نتجاهلها
مقاله جداً جميله

خواتي الاعزاء اللي تعرف منكم دكتور شاطر فالامراض النفسية في دبي او الشارجة

هلا أختي العزيزة

في مركز أسمه آراء في دبي يديره الدكتور أحمد النجار ما شاء الله معروف وممتاز

رقمهم ما عندي والله تقدرين تطلبيه من ابدالة

ليش ما تقولين لنا مشكلتج و بنحلها

سامحيني يالغالية ما اعرف دكتور نفسية بس انشالله بنات المنتدى بيفيدونج ..

احسن من الدكتور النفسي يا الغالية

كتاب الله القران الكريم والله كل اللي تبينه موجود فيه

اتصلي باذاعة نور دبي واسألي عن عنوان دكتور احمد الامام وايد فنان بصراحه

او يحطونه العصر تراه الساعه اربع ونص اسمعيه وطرشي له رساله خاصه عشان تكلمينه

عقب البرنامج

تسلمون على الرد الحلو و الله يجزيكم الخير

السلااام عليكم ورحمة الله وبركاته

اكيد تتذكرون موضوعي عن آخر زمن هندي ويهزئني ..

https://forum.uaewomen.net/showthread.php?t=631848

الحمدلله انا على أتم استعداداتي للبرزينشن ..اخترت اليوم والتاريخ واتريا الموافقة القبلية من الموارد البشرية عسب اقدم البرزينشن جدااآمهم …

دورت المعلومات وجهزت البرزينشن ..وتقريبا خلصت كل شي ..والحينه باقيلي بس اتدرب على العرض .. ومن خلال هالعرض ابغي ابين لهم اني قدها وقدوود ..

بس اخاف يقطعوني بالاسئلة شرات المرة اللي طافت واتوهق وانسى كل شي …

والحينة ابغي اتجهز ..بس كيف ابدآ وياهم // بالانجليزي ..

يعني انا جي حاطة في بالي اقوولهم …

Good morning everybody
My name is ………………….& i am going to present about XXX

طبعا بتكلم عن خدمة من خدمااات اللي نقدر نوفرها حق Customers
بس ابغي مقدمة واخلي موضوعي حلو ومبسط وبنفس الوقت يجذب اللي يسمعوونه …
كنت افكر اقوول ..

Technology has grown very fast,, and over that it has many benifits
one of its benifits is that it make the life easier ,, not just for business people .. it also for customers.

So today i am going to talk about service that made the life easier and reduce the time and effort..it is DLNA Service..

شوو راايكم ..تحسوون اوكيه ولا فيه شي احسن عن جي …اللي تقدر تساعدني في البرزينشن وخبرتها تقدر تطرشلي رسالة خاصة وبراويها البرزينشن ..

وبلييز قوليلى كيف اخلي التوبيك جذااب ..

ابغي نصااايحكم وتشجيعكم لي …متوترة وخاآيفة ..

موفجه عيوني لا تتوترين يوم وبعدي.

بالتوفيج يارب
والله يسهل عليج وتنجحين

الله يووفقج حبووبه

ربي يوفقج ــ^

ويوووفق اليميييييييييع

انزين ساعدوووني بعد لووول

المقدمة اوكي … بس فيها اخطاء (grammer)

it make — it makes

the life easier — without the

business people —- ???? do u mean employers

service that made —- that makes

reduce the time —- save the time