السلام عليكم
واخيرا سويت زراعة شعر..قولوا ماشاءالله
مهما قلتوا ومهما حطيتوا حلول لتكثيف الشعر ..لو كان وراثه يا بنات مافي حل غير الزراعة ..انا شعري خفيف من كان عمري 8 سنوات .. رحله علاجي ابتدت من ذاك السن تخيلوا والحين انا فوق الثلاثين..جربت كل شي كل شي كل شي ..من زيوت و ادويه و ميزوثيرابي و ثوم و خل تفاح و الصبار و حتى نخاع الماعز..ماخليت شي مافي فايده راسي يبين من بعد ميل فراااااااغ ..لا اقدر اروح لا حفله ولا عرس ..ولا اريد اعرس ولا اتهنى بشعري….والشعر تااااااااااج المرأه يا بنات ..صعبه صعبه وااااااااااايد عليها وعلى نفسيتها اكثر واخس عن الريال..الريال ما يعيبه الصلع ..وعادي يقدر يمشي اموره ..اما الحرمه لا…خصوصا اني مب عيوز يعني توني شابه ..ومعظم سنين شبابي الي راحت ما تهنيت بشعري..وكم كنت اسمع تعليقات …….
لذلك استخرت ربي و قررت اني اسوي العمليه …
وبصراحه استغرب جداااااااااااا انه محد يعترف في هالمنتدى بهالحل ابدا او معضم معلوماتهم اتكون غلط في غلط ..
يوم بتتكلمون عن شي دوروا عدل عنه واقروا ..ثم اقروا ثم اقروا ..لا تتكلمون وانتوا ما تعرفون عنه شي
ما ادري يمكن وايد بنات يسوون هالعمليه وموجودات في هالمنتدى بس يستحن يعترفن يعني …
وبعدين ترا شي بنات وااااااااااااايد مواطنات يسوون هالعمليه حتى الدكتور خبرني ..يعني مافيها شي ..المشكله الناس حاطين في بالهم : زراعة شعر = حق الريايل الشواب الي راسهم يصلق ومافيه شعر
مب شرط!
سووا سيرج في جوجل و شوفوا تجارب النساء وكيف كان قبل و بعد!
والي اتقول ماشي فايده للزراعة ترا قبل لا تجازفون عرفوا الانواع و كم ياخذ وقت لين مايشب الشعر و كل شي ..مب اتسوون العمليه عقب اتقولون ليش مافيه نتيجه ..عشان تظهر النتيجه النهائية لازم سنه
وترا العمليه سويتها وماشي اسهل عنها ..ولا حسيت بالم ولا شي ..كنت ناشه واسولف مع الممرضات و يبولج اكل و تشوفين افلام ..ولا حسيت بالوقت ابد..
السعر صح شوي عالي بس ترا لو شي صدق تبينه جمعي له …شو اهم ..ذهب ومجوهرات تعقين عليها الالاف ولا نفسيتج الي بتتعدل بعد ما تزرعين؟؟
انا عني ما اشجع اي حد يسووي العمليه ..الااااااااااا لو كان شرات حالتي ..يعني شبه صلعاء وراااااااااثه ..يعني ماعندج لا فقر دم ولا تلخبط في الهرمونات ولا توج مربيه او ترضعين ..ترا هالاشياء تخلي الشعر خفيف ..وفيه طرق ثانيه ممكن تعالجها في هالحاله
لكن عني انا وراثه يعني 100 بالميه صحيه بالنسبه لكل الي ذكرته
واهلي فيهم صلع وبنات خالتي بعضهم نفس حالتي …ونفس الشي ما عندهم مشاكل في الصحه ..
اتمنى انه تجربتي تكون فادت غيري ..
ادعوا لي يغلظ شعري لانه ما مر على عمليه فتره طويله .. ويبالها صبر لين ما تطلع النتيجه النهائيه 
والسموحه على الإطاله
المشاركة الأصلية كتبت بواسطة أم عاشوه 
.gif "12 (58)")
.gif "13 (41)")
