أخواتي العزيزات حابة أعرض لكم طريقة عمل chicken fahita nachos اللي في تشيليز،، وهذي طريقتي الخاصة اللي جربتها البارحة وطلعت لذيييييييييذة بشهادة الجميع،،،
المقادير:
-كيس من خبز flour tortilla موجود في سبينيس
-علبة قشطة مستحمضة sour cream
-جبن تشيدر اللي لونه برتقالي (بعد موجود في سبينيس ماركة كرافت)
-صحن شاورما اشتريته من الكافتيريا أو ممكن تعملين بنفس في البيت عن طريق شوي شرائح طويلة من الدجاج
-بصل أبيض
-قليل من الصويا صوص
-فلفل هلابينو حسب الرغبة
الطريقة:
-قطعي كل خبزه لأربع قطع وصفيها في صينية التقديم
-ابشري الجبنة
قطعي البصل شرائح طويلة نوعا ما، وحمريها في زيت وصويا صوس وخليها فقط نصف مستوية
– حطي شوية دجاج على كل خبزه، وبعدين شوية من البصل المحمر وبعدين شوية من القشطة وخليها موزعة على كل الخبز وبعدين الجبن المبشور، كثري من الجبن وخليه يغطي كل الخبزة، وبعدين حطي حبة فلفل على كل خبزة
-حطي الصينة في الفرن بدرجة حرارة معتدلة وخلي الصينية حتى الجبنة اتذوب وشوي الخبز ييبس، يعني تقريبا 20 دقيقة، بس حاسبي مو تحترق
-وبعدين قدميها مثل ما هي
وبالعافية عليكم الطبق
وقولو لي رايكم بصراحة
<<< عمزاجها خخخخ
بس يا ليت لو كنتي صورتي المقادير ..
عالعمووم ميرسي ما قصرتي ..
وإنشاالله المرة الياية بصورها لكم،،،