harrington court apartment – London شقق فندقية مجربة

بما انه الصيف قرب و بدت حجوزات الصيف و الي خلص من فتره و الي يخلص اموره الحين … حبيت اساعدكم في هالشقق الفندقيه الي جربتها من كم شهر و بالتحديد نوفمبر 2024 ..

الشقق موجودة في منطقة south kensigton و اقرب محطة اندرقراوند هي المحطة الي تحمل نفس الاسم:

هني موقعهم على الانترنت :
https://www.harrington-court.co.uk/

و هذا على موقع بوكنغ :
https://www.booking.com/hotel/gb/harr…tments.ar.html

و الاسعار تتفاوت بين ال900 للاستوديو و 2024 للغرفه و صاله و و الغرفتين و صاله .. انتو ادخلو الموقع و شوفو تاريخ وصولكم ..

****************

هالصور من تصويري … و هي نفسها الي في الموقع .. نظيفه وايد بس في عدة سلبيات سوف اعرضها بعد قليل :

الصاله:

السرير مفتوح على الصاله لنه الغرفه استوديو :

المطبخ فيه فرن كهربائي و سخان ماي و مايكرويف و ثلاجة و ادوات المطبخ بعد من صحون و ملاعق و اكواب و غيره ..

الحمام عزكم الله:

طاولة كوي مع كوايه:

************

إيجابيات الشقة:

1- واسعه و مريحه ..
2- محطة انرقراوند قريبه
3- كافيهات و مطاعم كثيرة بالجوار: ستاربكس, ميلانو كافيه , مطاعم هنديه, مروش اللبناني, بيلا ايتاليا المشهور.
4- يوجد سوبرماركت تيسكو المشهور على بعد امتار من الشقق TESCO
5- سعر جيد للغرف
6- سرعه استجابة عند وجود اي عطل.
7- تخزين للشنط في حالة ذهبتو لعدة ايام مكان و رجعتو.
8- الهارودز و الهايد بارك على بعد 10 دقايق مشي من الفندق ..

السلبيات:
1- انا سكنت على فترتين .. الفترة الاولى كنا في غرفه واسعه و الظاهر هي الكونتيمريري ستوديو ابارتمنت .. بس يوم طلعنا على باريس و رجعنا حطونا في الاصغر العادية و كانت بدون غسالة و شوي اصغر و يوم طلبناها قالو انها مشغولة حاليا.
2- المغاسل في الحمام و المطبخ كانو مسدودات و ما يودون الماي .. بس من طلبنا منهم انه يصلحونهم يو و صلحوهم ..
3- ما في احد يساعدكم في حمل الشنط .. اخدم نفسك بنفسك