help meeee

السلام عليكم ورحمة الله وبركاته

شحالكن بنات

اريد استشيركن في سالفه ،،

انا مخطوبه من فتره ،، وابدا ابدا ما ارمس خطيبي و حتى ماطرشله مسجات الا في المناسبات

بس هو يطرشلي دوم ويقولي ليش ما تسالين عنيه وليش تهمليني
وحاول ويايه جمن مره يرمسني بس انا رفضت لان مايوز وقلتله ان حرام و جي

انا ماريد العلاقه تستوي قويه من الحين .. لان ربكم بعدها فتره الخطوبه مطوله تقريبا سنتين ويمكن 3 اخاف اذا عطيته مجال عقب بيتمادى بحكم انه من قرايبنا يعني ومن قريب وايد بعد .. ويمكن اصلا ما يستوي نصيب يعني .. الواحد مايعرف شو مقدرله

اريد ارد عليه بس ماريد اقوله اني ماريد علاقتي فيك تتطور من الحين و جي

اريد اكتب شي باسلوب بس يعني ومب عارفه شو اكتب

ارد عليه ولا اطنشه ،، اخافه بعد في نفس الوقت يمل ويتحسب اني ماريده مثلا عشان جي مب يالسه ارد عليه

شوروا عليه شاسوي ؟!؟!

والله انهم بلشه الرياييل

بما ان العلاقه مب رسمية وايد من حقج … وانا اشوف تفكيرج ماشاءالله وايد عود وصحيح

خبريه انج هالشي حرام وانتي ماتبين تتخطين حدود ربج

وان عقب الملجه مابتقصرين وياه … ما اعتقد لازم توضحيله اكثر عن جيه

وبالتوفيق وان شاء الله البنات يفيدونج

مثل ما قالت باربي وصدقيني بتكبرين في عينه وبيحترمج لانج تخافين الله وما تبين تسوين الحرام

بعدج الا خطووبه من حقج ترفضين يوم الملجه يصيرر خيرر..

انصحج لاتتمادين معاه في المسجات والمكالمات وفهميه احسن يصيير كل هذا ف الملجه ،،

لان الريال اذا كلمتيه وعقب يقل اهتمامه ف الملجه واصلن اتصييييييييير مشاكل بينكم لانها فترة تعارف وكل واحد منكم له شخصيه اكييد تختلف عن الثاني ..

اذا يبا يرمسج خليه يملج عليج وقووليه (الحين عمري لك بعد..)

اعرف وحده كانت اتكلم خطيبها لمده 3 سنوات ويوووم اهله حددوا الملجه قاااال ماباهام وقعد يتعذر بأوهااام وانفصلوا .. والحمدالله هي عرست وخذت واحد احسن عنه بمليوون مرة..

ما شالله عليج عااقلة
ابد لاتعطينه مجاااااال
هم اصلا يختبرون البنت ويا كثر ما يختبرون
انتي حاولي باسلوب لبق تفهمينه هالشي
صدقينيراح يقدر هالشي وبتكبرين في عينه
ويمكن يستعيل ع الزواج بعد
لوووووول
الله يوفقج حبيبتي والله يقدم لج الي فيه الخير
^^