marble cheesecake لعيونكم ^_^

هلا حبيباتي…

اليوم يبتلكم أحلى سويت.. وهو شيزكيك الرخامي… شفته ليوم على سما دبي وقلت خليني أجرب بس بطريقتي الخاصة ^_^

وهذا من تصويري:

المقادير:

علبة جبنة فيلادلفيا

ظرف دريم ويب

ظرف كريم كراميل

ظرف جيلاتين (يذوب في 14 كوب ماء)

قشطة 250 جرام

كيكة الخزان الجاهزة (بالشوكولا)

الطريقة:

تقطعين الكيك الجاهز شرائح وتصفينه في قاعة قالب الشيزكيك (متحركة القاعدة)

وتخلطين باقي المقادير باستخدام مظرب الكيك الكهربائي او بالخلاط العادي.. وتصبين الخليط فوق الكيك المصفف في القالب..

وبعدين اتييبين نوتيلا… او شراب الكاكاو (شيري شوكليت) وتحطينه بشكل عشوائي بحيث يكون شرات الخيوط… وبعدين بالسكين حاولي تحركين وتلعبين بخيوط الكاكاو.. بحيث يتكون عندج طبقة رخامية..

تحطينه في الثلاجة لمدة لا تقل عن ساعتين ..

وهني وعافية

^_^

تسلم يدج