بما أن الكل يستصعب سالفه شو يطبخ كل يوم بذات اذا كان هو الشخص المسؤؤول عن الطبخات ف قررت ان اسوي هالملف افيييد الكل وبعد غيري يفيييد و أنا بعد استفييد منه
مجرد تكتبين شو ناويه تطبخين اليوم سواء ريوووق و لا الغذااا ولا العشا
اكثر شي صعب عند الجميع اكييييييييد العشاااا
ف ان شاءالله يكون ملف سهل و خفيف ع كل و اذا فيه صووور للطبخه و المقادير وو للطريقه يكون افضل سواء تكون عضوه طبقته قبل او نقلته من مصدر ثاني مع مراعاة الحقوق من المصدر المنقووول
بسم الله نبدأ
و بسوووي شرخمه (شعيريه بالحليب و البلاليط)
معكرونه بطريقه يديده اسمها Pink Pasta
خذيته من عضوه كويتيه ببلوق عيبتني وهذي طريقتها
هالباستا خواتي وايد يحبونها .. ودايما يطلبونها من شوكليت بار… مادري منو بالضبط عطاني هالوصفه وطلعت نفس اللي بشوكليت بار.. خدامتنا الذكيه قلبت الصحن فصارت الجبنه من تحت ولا هي المفروض تكون بالويه
لا تحاولون تغيرون نوع الصلصه بالايطاليه العاديه لان الطعم بيفرق…
المقادير:
علبه صلصه المعكرونه بالزيتون ماركه العلالي
علبه كريما سائله (( الحمره سابقا ))
ملح
رشتين تباسكو
باستا بالشكل اللي تحبونه
و جبن موتزريلا مبشور
الطريقه:
تسلق الباستا بس مو كامل خلو فيها مقاومه شوي ومثل ما يسمونها ا " آل دنتي ""
نخلط باجي المكونات على النار ونعدل الملح وبعدين نضيف الباستا ونخليها تتشرب من الصلصه ونرش جزء من الجبن ونخلطها بعد ما نسكر النار
نصفها بالصحن ونرش باجي الجبن على الويه وتقدم في الحال
لا تنشف لانها بتصير مو حلوه
وبالعافيه
الحلى المبروم ..لذيذ .. وهو حاااار
عجينة بف باستري + حليب مكثف محلى [ حليب نستله ] + قرفة
:
الطريقه /…
ندهن الـعجينة بـ حليب النستله ونرش قرفة
ونحط فوقها عجينة ثانية.. ونقطعها لـ مسطيلات
ونبرم كل مستطيل مثل كذا
دخليها للفرن 10 دقايق
وهذا هو الشششششكل النهائي ومرشوش عليها حليب نستله
و جرفه
ملتوووش
ويا عصير وماي و حليب
تسلم ايدج اختي على هالموضوع الرااائع اللي راح ينفع الكثيير
وانا حاليا فترة ريجيم .. واتعرفين ما اطبخ الا الاكل المااااااااااصخ ماله طعم ولا نكهه
وان شاءالله من اطبخ راح اصور او اكتب الطريقه
حاليا راح اتطمش ههههههه
والاطباق اللي حطيتيها شكلها رهييب وسهله
اتمنى لج التوفيق 
وخاصه الحلا يذكرني بالسينابون مممممم
اليوم سويت سندويجات دجاج بالميونيز والجبن وسندويجات بيض
والعصر بسوي جبنيه +قدرة قاااادر+سلطة فواكه
والعشاء بعدني ماااقررت
مشكوره روووووزا على الموضوع الحلو
المشاركة الأصلية كتبت بواسطة عن الصدعه 
تسلم ايدج اختي على هالموضوع الرااائع اللي راح ينفع الكثيير
وانا حاليا فترة ريجيم .. واتعرفين ما اطبخ الا الاكل المااااااااااصخ ماله طعم ولا نكهه
وان شاءالله من اطبخ راح اصور او اكتب الطريقه
حاليا راح اتطمش ههههههه
والاطباق اللي حطيتيها شكلها رهييب وسهله
اتمنى لج التوفيق
خخخخخ حشا بضرابه
حتى لو عن ريجيمج بعد اوك غيرج بيستفيد المهم ابا هالموضوع يفيد الكل وفيه التفاعل
المشاركة الأصلية كتبت بواسطة ftamy123 
المشاركة الأصلية كتبت بواسطة أم سلامه2017 وخاصه الحلا يذكرني بالسينابون مممممم
اليوم سويت سندويجات دجاج بالميونيز والجبن وسندويجات بيض
حلووو سندويجات بعد ويا سلط و سوووب
المشاركة الأصلية كتبت بواسطة ام سعووود^_^ والعصر بسوي جبنيه +قدرة قاااادر+سلطة فواكه
والعشاء بعدني ماااقررت
مشكوره روووووزا على الموضوع الحلو
خاطري اجرب جبينيه منزله طريقه بعدي ماسويتها
و عفوا عزيزتي