Pop cake @ من أبداعـاتــي

السلام عليكم ورحمه الله وبركاته ,,

شحالكن بنات وحريم !!

البارحه كان عندنا تجمع يهال العيـله ,, فحبيت اسويلهم سويت بس هالمره مختلف .. فيت في بالي فكره البوب كيـك ,, وحبيت اشارككم بالوصـفه ,,

الخطوات بسيطه وسهله ..بس الفن في طريقة تغليف الكيك بالجوكلت ،،
هذي المرحله انا اعتبرها مش سهله كبدايه ..انا لما كنت اسويها قبل سنتين ماكانت تضبط معاي مثل الحين بس مع الايام عرفت السبب والحين الحمدلله ..

الاغراض اللي احتجتها :

1- علبه وحده كيك جاهز اي نكهه جوكلت او فراوله او فانيلا اللي يعجبج
2- علبــه قشطه ..

3- جوكلت خاص بالطبخ

4- اعواد المصاص او اعواد الباربيكيو ( الاستغناء عن العود)

5- سباركلز للزينه او ايسنج .

الطريـقه :

1- خبزت الكيكه بنفس الطريقه الموضحه على العلبه .
2- خليتها تبرد لمده ربع ساعه وعقب فتتها بيدي وضفت عليها علبه القشطه وعجنتها ..

استخدمت ملعقه القياسات الخاصه بالطعام الملعقه الكبيره واخذت كميه من العجينه وعقب كورتها ..وطلع حجمها حلو تقريبا نفس كرة التنس

وغمست طرف العود بشويه جوكليت وعقب غرزتها ..

هذا شـكل الاعواد شريتها من محلات تافولا بمردف ستي بدبي ..

حطيتها بالثلاجه لمده ربع ساعه .. عشان تمسك اشوي بالعجيـنه ولما نغمسها بالجوطليت ما تطيح او يخترب شكلها وممكن انا نستغنى عن الاعواد ونستخدم الشوكه لرفع العجينه من الجوكليت وعقب نثبت العود ..
بس انا استخدمت هالطريقه لانها اسهل بوايد ^^ ..

بعد الربع ساعه طلعتها من الثلاجه .. وغمستها بالجوكليت ولازم تكون درجه حرارته عاديه مش حار وايد .. وسط .. وبطرف الاناء تدقين ع الخفيف عشان ينزل باقي الجوكليت من الكيكه ^ ^ ..

ثبتها على قطعه .. عشان تثبت وممكن انج تقلبينها بورقه تقديم على طول يعني لج الحريه بالاختيار ,, بس انا حبيت اقدمها ع طول لليهال ..

اهني بعد ما خلصت الكميـه كامله ..

وبعدها زينتها بالايسنج .. كانت متبقيه عندي كميـه لاني كنت مسويه بسكويت ,, وعملت فيها خطوط ورشيت البعض بسكر ملون ,, والبعض خليته ساده .. والحريه لج يا اختي في التزين ..

ممكن تستبدلين الايسنج بجوكليت ابيض ,,

طبعا اختي سوت لي حفله اول ما جافت الشـكل وقالت لي لازم اذوق منه قبل لا تروح دبي ,, وسويت لها كم حبه ,, بطريقه حـلوه ,,

البوكس شاريته من تافولا بس العيب اللي فيه انه صغير يكفي لـ 9 قطع ,,

حطيت البوب كيك وغطيته وزينته بشريطه وهاي النهايه له

اتمنى الموضوع يحوز على اعجابكم

واذا عجبكم لا تنسوني بدعوه صادقه ,, ان الله ايسر لي امري ويحقق لي اللي في بالي ,,

واي استفسار حاضرين .

اختكم

قلب رهيف

واو شكله يشهي

تسلم الايادي أختي

بس عندي سؤال كيف عجينة الكيك ما خبزتيها فالفرن

المشاركة الأصلية كتبت بواسطة عيمانيه

واو شكله يشهي

تسلم الايادي أختي

بس عندي سؤال كيف عجينة الكيك ما خبزتيها فالفرن

الغاليه الكيكه خبزتها وعقب فتتها ,, مكتوب فووق ,, ركزي بالكلام ^^^^

روووووووووووعه الصراحه وشكله مرتب

يعطيج العافيه خليجية

حبيت الطريقه .. ماشالله عليج .. تسلم ايدج

المشاركة الأصلية كتبت بواسطة .. محتارهـ ..

حبيت الطريقه .. ماشالله عليج .. تسلم ايدج

مشكوره عزيزتي على مروورج الطيب

لا هنتي ,,

وناااسة ^___^

اترك تعليقاً إلغاء الرد