Seychelles ❤ ( تعديل مع الاسعار )

حبيت آنزل الموضوع مره ثانيه وآحط الاسعار لان كذآ آحد سآلني ع الخاص
وضيعت باسورد نكي القديم ..

خليجية

المسافه من مطار دبي الى سيشل في حدود الاربع ساعات و نص
فحجزت مع طيران الامارات .. درجه السياحيه .. المسافه ما تستاهل

فكان موعد الطياره بتاريخ 30.5 الساعه 2و 5 دقايق صباحا ..
ويالله يالله بسرعه جهزنا الشنطه ..
انا احط وعليا اطلع انا احط وعليا اطلع .. لا خليت منها راعية فزعه ..

كان سعر التذاكر لشخصين 7790

المهم .. انا كنت قبل هاليوم مب راقده و مر عليه هاليوم في التجهيز وما لحقت ارقد

وهنا وصلنا المطار ..

وآآآآخ يومها ماندمت في حياتي قد ما ندمت بسبب الدرجه السياحيه ..
هلكت من اليلسه وخص ان فيني نووم وما قدرت انام ابد ..
وكان 2 ليله لي بدون نوم .. ولا نص ساعه

وهنا اول ما نزلنا المطار .. منظر اليبل رد لي الروح ..

بعد ما حولنا مبلغ من الدولارات الى الروبيه مع العلم الدولار بـ 11 روبيه
خذنا تكسي .. بس قبلها بو الشباب ماحب انه يكون من دون كاميرا لان الجو
النظيف والرقاد المريح <- آقولها بحقد .. خلت نفسيته منفتحه لكل شي
عكس المغلوب على امرها .. " الله يعطيه الصحه والعافيه "

وبعدها توجهنا الى الاستقبال الاول في جزيرة

Mahé

لفندق

Hilton Seychelles Labriz Resort & Spa

كان سعر ليلتين 4000 وشوي

واستقبلونا استقبال حلوو الصراحه الشعب حبوووب وقعت في هواهم
وملينا الاوراق بالبيانات المطلوبه .. وشرابنا احلى شراب ماعرف شو
هو بالضبط شو بيهوس يخلي الواحد يدوخ .. طبعا انا مدوخه اريد انا
ولا الشراب بدون الكحول ..

وبعدها طلعنا لبرع عشان نركب البوت التابع للفندق

وهالصوره اخذتها آول ما وصلنا لجزيرة Silhouette

ومن الاستقبال الثاني .. وصلونا بـ بقي الى الفندق .. البدايه ندخل بقريه صغيره
آعتقد هيه الوحيده الموجوده بالجزيره ..

تصوير اللافته كانت الفليل مصورتنها بس حبيت احطها بالبدايه

وهنا المدخل للفندق .. طبعا هم ما يوقفون بس على حظنا اخترب الـ بقي وخذت كم من صوره ..

ويعرفونا على المرافق للفندق ونحن بالـ بقي وهنا الاشياء اللي آتذكرها ..

صوره بعيده للاستقبال ..

هالمكان لرياضات البحريه اللي عندهم .. اذا انا مب غلطانه ..
لان آخر ليله رحنا لهم نسالهم عن الغوض .. وقالو في مكان ثاني ..

هذا مطعم ايطالي

وهذا نسيت بس اظن يلسه ❤

وبعدها وصولنا للغرفه .. وعلى اخر ليله آكتشفت اني طالبه الغرفه الغلط اللي من دون حوض السباحه ..
آستيعابي بطيى .. وربيعتي اللي نبهتني ..

صورتين بالفيش آيز

اقدم لكم رفيقات رحلتي

❤❤

وآقدم لكم رفيقه المكان

❤

وطبعا قبل الصور .. ما صدقت آوصل عشان آرقد .. وبعد النوم ..
رحنا انتغدآ

بيتزا السالمون .. لذيذه ..

المسبح

من اليلسات اللي حبيتها قريب المطاعم .. ومطله على البحر

بعض المناظر اللي صورتها ..

مطر مطر ❤❤

ركبت براسي سالفة الغوض لان خاطري بس قلت آآجلها وما شتريت وتربروف للكاميرا
بس ماعرف شو ياني فقلنا بنسال مال الرياضات فقالولنا .. مش في الفندق .. في القريه
محل ايكو للغوص .. وبما ان عندهم غوص ليلي قلنا بنروح نشوف حظنا ..

الممر لي صورته اول مره .. الصراحه من بعده ايدك ما تشوفها

وهنا وصلنا للمحل بس مسكر للاسف ..

ورجعنا للفندق لكن البواب قال لنا على مطعم في القريه ما يتفوت ..
بس يوم اتصل حصله قد سكرو ..
المطعم مكانه اول ما تطلعون بالـ بقي من الاستقبال الاول لي في الجزيره .. بتشوفونه في الويه

فرجعنا للفندق ورحنا لمجمع المطاعم

فقررنا آنتعشى في المطعم الياباني .. لكن في هالمكان كان مزدحم