skywards – Emirates

مرحبا الغاليه

حبيت افيدج .. يستوي انج تسافرين بالاميال اللي عندج .. بس لازم تدفعين شي .. يعني مثلا احين عندهم عروض لشهر 5 ..

اوروبــا :

باريس

Paris Economy 1,999 dhs+ 7,000 miles و على رحلات محدده .. مش كلهن
Business 8,899 dhs + 9,000 miles على جميع الرحلات
First 12,299 dhs + 11,000 miles على جميع الرحلات

لنـــدن (هيثرو)

London Heathrow Economy 1,399 dhs + 7,000 miles (كلهن على رحلات محدده )
Business 12,999 dhs + 9,000 miles
First 16,999 dhs + 11,000 miles

ميــونخ

Munich Economy 1,399 dhs + 7,000 miles على جميع الرحلات
Business 6,999 dhs + 9,000 miles
First 11,699 dhs + 11,000 miles

شرق آسيــا:

كوالالمبور

Kuala Lumpur Economy 1,499 dhs + 7,000 miles
Business 7,299 dhs + 9,000 miles
First 10,999 dhs + 11,000 miles

بانكــوك

Bangkok Economy 1,599 dhs + 7,000 miles
Business 4,299 dhs + 9,000 miles
First 7,199 dhs + 11,000 miles

استراليا :

سيدنــي

Sydney Economy 3,299 dhs + 9,000 miles
Business 13,899 dhs + 11,000 miles
First 21,999 dhs + 13,000 miles

و اذا انتي من الاول دافعه و حاجزه على الدرجه السياحيه .. و تبين تسوين اب جريد .. يعتمد على الوجهه اللي بتزورينها
يعني اوروبا و انا مجربتنها مب اقل عن 40 الف ميل او 50 الف ميل عشان البزنس .. بالاضافه الى سعر الدرجه السياحيه ..

و بعد تقدرين تشترين تذكره بدون ما تدفعين ولا فلس الا فلوس الضرايب بس .. و اعتقد فوق ال35000 ميل لاوروبا

وبعد اذا عندج البطاقه الفضيه ولا الذهبيه المعامله تختلف .. من ناحيه الوزن و الاميال الاضافيه اللي تحصلينها

و طبعا في وااايد عروض لوايد أماكن مختلفه دول الخليج و امريكا و جنوب افريقيا .. و كل مكان سعره يختلف

و يمكن في شي ما تعرفونه .. يستوي انج تشترين أميال زياده اذا ناقصتنج .. و اعتقد سعرها اذا ما غيروه كل 25000 ميل ب 2500 درهم .. و تشترين مره وحده في السنه بــس

و السموحــه على القصــور

وين حصلتي هالعروض الغاليه ؟؟ انا ما ادش الموقع وايد بس اترياهم يطرشولي على الايميل عروضهم …

العفـــو الغاليه هالعروض تقريبا يسوونها كل شهر .. و دايما بس في الصيف اغلى شوي .. تعرفين الاستغلال..

و ها بتلقينه في موقع سكاي وردز نفسه

و هذا اللنك :
https://www.skywards.com/special_offers.aspx

و عندهم عروض ثانيه على الفنادق و تأجير السياره … و و و

بس احسن شي تسوينه اشتري أميال ولا تفوتين .. 25000 ميل مب شوي .. اشتري و يمعي لو ما بتسافرين

و بعد بييبلج طريقه ثانيه تكسبين فيها اميال واايد .. بس بييبلج بالتفصيل اذا حابه

و السمــــوحه

مشكورة عزيزتي .. شكلج عندج خلفية زينه عن الموضوع ……

انزين عن الاميال الي نشتريها .. كيف اروم اخذها ؟؟ و اقدر اخليها اكثر من سنه ولا خلاص من تخلص السنه يستويلها ايكسباير .. ؟

و شو تعرفين عن البطاقة الذهبيه مالهم ؟؟ كيف اقدر اخذها ؟؟

تقدرين تشترينها من سكاي وردز نفسهم .. اتصلي فيهم و هم بيقولولج .. و الاميال اتم اكثر عن 3 سنين اظن .. و قبل ما تنتهي يقولوج انها بتنتهي و يطرشولج بالبريد او الايميل.

و بالنسبه للبطاقه الذهبيه هاي يحصلونها اللي يسافرون واااااااايد و خصوصا على الفيرست لانهم يكسبون اميال اكثر (Triple) طبعا خلال سنه وحده . . و بعد يعتمد على Tier Mile

و تقدرين تقرين عن البطاقات في ها اللنك :
https://www.skywards.com/Help_faq.aspx

و اذا انتي من محبات الشوبينغ واايد .. تقدرين اطلعين لج فيزا من مصرف الامارات الاسلامي .. و بكل درهم تصرفينه من الفيزا يعطونج بداله ميل واحد .. و هالبطاقه تقدرين تخلينها حتى حق فواتير الاتصالات و حق اغراض الجمعيه و المطاعم و حتى مشاري انتي او ريلج و بعد في الفنادق يوم تباتون برع .. يعني اي مكان ياخذون الفيزا فيه.. و شوفي شكثره بتيمعين .. صدقيني وااايد .. وايد استفدت منها شهريا اكسب اكثر من 15 الف اول 20 الف ميل

شوفي هالنك:
https://www.emiratesislamicbank.ae/ei…ds/default.htm

و السمووحه

والله يختي انا مثلج ابا استخدم ال sky ward بس مب عارفه…اسمع وايد ناس نفعتهم وخذو فيها تذاكر انا ميمعه مال 48,000 ميل؟؟؟

بشوف الموقع بعد يمكن افهم شي

هيه حبوبه يصير

اممممم انا عندي واخر سفرة للبنان سافرت عن طريقهم خذوا عن كل تذكرة 22500
بس احسن تستخدمونهم لانه له تاريخ انتهاء

انا عندي بس للحين ما استخدمتهم
لانه كانت عندي البنفسجية العائلية وعقب ظهرت الزرقا