مممكن تساعدوني و تخبروني
وين القى ماسك الذهب اللي تكون ع شكل رقائق
وماسك الكولاجين اللي يستخدمونه ف الصوالين و المراكز
يا ريت تعطوني اسامي محلات تبيع ها السوالف
مممكن تساعدوني و تخبروني
وين القى ماسك الذهب اللي تكون ع شكل رقائق
وماسك الكولاجين اللي يستخدمونه ف الصوالين و المراكز
يا ريت تعطوني اسامي محلات تبيع ها السوالف
طبعا بعد انتهاء مدة حب الشباب الله لا يعودها ان شاء الله قولو
الحمدالله ويهي صاير صاافي وابيض شرات جسمي مب قبل ويهي اسود وجسمي ابيض جني صابغه ويهي بصبغ اسود و..
المهم الزبده الحين…
يوم كنت صغيره ظهرلي بويهي جدري والجدري لين اليوم هذا ماخاز عني ..يعني الحفر موجوده تقريبا خمس حفر بويهي على شكل دائري وانا متعقده منهااا وحتى استحي اجابل الناس والسبه هاي الحفر ما ادري ليش مع انها مب ذاك الزود مشوهه ويهي بس متعقده منها ومب عارفه شو اسوي الصرااااحه..
الحين السؤال الي يطرح نفسه هل ابر الكولاجين تفيد بهاي الحاله يعني للتعبئه ولا لا والي جربت بليز تخبرني لانه مستعيله وابا اروح بأقرب وقت..
والسؤال الثاني والي من راس الخيمه عندنا علاج فراكسل ولا مش موجود في راك..؟؟
بليز عطوووني راايكم بالابر تفيد ولا لا ولا تبخلون عليه بالدعااء بالتوفيج..
ويزااكم الله كل خير..
ان شاء الله البنات يفيدونج ^^
يمكن تقصدين ابر "الفلرز"و "البوتوكس" !! بس هم هالابر ما راح تكأدي الغرض..
جربي تروحين عن كلداري "دبي"
و ان شاء الله راح يفيدج موفقه
جزيل الشكر
حياكن الله بنات وحريم
خلونا نستفيد من تجارب اللي جرب هالماسك,,سمعت كثير يمدحون الكولاجين
فيا حلوات اللي جرب,,, شرايج في نتايجه
وكم مده نتاجه ,, هل دايمه ولا كيف
وشكرا
وابيع الاصليه مب التقليد
اذا حابه راسليني ع الخاص
ياليت حد يقدر يساعدني لاني صدق محتاجتها ويهي تعبان ع الاخر
ثنتان ما تردان :
( الدعاء عند النداء وتحت المطر )
رواه أبو داود وصححه الألباني في صحيح الجامع (3078 ).
حبيبتي سيري عند دكتوره جلديه تفدج اضمن لج من انج تخسرين فلوس على كريم مب مضمون
فيدوناااااااااااااا
الله يوفق الجميع
مثل ما وعدت بعض الأخوات إني بكتب عن تجربتي مع كبسولات الكولاجينCOLLAGEN CAPSULES فأنا أكتب تجربتي الخاصية والشخصية حتى يستفيد الكل بإذن الله.
بالتفصيل الممل نبدأ :
أنا كان شعري طويل وغزير وأسود بدت عندي مشكلة تساقط الشعر وبغزارة من سنة 2024, وصلت بعد وفاة الوالد رحمة الله عليه فكنت أقول نفسياً وبيوقف بعد فترة بس إستمر ووصلت لمرحلة وجود أماكن فارغة من الشعر في فروة راسي وكذلك بدأ عندي تكسر الرموش وتساقطها, جربت علاجات كثيرة من زيوت وكريمات وشامبوهات وبلسم وحبوب وفيتامينات ومراهم وكورس ميزوثربي طويل وعلاج بالليزر وغيره وما في فايدة .سويت كل التحاليل ما في سبب !!! أنا الحمدلله وايد أهتم بصحتي وبالتغذية الصحية وبشرب الماي بكميات مناسبة بس ما أعرف شو السبب.
من شهرين وثلاث أسابيع بدأت آخذ كبسولات الكولاجين500 ملجرام ثلاث مرات في اليوم , إضافة إلى حبة فيتامينات متعددة في اليوم وحبتين كالسيوم( مثل ما نصحني الطبيب) , وقال لي النتايج بتبدأ تظهر بعد ثلاث شهور من الإستمرار على الكبسولات والفيتامينات.
قال لي الكولاجين بيساعد على وقف تساقط الشعر ونضارة البشرة والأظافر وقوتها.
الحين الحمدلله خف تساقط الشعر عندي ما وقف بس خف ولكن من شهر بديت أستخدم خلطة زيوت و أيضاً أعشاب لشعري بشكل أسبوعي فما أعرف صراحة من الكولاجين ولا من الزيوت والأعشاب الله أعلم. بس حاسة فعلا بنضارة بشرتي و أنه فيها حيوية عن قبل , والحمدلله.
أظافري بعدها مثل ما هي ماحاسة بتغيير.
الأخوات اللي بيسألو إذا الكولاجين بيبيض ولا لا, بصراحة ماأعرف , أنا بشرتي بيضا علشان كذه ما شايفة تغيير .بس لا الدكتورولا حتى في النشرة مذكور أنه يبيض البشرة.
الأخوات اللي سألو إذا الكولاجين بزيد الوزن ولا , أنا وزني ما زاد أصلاً نقصت في شهر رمضان الفضيل 5 كيلو.
صح كنت أحس دايماَ بألم بظهري,خف عن قبل الحمدلله , الدكتور يوم سوى لي الفحص قال لي عندي نقص بمادة الكولاجين فحتمال أربطة الظهر والعضلات متأثرة بالنقص.
الدكتور قال لي خذي الكبسولات وما ذكر إني ممكن أخذ بودة الكولاجين بداله, ( الحمدلله أنا أصلاً ما أحب أشرب الأدوية) فأمانة ما أعرف عن بودرة الكولاجين شي لأني ما جربتها.
أنا رحت لدكتور جلديةو سويت الفحوص في كندا وكذلك الكبسولات جبتهم من هناك وهي صناعة أمريكية, بس أعرف أنه الكبسولات متوفرة عندنا في الإمارات بس ما أعرف نفس الشركة ولا لا. إن شاء الله بستمر على كبسولات الكولاجين لمدة ثلاث شهور ثانية وإذا في أي نتائج زيادة بخبركم.
هذي كل تجربتي مع كبسولات الكولاجين وعذروني على الإطالة وإذا في أي سؤال أو استفسار فأنا تحت أمركم .أعيد وكرر هذي تجربة شخصية ويمكن النتايج تختلف من شخص لآخر , الله أعلم.
أخواتي أدعو لي الله يحقق لي اللي أتمناه.
بس ممكن تحطين صورة الكولاجين الي عندج
إني أسالك إيمانا يباشر قلبي و يقينا صادقا
حتى اعلم انه لا يصيبني الا ما كتبت
لي و ارضني بما
قسمت لي
استمري حبوبه وخبرينا بالنتايج
مشكورة الغالية على المرور, صح التنعيم لاحظت بس نسيت أذكره .
أنا أصلاً ما أكل اللحوم الحمراء كثيروبعد الدجاج ما أشتهيه , وهذا أحد أسباب نقص الكولاجين في الجسم, بس أكل السمك , بالنسبة لعمري أنا الحين في بداية الثلاثينات فما أعرف صراحة متى يبدأ نقص الكولاجين في الجسم, بسوي بحث ,أنا أول كنت أسمع عن الكولاجين بس ما كنت مقتنعة به, بس بعد اللي مريت به وعقب ما سمعت من الدكتور أضطريت آخذه,أختي ما أعرف كيف أحطي الصورة في المنتدى, بس هن 90كبسولة بيضاء في زجاجة زرقا غامقة ومكتوب عليها كولاجين كبسول بالإنجليزي ما عليها صور أو علامات بارزة, ولو حصلت حد يحطي لي الصورة إن شاء بحطيها.
مشكورة أختي وجزاج الله خير.