الوسم: الأربعين

السلام عليكم ورحمة الله وبركاته……

بنات أنا شويه وبظهر من الأربعين…. طبعا خلال الحمل حطيت كريم زبدة الككاو والحين جسمي كله خطوط حمره… صح إني مربربه بس ما توقعت تظهر لي خطوط في ه الكثر… وأحس مناطق أسمرت في جسمي مثل الرقبه، الصدر، الريول فسو نصايحكم عشان أستفيد ويستفيدوا البنات بعد وإن شاء الله في ميزان حسناتكم…

بالنسبه للخطوط: إذا هي حمره شو تنصحونا نسوي؟ ومتي تخوز؟

بالنسبه للإسمرار: كيف أخوزه وأرجع نفس قبل (بصراحه اللي قريت عنه قبل الليمون والحمام المغربي) فهل هو مفيد واللي سوت أشياء ثانيه يا ريت تساعدنا…

أهم شي الكرش: بصراحه ما أقدر ألبس نفس قبل أحس جسمي شويه أخترب (بنات منو جربت شي وفادها ما أريد أجرب شي و ما يطلع منه فايده…

ممممم بعد في شي (المنطقه الحميمه) كيف أرجعها نفس قبل وهل أحتاج إلي عمليه تضويق ( بصراحه مرات أحس الهواء يطلع منها (السموحه) فشو فادكم يرجع المنطقة نفس قبل (أكيد فهمتوا قصدي… أنا قريت عن تمارين كيجل بس بغيت إذا تعرفون أشياء ثانيه وفادت

وإذا عندكم أشياء تحبون تفيدونا فيها فيزاكم الله ألف خير و في ميزان حسناتكم….

لرفع لرفع لرفع

عليج بالخلطات الصابونيه وكركم الجسم وخلطات التبيض أنا جسمي تحسن من قبل بوايد أخذجميع الخلطات من تاجره في المنتدى وحتى كريمات للوجه أنصحج أبهم وسنفره للجسم والرقبه والويه

استخدمى الوصفات الطبيعيه ياعسل ^^

للتضويق فترة الاربعين لازم تستخدمين تحاميل الملح والمره او تستخدمين الكبو وبتلقين طريقتهم في النت..
للتبييض عليج بالحمامات المغربيه وادهني جسمج بالليمون والجلسرين قبل النوم والصبح اغسلي جسمج وحطي زيت لوز ..

كل الخلطات والوصفات كانت بتنفعج وايد من بداية الاربعين لانها مده كافيه لاظهار النتايج

اب اب اب

السلام عليكم ورحمه الله وبركاته …

طبعا مسرورة جدا بالنتايج الحلوه ( أكيد بتفرحين )

مبروك للي حفظوا 10 أحاديث واجتازوا الامتحان

للتأكيد المشاركات هن :

1- عالية28
2- أبلة شموخ
3- السنقباسية
4- ديماني
5- wegdan_111
6- عهد الأصدقاء

بحط النتايج مرة ثانية للـي ماشافن النتيجة قبل …

النتيجة كانت :

Uploaded with ImageShack.us

لا تخافن الي مايابت درجة اوكيه اتشد حيلها … عشان تييب درجة حلوة المرة الياية …

تراني باخذ نسبة كل الامتحانات ( 4 امتحانات ) ، فمب شرط الي يابت درجة حلوة تكون الأولى ولا شرط الي كانت نازله ماتكون الاولى!!!!!!!!!!! اجتهدن

استمتعت وياكن وايد …

حبيت أذكركن بالهدايا :

المركز الأول : هدية + وسام
المركز الثاني : هدية + وسام
المركز الثالث : وسام

( الباقيات : شهادة تقدير )

راح نبدأ الجزء الثاني على بركة الله :

بسم الله توكلنا على الله …

الحديث الحادي عشر :

Uploaded with ImageShack.us

التسميع يوم الأربعاء …….. بإذن الله

فرصة لا بأس بها

ملاحظة : الأحاديث في هذا الجزء : قصيرة جدا ( لذا يجب عليك فهم الحديث من خلال الشرح )

بعض إسألة الامتحان راح اتكون منها .. وشكرا

فهم وقراءة وليس حفظ

جزاكي الله خيرا

هييييييييييييييييييه

طلعت الثانية ،،، الحمدلله مع اني ما ذاكرت بس الحمدلله ،،،، بإذن المرة الياية بتشوفون أبلة شموخ على حقيقتها إن شاء الله 100

واثقة من نفسها

بوركت جهودك أختي السنقباسية

الله يكثر من امثالكم يارب ويجعل المنتدى خير علينا كلنا ونستفيد منه اجمعين

اسال الله ان يوفقكن لما يحبه ويرضى ..باركـ الله فيكن

السلام عليكم……….بغيت أعرف شو رايكم بالحمل عقب الأربعين ( فترة النفاس) علماً بأن الرضاعة من الحليب الصناعي….البيبي رافض مب أنا و صدري تقريباً جف الحليب عنه …….شو رايكم أحمل و لا أتريا ..و الي جربت الحمل في هاي الفترة كيف كان

هلا اختي الافضل ان اتريحين حميتي حملت بالغلط ومسكينه وايد هلكت

على طووول تبين تحملين ما شاء الله !!

صراحه ما شاء الله عليج انتي الوحيده اللي مريتي عليه جي

ماتحسين انه هالشئ تعب عليج !!!!

انا صراحه هب مع اللي تحمل على طول بعد الولاده

احس الياهل لازم ياخذ حقــه في التربيه والحنان

لو حملتي انتي بهالفتره بتتلعوزين في الوحام والمراجعات وغيره

وبيي ياهل ثاني ،، واللي بعده ،، واللي بعده !!

وبيكووونون كلهم هب ماخذين حقهم ( سواء من دلع والا من حنان والا من رعاية واهتمام )

وجهــة نظر شخصيـــة

( الوحده ع الاقل تتريا سنه وعقب تحمل ،، يكون ولدها على الاقل كبر وبدى شوي شوي يستوعب )

صعبة وايد… انا ولدي كمل سنتين وثمان شهور وأخوه عمره شهر ونص وماشاء الله مب ملحقة … وأقول لريلي خلاص تعبت ولا تقولي أبا عيال لين يكبرون عيالك يعني يبالي مال خمس سنوات …

مشالله عليج بس البصراحة احس ان لازم ترتاحين وعلى قولت اختي شذى الالحان الطفل لازم ياخذ حقه من الحنان والرعاية

أحملي اختي ولا عليج شر انشالله، احسن تيبينهم ورى بعض وتربينهم مع بعض، صح بتتعبين في البدايه شوي لكن لمن يكبرون بترتاحين احسن عن واحد كل سنتين، أعرف وحده ماشالله يابت خمسه ورى بعض في اربع سنين ماشالله والحين مرتااااحه بعد مادخلوا المدرسه، وعيالها ماشالله متحابين ولاصارت عندها مشاكل غيره الاخوان الصغاريه.

صعبة حبيبتي لا تفكرين تحملين انا عندي بنوته وعمرها تسع شهور والحين انا حامل في الشهر الرابع وتعبانة وايد يعني انتي بتتعبين وبنتج مابتاخذ حقها…

الغاليات أفيدوني ……. صار لي والدة بولدي من 47 يوم و يوم شفت إفرازات بيضاء استانست و اغتسلت و صليت و في اليوم الثاني الظهر نزلت لي إفرازات مائلة للصفار و للون البني … سألت الشيخ عن ذلك و قال إن هذه تتمة النفاس ل60 يوم أم بعدها فهي استحاضة..
ماذا أفعل كي أطهر بسرعة؟؟ رغم إني كنت مواظبة على شرب الحلبة و القرفة و قت الأربعين

عادي عزيزتي في وايدين ياخذون 60 يوم مب 40 …
عزيزتي اشربي الحبه الحمرا وايد زينه ..
و حاولي تحطين مطاره حاره على بطنج ثلاث مرات على الأقل في اليوم و كثري من السوائل الحاره مثل الشوربات و السحلب وغيره ..
و عزيزتي اتأكدي من الافرازات اذا ما فيها دم يعني انتي طهرتي بس هاي مجرد افرازات عاديه أو يمكن التهاب ..

للرفع

طبيعي اختي الغاليه . . واتريي لين تظهرلج علامهـ الطهـــر

صحيح اختي لازم تتريين كمن يوم واذا شفتي انه نزلج دم نفس الدوره فمعناته دورة الأربعين

السلام عليكم

خواتي انا طفت الأربعين يوم من الولاده بس لين ألحين ما اغتسلت يعني بعدني

ما خلصت … شو أسوي وايد متضايجه أبغي أصلي ..

منو صار لها نفس الشي وشو سوت ؟؟ الله يخليكم عطوني حل

اختي المفروض انج تعتسلين يوم تخلصين اليوم الاربعين حتى لو كنت تشوفين وتصلين وتتوضين لكل صلاة وتجامعين زوجج .. وتتنتظرين لليوم الستين وتغتسلين مرة ثانية لانه قالوا ان النفاس من 40 الى 60 وفي حريم يطهرن قبل الاربعين .. انا مثلا اخلص الاربعين واغتسل واصلي واجدد وضوئي لكل صلاة لين ما اشوف القصة البيضا .. وعقب 15 يوم تجيني الدورة .. بس خواتي غير عني عقب الاربعين يغتسلن ويتمن يوم واحد طاهرات ما يشوفن شي ينزل وبعد هاليوم تييهن الدورة.. يعني يعتمد على طبيعة جسمج ..

بس انا اشوف انج تغتسلين وتصلين بس تجددين حق كل صلاة وراقبي عمرج

عزيزتي
بالنسبه للدم إلي بعد الأربعين هذا يكون يا دم الحيض يعني الدوره أو أستحاضه وهو دم مالج يد فيه
أذا شفتيه نفس الدوره يعني على حسب متى أتخلص منج الدوره 6 أو 7 أيام بعدها أطهري وصلي والدم إلي بعد 7 أيام يتسمى دم أستحاضه يعني شرعاً يصح تصلين لو ينزل عليج دم .
هذا والله أعلم .. وأن شاء الله الأخوات بيفيدونج أكثر .

جزاك الله كل خير

يزاج الله خير
الله يبلغنا هالعمر ونحن على طاعة رب العالمين ياارب

الله
مااعظم كلام ربي وماارحمه

عادي الوحدة تحمل في وعمرها في الاربعين .

عادي حبيبتي .. واايد يحملون وعمرهم اربعين ..

الغاليه راجعي طبيبتج وخليها تاخذ لج تحاليل السكر والضغط و الكولسترول
ضبطي هالامور عساس يسهل عليج الحمل
وربي يرزقج الذريه الصالحه

عاااادي ..

عاااادي كل شي بيد ربنا ما يخصه العمر فديتج"ربي يرزقج ويرزق كل محرومه"

حرييييم اول اييبن الين ما اتوقف الدورة يعني عادي فالخمسين كل شي بايد رب العالمين ^^
والله يسهل عليج

السلام عليكم
اشحالكن بنات؟؟؟
حرمة اخوي بتطلع من الأربعين ونبا نسويلها حفلة عوده يعني بتعزم ربايعها والأهل كلهم فشوه رايكم شوه التوزيعات والاشياء الحلوة اللي نقدر نقدمها للمعازيم كذكرى

يعني ابا افكاركم الحلوة الجهنميه ههههههههه

مشكورات خواتي ودعواتي الحارة على كل اللي بترد….

انا اسوي توزيعات طلوع اذا تبين ممكن اسوي لج

الغاليه اذا حابه انا ممكن اسويلج التوزيعات

ماشاء الله تستاهلون سلامتها .. والله يوفقج ^^

ماشاء الله تبارك الرحمن الاخت اسرار توزيعاتها روحه

والباجيات ماعليهم زود

هلا أختي
بس كيف اجوف الديزاينات اللي عندج وشوه الأسعار؟؟؟

أختي طرشيلي ديزاينات التوزيعات واسعارهن…ومشكوووووووووورة

السلام عليكمــ

اشحالكن شخبار الكروشااات والبيبيات؟

انا ها اول حمل لي ومب عارفهيوم اربي وين اروح اتم عند ريلي ولا اروح بيتنا؟؟

يعني ف بيت اهل ريلي بكون مرتاحه غرفتي وحمامي وكل اغراضي عندي ومحد بيزعجني بس محد بيساعدني ع البيبي يعني عمتيه كبيره وماتروم تيني فوق وخوات ريلي صغار وحرمه اخو ريلي امبينا مشاكل وانا ماحبها وف نفس الوقت مابا افارق ريلي احس ماعرف من دونه وفيه وحده من ربعي سارت عند اهلها يوم ردت تغيرت علاقتها ف ريلها وايد يعني كان امبينهم برود مع انه كل ماينزل فالويكند كله عندهابس ماعرف

اما لو رحت بيتنا انا ماعندي غرفه حقي بكون ويا خواتي وعيال اخواني وجي احس مابرتاح بس بنفس الوقت بيكون عندي امي وخواتي وحرمه اخوي وجي بس بعدني ماعرف

افكر اروح اسبوع وارجع

يلا نقاش كل وحده تقول رايها وليش؟؟

فديتج شوفي المكان اللي يريحج .. اذا تشوفين انج بترتاحين اكثر فبيت ريلج تمي فبيت ريلج .. وخلي امج ولا حد من اهلج يساعدج هالفتره ولا يمرون عليج متى ما تبين ..

للرفع

احسن تمي بيت ريلج

مشكوراااات ع المرووور

أنا أفضل أسير بيت أهلي مع انه هذا 3 حمل لي بس لان هناك احصل الرعاية اللي محتايتنها وريلي يوميا عنا حتى لو دوام يسير الدوام واينا

بس بالنسبة لج أحس الأفضل والاريح انج اتردين بيت ريلج بما انج اتحاتين ريلج والوضع في بيت امج ما يساعد انج تاخذين راحتج

مدري!!!

بس أحس عند أهلج وااااايد أحسن لج ..

بس أنتي شوفي ع راحتج ..

موفقه ’’

السلام عليكم؟
اشحالكن أمهات
بغيت اسألكن شو تعطون عيالكم ف الاربعين غير الحليب الطبيعي

متى تعطوهم حليب صناعي وميلوبا؟
أنا أعطي بنتي حليب طبيعي وأشربها يانسون واسقيها ماي

انتن شو؟ خلنا نتبادل الخبرات

ممممممممممم مااعرف انا توني حامل ابجر

ومنكم نستفييييييييييييد

أنا كنت أعطي بنتي حليب طبيعي وأشربها يانسون واسقيها ماي

أنا أشوف انج ما تعطيها شي غير الحليب الطبيعي على الأقل لغاية ما تكمل أربعة أشهر

عن نفسي ما اعطيه غير ينسون وبابونج للحين

حتى ماي ما عطيته؟؟ عادي؟؟