الوسم: الاحتياجات

حد يشتغل او حد من عيالج فمركز العين لذوي الاحتياجات الخاصه ضروري الله يخليكم

صباح الخير خواتي الموضوع مبين من عنوانه تعرفون مركز العين للمعاقين الحكومي مب الخاص انا عندي ولدي عمره 13سنه من عام 2024قدمت اوراقه عسب يدرس عدهم ويتعلم شي وينفعه ولين اليوم يقولون باجر الى باجر سرت لهم قبل اسبوع ورديت من عندهم مصدومه والعبره زانقتني قالتلي المشرفه يمكن عالفصل الثاني وصبروا علينا شوي ؟؟؟؟؟ انا صبرت وااااااااايد وماعاد فيني صبر تعبت من الانتظار يقولولي ولدج في قائمه الانتظار طول هالسنين وماقبلوه ابا اعرف انتوا مثلي او تعرفون حد مثلنا يعني طولوا لين قبلوه ولابس ولدي فيني قهررررر حرام والله عمرة يمشي وهو قاعد فالبيت وبغيت اسال بعد سؤال اللحين صدق شرط الزامي انهم لو قبلوه تكون معاه خدامه اتمنى اللي عندها اي خلفيه او حد من اهلها فالمركز ترد علي وتريحني واللي ماتعرف اتمنى ماتطلع الا بدعوه انا الله يفرج همي ويشفي ولدي ويصبرني على تربيته

سبحان الله وبحمده

الله يفرج همج يارب ويشفيه ويعينج على تربيته
والحمدلله على كل حال وهذا باب للاجر مفتوح لج
والمفروض هالمراكز مااطول وبالعكس المفروض يكون عندهم سرعه تصرف ولا شو فايدة المركز
والشرهه على المسؤلين الي لاهين وما يقومون بواجباتهم

خليجية المشاركة الأصلية كتبت بواسطة دريمه خليجية
الله يفرج همج يارب ويشفيه ويعينج على تربيته
والحمدلله على كل حال وهذا باب للاجر مفتوح لج
والمفروض هالمراكز مااطول وبالعكس المفروض يكون عندهم سرعه تصرف ولا شو فايدة المركز
والشرهه على المسؤلين الي لاهين وما يقومون بواجباتهم

الله يسعدج على هالدعوه الحلوة
كلامج صح بس شنسوي الشيوخ مب مقصرين حاطين مراكز على اعلى المستويات بس مانقول الا الحمد الله على كل حال والمسؤليين لو عيالهم مثلنا ساعتها بيحسون فينا
حاسه بتانيب الضمير لاني ماقدرت اوفر له حياه كريمه حاله حال كل طفل خاص بغيت ادخله مركز خاص وانصدمت من المبالغ الخياليه اللي يبونها فقلت مالي غير الحكومي بس الله العالم متى بحنون علينا خليجية

سبحان الله وبحمده
معقووووله ولاوحده عندها خلفيه عن الموضوع

المفروض من زمان قابلينه حرام الولد كبر 13 سنه وايد
هم من اي عمر يقبلون
انا ولدي دخلته من عمره شهرين بس مش فالعين

خليجية المشاركة الأصلية كتبت بواسطة ام هدويه خليجية
المفروض من زمان قابلينه حرام الولد كبر 13 سنه وايد
هم من اي عمر يقبلون
انا ولدي دخلته من عمره شهرين بس مش فالعين

مادري بالضبط من اي عمر اي مركز دخلتي ولدج ؟؟؟

طلب رقم مدرسه لذوي الاحتياجات الخاصة

هلا
اريد مدرسه لذوي الاحتياجات الخاصة تكون من العين وع فكره البنت الي بدرسها تعرف الارقام والاحرف وتعرف اشياء ووووووووايد يعني مش ماتعرف هيه تدرسه ف مدرسه العين للتاهيل بس نبغيلها مساعده اكثر ف الدراسه يليت الي تعرف تراسلني ع الخاص

الله يجازيكم كل خير وبالتوفيق

لا حول ولا قوة إلا بالله

خليجية

للرفع

أستغفر الله العظيم

للرفع

مركز راشد لذوي الاحتياجات الخاصة

عندي طفلة في مركز راشد وما خطر على بالي أبحث ربما أحصل أحد أمهاتهم هني ، فخلنا نشوف إذا في حد موجود ، ونبدأ النقاشات والخبرات التي قد تنفع هذه الفئة من الأشخاص

اسال الله العظيم رب العرش العظيم ان يشافي بنتج وجميع الاطفال في العالم

اللهم واحميهم من شرور الانس والجن وشرور انفسهم اللهم آمين

راسليني ع الخاص ولد اختي هناك

اسال الله العظيم رب العرش العظيم ان يشافي بنتج وجميع الاطفال في العالم

اللهم واحميهم من شرور الانس والجن وشرور انفسهم اللهم آمين

السلام عليج اختي وين هالمركز وشو نوع الاعاقة اللي عند بنوتج الله يحفظها

اسال الله العظيم رب العرش العظيم ان يشافي بنتج وجميع الاطفال في العالم

اللهم واحميهم من شرور الانس والجن وشرور انفسهم اللهم آمين

أنا بنتي في مركز راشد لذوي الاحتياجات الخاصة اللي عند مول الامارات بنتي هذي ثالث سنة لها في المركز وعمرها 6 سنوات في الحضانة ولد اختي قدها والحين صف أول ابتدائي ، إعاقتها بسيطة وك
انت أسحن وححدة في الصف قبلوها وعمرهل سنتين ونصف وقانون المركز يقول 3 سنوات بس سوولها مقابلة وحسوا انها منها فايدة ، هي صار لها نزيف دماغي مفاجئ يوم كان عمرها شهرين قبل هاليوم كل شي طبيعي ومولوده طبيعي ، بس الحمد والشكر لله هي أحسن بوايد عن غيرها
اللي في صفها كلهم طلعوا للمدارس الأخرى العادية وسمعت انهم امشيين بس الإدارة احسما تشجع ، الامهات اللي طلعوا عيالهم برغبتهم والمركز ما يكون مشجع الفكرة ويقول لج إذا ظهرتي طفلج ما يحق له يرجع مرة ثانية عشان في وايدين في الانتظار وأنا متخوفة .
بنتي ذكية ووايد حنونة تحب الموسيقى وايد والصلاة وبسرعة تستوعب بس وايد عصبية وعنيدة جدا جدا متعبتني
عندها تأر عقلي في بعض النواحي نقدر نقول سنة أو سنتين بالكثير والأشياء الخاصة بالنظر ميح ، لين الحين مش قادرين نميز نظرها وهي كيف تشوف اختلف راي الاطباء في هذا الشي
أنا أحس بتأنيب الضمير انه ممكن يكون في إجراء انا ما تتخذته ويمكن يكون لصالحها فعشان جي حابة أتواصل مع أمهات الأطفال
يمكن أنا أقدر أفيدهم بعد في تجاربي لاني تلاحقت البنت وما رضيت أخليها في البيت بدون شي يفيدها فقمت مع أنه وايد كنت اسمع كلام يجيب الاحباط مثل هذه معاقة خلاص ماشي فايدة أو أو أو لانها ما كانت حتى تتحرك ، بس بقدرة الله وايماني ب ( اسعى يا عبد وأنا أسعى معاك ) قدرت أحولها لانسانه قادرة تعتمد على نفسها شوي بس النظر مخرب

للعلم انا عالجتها بالطاقة ، ونظام الميكروبوتيك ، العلاج الطبيعي ، ووديتها عند نادية بوهناد عشان السلو ك وتخبرني كيف أقدر اتعامل معها لشدة عصبيتها وعنادها ، وتحديد نسبة ذكاءها بس فشل هالشي .
ووديتخا مدرسة دبي للتربية الحديثة بدون علم المركز عسب يسوون لها مقابلة بس ما كانت مركزة ومعاونة لانها وايد مزاجية

الا

مساعده ذوى الاحتياجات الخاصة فالمدارس

بنات منو سوت مقابله مساعده ذوى الاحتياجات الخاصة فى مجلس ابوظبي للتعليم كيف المقابله والأسئلة

ولا رد

ان شاء الله تلاقين احد يرد عليك غااااااليتي ويفيدك

مشكوره حبيبتى انا عندى مقابله بأجر ومتوهقه

السلام عليكم
بيسالونج عن نفسج ومن هم ذوي الاحتياجات الخاصه وكيف تتعاملين معاهم ..اذا فيه طالب تم يصيح شو بتسوين معاه ..اذا كانت المعلمه اصغر عنج كيف بتتصرفين؟وشو هو التعلم الذكي؟ هذا اللي اذكره
وبالتوفيق للجميع

مشكوره حبيبتى

بالتوفيق الغاليه خبيرينا شوو سويتي بالمقابله

مؤسسة زايد للرعايه الاجتماعية وذوي الاحتياجات الخاصة

بنات منوتعرف عن مؤسسة زايد للرعاية الاجتماعية وذوي الاحتياجات الخاصة كم رواتبهم بالنسبه للوافدات بابوظبي بليز اللي عدها معلومة لاتبخل علي

للرفع

مدرسة تربية خاصة 8000

نعيما

للرفع

ان شاء الله حد يفيدج حبوبة خليجية
للرفع

للرفع

اللّهم اهدِنا فيمَن هَديْت
و عافِنا فيمَن عافيْت
و تَوَلَّنا فيمَن تَوَلَّيْت
و بارِك لَنا فيما أَعْطَيْت
و قِنا واصْرِف عَنَّا شَرَّ ما قَضَيت
سُبحانَك تَقضي ولا يُقضى عَليك
انَّهُ لا يَذِّلُّ مَن والَيت وَلا يَعِزُّ من عادَيت تَبارَكْتَ رَبَّنا وَتَعالَيْت
فَلَكَ الحَمدُ يا الله عَلى ما قَضَيْت
وَلَكَ الشُّكرُ عَلى ما أَنْعَمتَ بِهِ عَلَينا وَأَوْلَيت
نَستَغفِرُكَ يا رَبَّنا مِن جمَيعِ الذُّنوبِ والخَطايا ونَتوبُ اليك
وَنُؤمِنُ بِكَ ونَتَوَكَّلُ عَليك
و نُثني عَليكَ الخَيرَ كُلَّه

إلى إدارة مركز أبوظبي لذوي الاحتياجات الخاصة

إلى إدارة مركز أبوظبي لذوي الاحتياجات الخاصة

——————————————————————————–

السلام عليكم وكل عام وأنتم بخير إن شاءالله……دخيلكم إسمعوا السالفه …….بنت ربيعتي من ذوي الاحتياجات الخاصه تم تسجيلها عندهم وقبلوها بس قالوا لها ما بداوم من بداية العام لانه ما عندهم مدرسة؟؟؟؟؟؟؟؟
المهم ..نهاية الاسبوع اللي فات خبروها إن المدرسه موجوده وخلي البنت إداوم…..وهي مسكينه عمرها 8 سنوات وما تتكلم طبعا كل هذا إبتلاء من الله ولله الحمد على كل شيء….أمس داومت الصغيره ووصلتها الام وخبروها إنه في باص المهم وصلها البيت واليوم خذها الصبح …………..بس تعالوا شوووووووووووفوا شو صار اليوم الظهر…..تصدقون في الباص معاهم مشرف مصري مش مشرفه جن الحريم خلصن ……المهم إتصل المشرف فى الام الساعه 2 إلا ربع .وإسمعوا شو قال جنه يشتغل ببلاش(قال للام جيبي خدامه لبنتك في الباص هي بتخلع الجزمه بتآعها وأنا مش آدر حنزل وأسيبهم لوحدهم في الباص خلاص مش عايز أشتغل في المركز) الام مسكينه على بالها يقولها خلي الخدامه تنزل عشان تآخذ البنت قالت له إن شاءالله………ما تدري إنه يبغي الخدامه تكون في الباص ع طول .قال هذي الرمسه وسكر في ويه الام ..نزلت الام وتدرون متى وصل الباص الساعه 2 وربع وبدون مشرف طبعا ولا مشرفه……بذمتكم هذا أسلوب إنسان يعينونه مع أطفال معاقين هذا المفروض يعين في سجن مش مركز أطفال وبعدين هو مش مجبور ع الشغل ..جان خبر إدارة المركز باللي صاير وإنه ما يقدر ع الصغار . أطفال معاقين بروحهم مع السايق من المسئول لو صار لهم شيء لا قدر الله ..لو صاحين ما عليه بس تدرون إنهم معاقين.ومن متى الرييايل صار فيهم صبر……والبنت من وصلت وهي تصيح ما يندرى شو صاير ضاربنها والا شو…..(يعل يده الكسر في هذا الشهر الفضيل جان رفع يده ع حد من هذيل الصغار اللي ما يخاف ربه)..أتمنى من إدارة المركز متابعة الموضوع لانكم مسئوليين أما م الله وهم أمانه في أعناقكم……..

انشاء الله ايتابعون الموضوع

والله ايعينهم يا رب

اختي ليش ما طرشتي رسالتج لجريدة الاتحاد…. صدقيني بينشرونه وبيفضحونهم…

حرام عليهم اللي يسوونه في هاليهال…

حسبنا الله ونعم الوكيل بسسس

لا حول ولا قوة الا بالله,,

الله يعنهم ان شااء الله ومن مته رياال يقدر يداري الصاحيين عسب يداري هاذولي ربج كريييم,,

مثل ما قالت اخت من شووي انشري بالجريده احتمال كبيييره يسوون شي وربج كريييم,,

ذوي الاحتياجات الخاصه!!

السلام عليكم ورحمه الله وبركاته

خواتي بغيت أسأل اذا في وحده تعرف عن مكان لذوي الاحتياجات الخاصه و صعوبات التعلم ف بوظبي

اذا تعرفن لاتبخلن علي .. باسم او رقم تلفون

قصدج مكان يدرسون فيه والا شو بالضبط ..

اذا قصدج للدراسة (عندج مركز بوظبي لذوي الاحتياجات الخاصة) ومكانه في المفرق

وعندج مراكز خاصة في بوظبي من ضمن اللي اذكره مركز النور ..

هيه فديتج يدرسون فيه

مشكووووووووره وماقصرتي

Madri fditj

هيه مركز ابوظبي للرعايه والتاهيل بصراحه جدا رائع من هيئة اداريه وتعليمية وكبير ومريح ووايد فيه طلاب وطالبات

ما اعرف الصراحة
ان شاء الله حد يفيدج حبوبة خليجية
للرفع

مركز المستقبل وعندهم موقع إلكتروني وهو بجانب معهد التمريض سابقا

رابط الاحتياجات الخاصه في موقع وزارة التربية و التعليم

بنات اريد داعم رسمي اريد اعلام حق الاطفال ذوي الاحتياجات وبروشور صور الشيوخ

بنات لي تعرف تخبرني وين اقدر ادور ويوفرولي حق عيد الاتحاد ومنو بعد يباااااااااااااااااااا يتبرع ويدعمنا بعلام واشياء حق عيد الاتحاد ياليت تخذون الاجر بصراحه ودخلوووووووون الفرحه بقلوب ذوي الاحتياجات ونحن مركز بالعين

هلا
الغاليه اي مركز؟

مؤسسة زايد العليا للرعايه وتاهيل لذوي الاحتياجات الخاصه في العين

up__^_^__UP

كم علم تبغين ؟؟

ولدي من ذوي الاحتياجات الخاصة او لا !!!!

السلام عليكم ورحمة الله وبركاته

ولدي عمرة 6 سنوات 4 شهور كانت تجيله نوبات الصرع وهو صغير بس الحين الحمد لله تحسن واايد وهو عنده حركه زائدة ويدرس في: مركز زايد لرعاية ذوي الاحتياجات الخاصه) .. درس في قسم ا لتدخل المبكر.. والان يدرس في نفس المركز بس قسم التنميه الحركية وهو ما شاء الله عليه طبيعي ويتكلم وينفهم لما يتكلم كأنه طفل طبيعي كثير حريم اشوفهم في المستشفى او في المول يقولون مستحيل هذا مريض هذا طبيعي المهم انا احس ها السنة ان ولدي مو قاعد يدرس صح او ما يدرسونه صح حاطينه في صف فيه 5 طلاب وداومه من الصبح لين الظهر ولما يرد البيت يقعد يقلد حركاتهم اونه ما يقدر يتكلم مثلهم ومن اروح للمركز كل المعلمات يشتكون فلان وفلان يعني شو اسوي وجبت له مدرسه في البيت ما رضى يدرس معاها يتحرا اسالفه كلها لعب وسوالف ف انا اقول ابي اغير المركز لانه انا متأكده لو انه يدرس مع اولاد طبيعيين بيقلدهم ف ما ادري وين ادرسه واخاف اطلعه من المركز اندم اني طلعته واليوم شفت. برنامج على قناة الجزيره للاطفال( عن مركز الامارات لتوحد )شكله في الاعلان حلو على كلامهم ويقولون نتميز بطريقة الدمج للاطفال الي نحسهم طبيعين يومين ف الاسبوع دمج في المدارس العاديه بنات حد مرت في حالتي او سمعت عن ها المركز ياليت تفيدني

الله يحفظه لج يارب

مشكوره

يالغاليه
لازم تعرضينه على متخصص للاطفال راجعيهم مرة ثانيه
يمكن تعالج وتعافه وما يحتاج يدخل مدرسه ذوي الاحتياجات الخاصة

هيه راجعي طبيب مختص

الله يشفيييه ويعافيييه بس نصيحه من اخت وديه عند الشيخ بوعبدالله ماشالله قرا على وحده فيها الصرع وما خلت مكان للعلاج وهو عرف انه فيها عافاج الله ارضي والحين شفت وللله الحمد الشيخ فعيمان فمنطقه الزهرا والناس تيييه من كل مكان ويقرا للاجر بدون فلوس يزاه الله خير

الله يحفظه لج.. راجعي دكتور مختص