الوسم: الاصبع

خواتي العزيزات..

انا عندي مشكلة..

ولدي من كان عمره اربع شهور وهو يمص صبعه..والحين عمره اربع سنوات..

حاولت اخليه يودر بس ما قدرت ,ما خليت شي ما سويته,حتى المر اتخدمته,, وديته عند استشاري اطفال..قالي عادي خليه وبروحه بودر.

المشكلة اني حاسه ان اسنانه الامامية برزت لجدام..

في طريقة عندكم اتخليه يودر؟؟

لان هالشي مضايقني وايد..

اختكمـ

ام امييد

نفس معانتي الحينه ولدي عمره سنه ونص وهو يمص صبعه …

اشترت له من فترة المرة من الصيدلية بس هذا النوع من تحطينه على اليد مستحيل يقدر يمصه تررررا وااااااااايد مر…. ومرة يا بحلجي بغيت وانتي بكرامه ارجع …شكله شرات صبغ الظفور …
انتي ولدج عود تقدرين اتقولين له لو اليوم ما مصيت صبعك اعطيك حلاوة أو اتكفائينه بلعبه …واتقولين له لو هديتها وما اتمص بشتري لك لعبببببة كبيرة(سايسيه) …وانا نفس الشي الاستشاري قالي خليه بروحه بيودر …(لدرجه والله كنت احط له فلفل او الدوا الازرق )خخخخخخ تعذيب ههههه
الله يحفظه لج

نفس المعاناه الحين عمره 5 شهور بس يمص شي خفيف ويودره …اول ياهل خالف اخوانه

`والله هاي المشكلة كتير عند الاطفال
انا سمعت انها بتشعرهم بلامان
بس بماانه طفلك كبير ويفهمم يمكن تنفع معو هذي الطريقة

انك تربطي الاصبع اللي يمصه بشخص يحبو
مثلا تقولينله
الابهام هو بابا
والسبابة ماما
والخنصر صديقك وتسميله حد بيحبو
واذا شفتيه يمص اصبعه قوليله
(ماما تتالم كذا )….كذا تعض ماما

وانشالله بستجيب شوي شوي

تحيااااااااااااااااااااااتي

السلام عليكم
هاي أول مره أكتب فيها في هالمنتدى
أنا بعد أعاني من بنتي عمرها خمس سنين وماتنام إلا واصبعها في ثمها وديتها من سنة ونص مستشفى النور لأن عندهم شي مثل التقويم يحطونه ومايروم الطفل يمص صبعه بس قال خليها تكمل نمو أسنانها وبعدين أسويلها وألحين إن شاء الله بوديها وبشوف وإن شاء الله أخبركم بالتنيجة
بس نصيحة إلي مازال ولدها صغير تحاول كل المحاولات تمنعه من هالشيء لأنه بيتم الطفل ضعيف لأنه كل ما بيجوع بيمص في هالصبع:1 (9): وأختي ولدها عمرها ستة شهوروكان يمص صبعه وتميت احذرها وسوت لها رباط على صبعه جم يوم وتم يصيح مثل المفطوم وألحين ماشاء الله نسيها ووقف صياحه بعد
طولت عليكم ماعليه
بس من قهري على بنتي مابا يصير فيكم مثلي
وسلامتكم وسلامة عيالكم

نفس السالفه