مرحبا الغاليات بسافر ماليزيا بعد 10 ايام وابا منكن ياخواتي اتساعدني ابا شقق فندقيه فخمه وتكون في مناطق حيويه في العاصمه كوالالمبور
وادري انكن مابتقصرن والسموحه يا خواتي
انتي اتفقي مع السفريات وهم بيحجزولج .. وبيراوونج صور
انتي اتفقي مع السفريات وهم بيحجزولج .. وبيراوونج صور
آلطربووش ….. و آلنآب الإيرآني
آخويه يمدح مطعم حضرموت
===
آلحلو آنه كل شي حلآل … تآكلين وآنتي مآطمنه
السفره كلها قضيتها تسوق لين ما تم مكان بالشنط
بحط لكم صور من رحلتي وبعدها بحط لكم مشترياتي
حجزت غرفتين وصاله في التايم سكوير واخترت الفندق لان بناتي وياي واحتاج لشقه
والفندق تحته مول و سوبر ماركت ومطاعم وقسم كبير جدا للالعاب
تسوقت في
البافريون ،،، التايم سكوير ،،، ذ قاردن ،،، ذ ميجا مول ،،
واكثر شي شريته الشنط لاني احبها موووت
اخليكم ويا الصور
المنظر من الشقه الي سكنا فيها
حديقه الفندق
البافريون
ذ ميجا مول
ذ قاردن
محلات مره كيوت في ذ قاردن
الشاي الياباني
ولاني احب السوشي لازم امر على المطعم الياباني
3 اساور من جوسي و1 من كوتش
هال الشنط من ذ ميجا مول و ذ قاردن
بغيت اسالكم شو الاشيا الي تحصلينها عندهم حلوه
ودوم تاخذينهم
مع اني لاحظت فالتايم اسكوير في محلات رافعين اسعارهم بس الملابس يابلاش ههه ببيع فالمنتدي
خواتي العزيزات …
أنا بسافر ماليزيا نص سبعه وكنت وايد متعايزه أروح معاهم لأني كنت أبا أسافر بلجيكا وأسبانيا وسويسرا للأسف تكنس كل شي عشان ماليزيا ….
حابه أسأل عن الأسواق إلي تكون الكواليتي مالتها زينه مب يعني ريخصه وما تنفع بليز إلي تعرف تساعدني … وما أقصد أسماء المجمعات التجاريه أقصد محلات داخل المجمعات التجاريه تكون صناعتهم يعني مب ماركات مقلده بليز حد يساعدني
https://www.uaewomen.net/showthread.php?t=267739
واي سوال انا حاضره …
أوااافق الأخت ((كيوت مي)) ومن غير شااارع العرب.. (( بوكيت بينتانغ)) كله مرااكز تجاااريه حذاال بعض وعندهم بضاااائع بجوده… والبعض عنده (( ليميتد أديشن… ))
بتسيرين وبتستانسين في السيره بأذن الله
وإذا تحبين الريف الإنجليزي والدانتيلات أدخلي محل Lovely Lace في التوين تاورز..في الطابق 2 (طابق المطاعم) في نفس الطابق في وايد محلات ثياب للأطفال تجنن روعة روعة روعة منهم محل بوني وجس للأطفال وستروبري..
وفي مركز اسمه سوجو عباره عن طوابق وكل طابق يجمع شي مثلا ثياب الحريم وثياب الرياييل..طابق تجهيزات البيت طابق النعول والشنط..والطابق الأخير ثياب اليهال وهالطابق ما بتطلعين منه الأ وأنتي معلنه افلاسج…
وصح في مول اسم بافليون يديد في شارع العرب مجابل فندق الماريوت وكله ماركات…
منح الله تيومان أميال من الرمال البيضاء الناعمة وأشجار النخيل المتمايلة ،مع الغابات الجبلية حيث الزهور البرية تنمو في بكثرة و الشلالات الباردة الساقطة علي المنحدرات الصخرية، وتقدم تيومان النعيم في كل شيء من طبيعة على الرياضات البحرية، أو مجرد الاسترخاء فقط في الشمس الاستوائية
السلام عليكم ورحمة الله وبركاته
بعد تخطيط طوييييييييييييييل ومن شهر 4 لرحلة شهر 7 … تمت الرحله وحمدالله سرنا واستانسناا وردينا وقضينا وقت وووووووووووووايد حلوو ..
الرحلة كانت من 4-7-2017 الى 17-7-1010
الرحلة كانت متواصله الى لنكاوي وصلنا كوالالمبور 6 صباحا 5-7-2017 وطرنا 8 ونص الى لنكاوي .. وصلنا الفندق ورقدنا على طول لين الظهر ..
ايام لنكاوي كانت احلى من ايام كوالالمبور
الطبيعه ووووووووووووووووووايد وبكثره
البحر والموج فالليل عذاب
الناس غير … طيبين وايد
الاسعار حلوه ووووووووووووووووووايد
الاكل حلوو والمطاعم رووووووووووووووووعه
البضاعه الي فلنكاوي احلى من كوالالمبور مع انني حاطه فبالي عكلام البنات ان الي فكوالالمبور الافضل ..
الاماكن الي زرناها :
الاسواق
المراكز التجاريه ..
اكواريوم الحيوانات المائيه
حديقة الحيوانات حلوه وايد وتلمسين الطيور وتصورين معاهن
التلفريك
رحنا رحلتين بحريات .. رحلة المانجروف وووووووووووايد حلوة ورحلة جزيرة الحامل وجزيرة فنصها بحيره .
سكنا بفندق جراند ميلينوم
وهذي صوره الحجره
والصراحه كان موقع الفندق واااااااايد حلو وكل شي جريب علينا وعلى امتداد الشارع كله مطاعم عربيه ومراكز تسوق
وقالولنا ان في مركز يديد فاتح اسمه PAVILION كان على يسار الفندق و كل المحلات إلي فيه راقيه وحلوه وعندهم محل مكياج روعه طبعا
احلى شوبينج في ماليزيا أنا لاحظت النعول والجواتي وانتن بكرامه
جدامنا فندق الماريوت بعد يديد فاتحينه وفيه مطاعم وااااااااااايد حلوه وراقيه
وفي الفندق مركز تسوق بس خاص بالماركات العالميه وارخص شوي عنا
طبعا أول مادخلنا الغرفه حصلناهم محطيلنا بعد كيكه وطبعا تعرفون السبب
(الجذبه البضا يوم قلتلهم بالحجز شهر عسل )
اول يوم سرنا حديقه جنتج وهذي الحديقه على جبل مرتفع اما تسيرينها بالتلفريك او بالسياره بس تاخذ وقت بالسياره
وحبيت فكره دعايه هالباطاريه موووووووول ما تخلص
وهذا المهرج يعيب علي
وطبعا بعد كل مشوار من ارد الفندق اتصل وازقر مال المساج من التعب والحواطه والشوبنج
وهذي حديقه الفراش
وحبيت هالشيره
وهني يوم أأكل السمك
وشو رايكم بهالسلحفاء
وهذي حديقه سانوي لجون ودخلنا فيها بيت الرعب وياريتنا ما دخلنا جد اتوترت
اغلب الصور نحن فيها
وهايل البرجين التوأم إلي عندهم
وهذي سله غسيلنا
وهذا كوفي كان في البفليون وااااااااايد لذيذ الشيز كيك عنهم وكنا لازم بعد مانتريق نمر نحلي وفي الليل قبل عن نرد الفندق نحلي
الصراحه لذيذ يم يم يم يم
و قبل عن نسافر مرينا مصنع الشوكولا ولفتت نظري هالشيره
تصدقون انها اناناس
والحمد الله كانت سفره حلوه واستانسنا فيها
وان شاء الله ما اكون طولت عليكن والحين ابغي ردودكن
رب يسعدكم