الوسم: الاولى

اتمنى ان قراءت ام حمزه الرساله في يوم ما وذلك ليس ببعيد على رب العالمين ان تراجع نفسها وان تعيد النظر في ان تعرف حمزه على والده وتترك له الخيار في ان يقرر وجوده في حياته او عدمه.

الله يهدي الام ويجمع الولد بابوه انشاءالله

فلونه……دلوعة حبيبها شكرا لكما

الحمدلله انه عرفنا انه في مدرسة الشويفات في الشارقه لو عرفت ام حمزه انه وصلتنه هالمعلومه والله تاخذه وتطير في ال جزيره مايعلم فيها الا ربنا هيه تركت السويد كلها حتى ميلتقي حمزه في اي احد يخبره حكايته والله بتهد الامارات كلها مو بس الشارقه ….

الله يهديها وترحم بال ولد وابو امييييييين يا رب

بنات بليز اللي تعرف اتجاوبني

انا حامل (حملي الاول) و في الاسبوع السادس او السابع (بتأكد يوم الاربعاء ان شاء الله)

أعاني من آلالام و تقلصات (او انقباضات) في الرحم ايي على فترات (يعني مب متواصل)

و خاصة فليل يوم انام…يوم انام على ينب بعد فتره اييني الالم. صرت ماقدر انم الا على ظهري.

اللي اعرفه ان الم و ثقل الثدي في الشهور الاولى شي طبيعي. بس شو عن الم اسفل البطن (الرحم) ؟

هل هو شي طبيعي؟

للعلم قبل اسبوع تقريباً ياني نزيف و الدكتوره عطتني دوفاستون لتثبيت الحمل و الحمدلله مداومه عليه و ماصار لي شي لين الحين (الحمدلله)

معقوله تكون الالام من النزيف اللي صار؟؟

بليز لا تردوني بنات…

اتريا الاجابه

و يزاكم الله خير

شحالكن بنات… عساكن بخير وعافية

بس بغيت اتخبر عن الواجب اللي يخص (unit 044) حد جاوبه….. أو فهمتن كيف طريقة الحل… ياليت تساعدني؟؟؟ ومشكورات خواتي

بعنوان Managing Marketing Activities

Based on yourresearch produce a proposal for adding value to the existing produceservice rang. your proposal should identify milestones and the evaluation criteria that would apply

اختي عنوووودة يعني السؤال الاول نسوي استبيان للمنتج او شي جي او ترجمة السؤال المطلوب بالضبط مني مثل الأفكار اللي ممكن اكتب فيها لأنهم يطلبون منا ان الاجابة تكون في حدود 200 كلمة … ومشكورة

اختكم الظامية1

سنة 1998
الساعه 8 فليل

موزه طالبه في مدرسه خاصه ,بينها وبين نفسها كانت تحس انها غريبه عن خواتها ,كلهن يذاكرن عربي ما عدا هي انجليزي ,

موزه: امايه ..!!

ام موزه : ها بنتي ..

موزه : امايه ليش انا دخلتوني مدرسه خاصه وخواتيه مدارس حكوميه ؟؟

ام موزه :فديتج يوم كنتي صغيره وديناج مدرسه حكوميه قالوا والله قاصرنها شهرين وما نقدر نقبلها وعاد ما بغيت تضيعين السنه فقمت ودخلتج المدرسه الخاصه

موزه: but mumy انا احس اني غير عن خواتيه وهن ما يذاكرن فيايه ؟

ام موزه: لازم انتي غير ,انتي الاشطر والاحلى وهن يغارن منج ما عليج منهن

كلمات امها كانت ترن في اذنها ,,انا الاحلى والاشطر ,,هيه صح علشان جي يغارن مني وعلشان جي ما يبغن يذاكرن فيايه ..
ربعت صوب غرفتها وقفلت الباب وفجت كتابها وحطت الايبود على ذنيها على اغنية راشد الماجد وتمت تغني وياه عاد صوتها ماشاءالله غااوي

انت غير الناس عندي انت عندي شي كبير
كيف بصبر وانا شايف ناس من حولك كثير
وانا احبك واقولها لك كلمة خليها في بالك
انا ماني أي عاشق انا لما اعشق اغير
من عيون الناس والله اغار يا عمري عليك
ما اتطمن وانسى خوفي الا وايديني في ايديك

وحست في حد يدق على الدريشه ..عقت السماعه وفتحت الدريشه ما حصلت حد!! بس قلبها يدق وبصوت عااااااالي ما تدري خوف ولا ااا…..ولا انتظار شخص معين …

ردت مره ثانيه حطت السماعات وعينها على الدريشه وتمت على هالحال لين غفت وارقدت ..

الصبح الساعه 6 ونص

ام موزه : موزوووه موزوووه نشي بنتي دوااااااااام …

فزت موزه من رقادها وهي مستغربه كيف ارقدت!! يااااربي عندي امتحان اليوم كيف جي رقدت ولا ذاكرت ؟؟

موزه :اماايه احس عمريه ميهووده ومالي بارض انش دخيلج خليني اغيب

ام موزه:لا بنتي شو تغيبين ..نشي نشي عن الدلع عاد

موزه:امايه تبين الصدق كان عندي امتحان اليوم وامس مادري كيف رقدت وانتي الله يهديج ما وعيتيني ولو داومت برسب في الامتحان دخييييييييلج خليني اغيب وانتي دقي على الابله وقوليلها انيه تعباااااااانه وخل تاجل الامتحااااان .

ونشت موزه وتحب وتحب راس امها وتترجاها…عاد موزوه الدلووعه ما تهون على امها

ام موزه:بشرط الحينه تنشين وتتسبحين وتجابلين كتابج علشان لو بغت تمتنحج باجر ترفعين راسي وما تفشليني قدامها

موزه :فدييييييييييييتج يا الغلا انتي …يعلني ما خلاااااااااااااااااا منج

نشت موزه وتسبحت وتريقت وقبضت كتباها تذاكر …وما شلت راسها الا وامها تناديها للغدا ..

ام موزه:بناتي اليوم بنسير العزبه جان ما وراكن شي ومخلصات المذاكره

موزه :امي انا مااقدر بعدنيه ما خلصت خلوها يوم ثاني

مهره :شو بكيفج هو لا تداومين ولا تذاكرين وتبينه نحن نيلس نحرسج في البيت !! لا حبيبتي نحن بنسير وانتي تمي هني ..

عوشه :صدق والله نبغي نظهر من زمان ما سرنا العزبه انتي برايج هني

موزه:عنبو كلتني ..حشا ما يسوى علي هالكلمه اللي قلتها ….بكيفكن جان بتسيرن

ام موزه:لا خلاص خلنها وقت ثاني لين موزه تخلص.

مهره وعوشه بصووت عاااااااااااالي : لاااااااااا نبا نروووووح ومب بكيفها موزووه

عوشه :هيه كل شي حق الدلوعه ونحن السمع والطاعه

موزه :امايه فديتج سيرن عااادي انا بيلس في حجرتيه بذاكر وترى خويه احمدووه هني والخدامات هني ما علي شر برايكن انتن

مهره اكبر عن موزه باربع سنين وكانت سنه اولى في الجامعه وعوشه اصغر عنها بسنتين وكانت الصف الاول اعدادي

العصر ساروا العزبه وتمت موزه روحها في البيت وهي تذاكر ومجابله هالكتاب يوم لاعت جبدها قالت بيلس خاري شويه

بيوت اول كانن متجابلات وبينهن شارع وبين كل بيت واللي عداله شرات السكيك و شي شرات الشبج قدام كل بيت وهم بعد كانوا مشبجين قدام بيتهم وزارعين فيه وهي كانت تحب تيلس تحت شيرة اللوز وتذاكر خص انه الشبج مغطي ومحد في الشارع بيشوفوها

كانت ماسكه هالعلوووم ومركزززه تقولون بروفسورة زمانها ..وشويه حد فرها بحصى صغيرووون
طبعا حواليها شبج ما تشوف حد وخافت تظهر تشوف منو ..؟؟قالت حد من اليهال وردت تذاكر

وشويه تسمع بصوت واااااااطي (( بسسسسس بسسسسسسس موزه …هيه انتي موزووه …)) هني عرفت الصوت وفززت ؟؟وهي تنتفض مب مصدقه اذنيها ؟؟ طالعت على طرف الشبج اللي عدال السكه …

ما صدقت عيونها ..هذا رشوود واقف ؟؟

موزه وهي خااااااااااااايفه وتتلفت عن يظهر اخوها او حد من الخدم : يا ويلي رشوود انته شو تسوي هني ..؟؟

رشود:موزه اشحالج ؟؟

موزه باستحياء ومنزله راسها:طيبه

رشود:موزووه ويا ويهج تولهت عليج

موزه وخلااااص شويه وبتموت مكانها :رشود دخيلك سر لو حد من اهلي يا ..شقولهم ؟؟

رشود:قوليلهم خطيبي ويبا يرمسني ..

موزه: دخيلك رووح اخاف اخويه يطلع ولا اهلي يردون من العزبه

رشود:موزه عنبو صارلي سنه ما شفتج مب متولهه علي؟؟

موزه:لو كنت اهمك ما كنت بتخليني جي وتسير ولا كاني موجوده حتى وداع ما ودعتنيه وانا ما عرفت بسيرتك الا من خواتك ..

رشود:شسوي والله غصبا عني ..الوظيفه يتني فجاه ودخلوني الدوره وخلاف توظفت في بوظبي وانجبرت اتم هناك ..حتى اهلي ما شفتهم وامس راد من الدوام وعلى طول ييت اشوفج ..وامس دقيت على دريشتج بس لمحت احمدووه اخوج وشردت هههههههه

موزه:ياااربي لو شافك كان بيذبحني ويذبحك
اقوول اسمع كانه حد ياااااي رووح رووح

وربع رشوود وساااار
موزه طبعا جذبت عليه ومحد كان ياي بس هي مب متعوده ترمس حد حتى رشوود وهاي اول مره ترمسه جي وويه بويه ..

بتقولون كيف عيل من وين يعرفون بعض ؟؟خلوكم معايه في الحلقه الثانيه