الوسم: البات

وانا من بوظبي وتصدقين نفس معاناة الاكل ما يبون عالعدد لا يمكن الاكل بس يسد ربع البنات

يبونا نظارب عند المقصف على سندويجات جبن صغيرونه

وانا عايفه اكل المدرسه مرتين حصلت شعره داااااخل السندويش ومع انه مسكرين عليه بالقرطاس يعني ياي من عندهم بالشعر والله يوم اذكر منظر الشعره اتيني لوعه اتخيل اني لو كليتها قبل ما لاحظها << واكلنا من فطاير الخليج واحنا فالبيت كنا نطلب من فطاير الخليج وعقب هالسالفه قاطعناهم وقمنا نطلب من فطاير ليوا ^^"

والله يعينكم اذا المكيفات خربانه وفي هالحر انا فالمكيف حرانه وين اذا بدون مكيف

لازم حد يتصرف ليش انتوا البنات نا تكتبون رساله حق الخليج ولا الاتحاد ترى والله عادي وحطوا اسم مدرستكم وطرشوها

ا الله يعينكم والله

الله يعيينكم

ناس فاضية والله …،،،

حبيت أنزل هـ الموضوع عسب نستفيد كلنآ ~ .. خصوصا آلبنآت اللي بيسجلون للميجرعقب الاجازه
اممم كل اللي عليكم ~ ..

ياليت نتعاون صديقاتي عسب تعرف كل وحدة فينا شو ميولها .. أتمنى هالشي يساعدنا جميعا .. ^^

1- عرفيني عن نفسج وعن تخصصج؟

2- لماذا قمتي باختيار هذا التخصص بالتحديد لدراسته في جامعة زايد؟

3- ما هي طبيعة الدراسة فيه بشكل عام؟ (نظري أم عملي، حفظ أم فهم) وغير ذلك ..

4- شو هي المواد التي تدخل ضمن هذا التخصص؟

5- هل يتطلب فيه العمل بشكل مفرد أم مع الجماعة؟

6- كم يجب أن يكون المعدل لدخول هذا التخصص؟ وكم معدلج؟

7- ما هي المهارات المطلوبة التي تؤهل أي طالب لدراسة هذا التخصص؟

8- ما هي الأنشطة (داخل أو خارج الحرم الجامعي) التي يمكن أن تساعد في تطوير المهارات المطلوبة؟

9- ما هي أهدافج المهنية وما هي خططج المستقبلية؟

10- أين تتوافر فرص العمل في هذا التخصص؟

11- إنتي على وشك التخرج؟ فكرتي في أي جهة عمل (سوف تعملين)؟ ولماذا؟

12- هل تهتمين بالأمور المادية؟ وكم تتوقعين يكون راتبج الشهري عند استلامج للوظيفة؟

13- تعرفين شخصا ما درس نفس تخصصج؟ وشو انطباعج عنه؟

14- هل فكرتي يوما بتغيير مجال التخصص الذي أنتي فيه الآن؟

15- ما هي الصعوبات التي واجهتيها في مجال تخصصج؟

16- هل تنصحين الآخرين بدخوله ولماذا؟

17- عندج شي خاطرج تقولين؟

وفي الختآم ~

بانتظاركم جميعا
فمان الله

2- لماذا قمتي باختيار هذا التخصص بالتحديد لدراسته في جامعة زايد؟
لانه تخصص يجمع بين البزنس وال IT

3- ما هي طبيعة الدراسة فيه بشكل عام؟ (نظري أم عملي، حفظ أم فهم) وغير ذلك ..
يشمل كل اللي ذكرتيه ،

4- شو هي المواد التي تدخل ضمن هذا التخصص؟
مممم نصهن مواد بزنس ونصهن مواد IT ،

5- هل يتطلب فيه العمل بشكل مفرد أم مع الجماعة؟
مممم شي من هذا وشي من هذا

6- كم يجب أن يكون المعدل لدخول هذا التخصص؟ وكم معدلج؟
فوق ال2

7- ما هي المهارات المطلوبة التي تؤهل أي طالب لدراسة هذا التخصص؟
المهارات بتكتسبينها يوم بتدرسين ، بس لازم تدرسين الشي اللي تحبينه واتعرفين انج بتبدعيم فيه

..

سمحيلي جاوبت على الاسئلة اللي حسيت انها بتفيدج بس والباقي ماله لزمه ،
الجامعه اتسوي الـ" major day" كل سمستر اللي يعطونكم ويا مادة الcareer ورمسو فيه عن كل التخصصات ، واذا حابه اتعرفين اكثر دشي موقع الجامعه واقري عن كل تخصص ، يشمل المواد اللي بتدرسينهن و و و ..

3- ما هي طبيعة الدراسة فيه بشكل عام؟ (نظري أم عملي، حفظ أم فهم) وغير ذلك ..
يعتمد بس تقريبا التخصص يتضمن عن مواد تتكلم عن التاريخ (حفظ)
4- شو هي المواد التي تدخل ضمن هذا التخصص؟
في مواد تتكلم عن التاريخ وشي علم اجتماع وشي نظريات سياسية

5- هل يتطلب فيه العمل بشكل مفرد أم مع الجماعة؟

على حسب
6- كم يجب أن يكون المعدل لدخول هذا التخصص؟ وكم معدلج؟
فوق ال 2

7- ما هي المهارات المطلوبة التي تؤهل أي طالب لدراسة هذا التخصص؟

الكتابة ، القراءة، التفكير الناقد.
8- ما هي الأنشطة (داخل أو خارج الحرم الجامعي) التي يمكن أن تساعد في تطوير المهارات المطلوبة؟

نروح ندوات بس يعتمد على السير اللي يدرسج

9- ما هي أهدافج المهنية وما هي خططج المستقبلية؟

إن شاء الله بكمل الماجستير

10- أين تتوافر فرص العمل في هذا التخصص؟
وزارة الخارجية – شرطة دبي- المطار – السفارة الامريكية او الاسترالية – التشريفات – النيابة العامة – هيئة تنمية المجتع …الخ

11- إنتي على وشك التخرج؟ فكرتي في أي جهة عمل (سوف تعملين)؟ ولماذا؟
باقي سنه ولين الحين ما فكرت فالدوام

12- هل تهتمين بالأمور المادية؟ وكم تتوقعين يكون راتبج الشهري عند استلامج للوظيفة؟

لا
13- تعرفين شخصا ما درس نفس تخصصج؟ وشو انطباعج عنه؟

لا
14- هل فكرتي يوما بتغيير مجال التخصص الذي أنتي فيه الآن؟
لا

15- ما هي الصعوبات التي واجهتيها في مجال تخصصج؟
ولا شيء الحمدالله لاني حابه هالمجال

16- هل تنصحين الآخرين بدخوله ولماذا؟

هيه أكيد لان في هالمجال أحب أشوف خواتي المواطنات في أعلى المراكز وخصوصا في مجال السياسة .

17- عندج شي خاطرج تقولين؟
نصيحة لكل بنت دخلت جامعة زايد انها ماتتهوان بدارستها لان الاول والاخير أمنية المرحوم الشيخ زايد إن المرأة تحصل على التعليم وتوصل لأعلى المراتب.

وشكرا
أختكم عذبة الألحان

2- لماذا قمتي باختيار هذا التخصص بالتحديد لدراسته في جامعة زايد؟
لاني احب الجرافيك و التصاميم من قبل ما ادخل الجامعه

3- ما هي طبيعة الدراسة فيه بشكل عام؟ (نظري أم عملي، حفظ أم فهم) وغير ذلك ..
كل شي عملي

4- شو هي المواد التي تدخل ضمن هذا التخصص؟
illustrator , basic design, typography, packaging design, drawing… etc.

5- هل يتطلب فيه العمل بشكل مفرد أم مع الجماعة؟
مفرد

6- كم يجب أن يكون المعدل لدخول هذا التخصص؟ وكم معدلج؟
فوق الـ 2 و في الماث لازم فوق الـc

7- ما هي المهارات المطلوبة التي تؤهل أي طالب لدراسة هذا التخصص؟
لازم تكون عندج خلفيه عن التصميم من قبل ما تدخلين التخصص

8- ما هي الأنشطة (داخل أو خارج الحرم الجامعي) التي يمكن أن تساعد في تطوير المهارات المطلوبة؟
رحلات لمعارض فنية مثل ART Dubai اكبر معرض في الشرق الاوسط
و معرض تشكيل و غيرهم من الاماكن

10- أين تتوافر فرص العمل في هذا التخصص؟
في كل الدواير الحكوميه و الشركات و حتى في الاعلام مطلوب تخصص الجرافيك ديزان

11- إنتي على وشك التخرج؟ فكرتي في أي جهة عمل (سوف تعملين)؟ ولماذا؟
انشالله السنه اليايه بتخرج .. لين الحين ماقررت وين بشتغل

12- هل تهتمين بالأمور المادية؟ وكم تتوقعين يكون راتبج الشهري عند استلامج للوظيفة؟
لا هالشي عادي

13- تعرفين شخصا ما درس نفس تخصصج؟ وشو انطباعج عنه؟
اختي تدرس وياي في نفس التخصص

14- هل فكرتي يوما بتغيير مجال التخصص الذي أنتي فيه الآن؟
لا

15- ما هي الصعوبات التي واجهتيها في مجال تخصصج؟
مافي صعوبات دام اني حابه التخصص

16- هل تنصحين الآخرين بدخوله ولماذا؟
اكيد .. صحان التخصص في شغل وايد بس في نفس الوقت الشغل ممتع

غالياتي لو سمحتو الله يجزيكن كل خير انا من الباهيا في بوظبي وبكمل انشالله ثانويه عامه بعد زواج وعيال ودوام طول هالفتر الطويله واحينه المناهج اختلفت وكل شيء اختلف عن قبل لو ممكن اتدلوني وين ممكن اخذ اوراق المراجعه للامتحانات وتكونو سويتو خير فيني خاصه انه كل وقتي بيكون مابين البيت والعيال والدوام واتكون الاوراق ملخصه ومفيده بنفس الوقت واللي تساعدني الله يوفقهااا بحياتها ياااارب امين اجمعيييين

لـ الرفعَ ، الله يرفعَ قدرنا جميعاً