الوسم: البويضة

خواتي انا هالشهر بديت استخدم الابر المنشطة

خذيت ابرتين لحد الحين

قبل ما آخذ كان حجم البويضة 9

خذيت ابرة يوم الخميس وابرة يوم السبت

ورحت اليوم اسوي الترا ساوند

قالت الدكتورة ان استجابتي ضعيفة

المبيض اليمين ما استجاب ابدا

المبيض اليسار فيه بويضتين استجابوا

وما يتجاوز حجمهم 11 فقط !!!!

واليوم المسا بعد الفطور باخذ ابرتين

وبشوفها مرة ثانية يوم الأربعاء

سؤالي … هل غذا شربت هاليومين مرامية وخذيت بعض الخلطات لزيادة التبويض

بالاضافة طبعا للأدوية المعتادة ( جلوكوفاج + فوليك اسيد)

هل بيعطي نتيجة ايجابية…؟؟؟؟

للعلم اليوم هو اليوم العاشر للدورة

وهل في أمل تكبر البويضة وتصل للحجم المطلوب؟؟؟؟

ارجو النصح خواتي

وااللي عندها اي وصفة … لا تبخل علينا

واتمنى اللي عندها نفس مشكلتي تشارك وياي وخلنا نستفيد من بعض

والله يرزقنا واياكم

أمين

الحمدلله على كل حااااااال

اهم شي ان البويضه تكون بين 18 و 24 فاليوم 14 من الدوره

اولا الله يرزقج ويرزقنا

الغالية انا برايي تبتدين تدرجيا احسن عن تكبيرنهم مره وحده

شهر بشهر

لا تكبرينهم مره وحده لانها لهم اضرار اعتقد ومثل ما سمعت

والله يرزقج وحجمهم يوصل الحجم المطلووووب

الله يرزقنا جميعا

ربي يرزقج الغلا ..,,~ صدقيني كل شي بيد لله .. , توكلي ع ربج .., أن شالله تكونين حاامل هالشهررررر ..,~

ولا تنسين ترقين عمرج وتكثرين من الاستغفار ,,’~

بالنسبه لي كانت حجم البويضات عندي صغير او بالاحرى مايصير عندي اي تبويض وبالتالي ماتنزل لي الدوره الا بعلاج فقط

وفيه دكتوره قصت عليه ووصفت لي ابر تنشيط بس ماخذتهم مع اني اشتريتهم وكانن غاليااااااااات وايد بس سبحان الله ربيمب رايد لي اني اخذهن وانتهت صلاحيتهن وللحين في الثلاجه خخخخخ

بس باماااانه من خذت الكلوميد عندي حجم البويضات حلووو ومناااسب جدااا للحمل بس ماصار والحمدلله
في كل مره اروح اجيك على الحجم احصل وحده يكون حجمها 21 والثانيه يكون حجمها 23 يعني حجمهن منااااسب وااايد وكل مره تنزل عندي بويضتين والحمدلله بس ربي ماراد اني احمل للحين… وهالمره اتريا لين يوم العيد عشان اروح اجيك اذا فيه حمل ولا لا وعسى خير يااارب

عادي حبيبتي ، انا اشوف ان حجم البويضة زين دام انج في اليوم العاشر ، خذي الابر وسوي الالتراساوند لحد ما توصل البويضة للحجم المطلوب ، وبعدها بتعطيج الدكتوره الابره التفجيرية ، ولاتحطين في بالج ان لازم اتكون البويضة في حجمها المطلوب في يوم 14 لان حالتج غير (يعني عندج نقص في هرمون التبويض ) فعلشان جيه البويضة تحتاج وقت لحد ما تكبر ،،

وان شاء الله اتبشرينا انج حامل ^.^

مرحبا خواتي

حبيت أسالكن الحين من 10 أيام خلصت عني الدوره

وينزل الحين عندي دم متقطع هل هذا انفجار البويضه والا يكون حمل
؟؟؟؟؟؟
ودمتم بخير

ربي يعطيج الي في بالج

ما عندي خبرة

السلام عليكم ورحمه الله وبركاته

خواتي عندي استفسار موترني شوي
ابا اعرف اذا وحد منكن صار لها شرات موضوعي واطمني
انا اخر دوره عندي كانت في 26/4
وهذا الشهر طاف موعدها وما نزلت بعد ما كملت خمس ايام من طاف موعدها سرت العياده
وقالتلي الدكتوره ان البويضة نازله لكن الغريبه ان الحمل مش باين
فقالت ان دورتي مش منتظمه لازم تصبرين 15 يوم وبعدها حللي
وانا اليوم كملت 7 ايام من طاف موعد الدوره واحس اني مستعيله ابا اعرف اذا نزول البويضه معناه حمل ولا شي ثاني
لما سألت الدكتوره قالتلي نزولها في الرحم معناه حمل وماله معنى ثاني

خواتي اتمنى انكم اطمنوني
وجزاها الله خير اللي بترد علي والله يطمن كل وحده محتاره

اختي ليش ماتسوين تحليل دم …اذا فيه حمل بيبين قبل موعد الدوره
والله يرزقج الذريه الصالحه يااارب

روحي عيااده ثانيه الغلا .. عسب ماتمين على اعصاابج ..ومراات يكون حمل بس مووااضح

وبشرينااااا

ربي يرزقج الذرية الصالحه ان شاء الله

لا تستعجلين انتظري موعد الدورة و حللي و ان شاء حامل

الله يرزقج الذرية الصالحة المعافية
ربي لا تذرني فردا وانت خير الوارثين

هلا خواتي كم حجم البويضة المناسب عشان تتلقح ؟
أنا رحت أراجع عند الدكتور قالت حجم البويضة مناسب وحجمها 22
كنت رايجه اتابع فترة التبويض .

اظني لازم تكون 18 وفوق

السلام عليكم ورحمة الله وبركاته

ماشاء الله حجم البويضة مناسب للتلقيح شدي حيلج بهالفترة (تعرفين شو اقصد
الحجم المناسب لتلقيح البويضة 18 وفوق

ربي يرزقج الذرية الصالحة السليمة المعافاة

انا الي اعرفه 17 او 18 مب اكثر
لانها اذا زادت عن هذا الحجم تتحول لكيس

ان شاء الله معلوماتي مب دقيقة و يكون حجم البويضة مناسب للتقليح

و الله يرزقنا الذريه الصالحه بكرمه وحوله و قدرته قريب ياااااااارب

اللهـــــــــــــــــــم آميـــــــــــــــــــــن

شدي حيلج (^^)

ان شاء الله يا رب تضبط معاج و تحملين

بالتوفيق اختي شدي الهمه

الله يرزقج يارب بالنوونووو

خواتي جزاكم الله خير محتاجه مساعدتكم هل حجم البويضة فوق 24 غير مناسبة للتلقيح فيدوني جزاكم الله خير؟؟؟؟ صار لي اتعالج بالكلوميد والأبر من ثلاث شهور وكل حجم البويضة توصل 24 أو 25 والدكتورة تقول لي ما راح تتلقح لان الحجم وايد كبير حد مر بنفس حالتي وشوو كان علاجها ؟؟؟؟ والدكتورة هل الشهر ما راح تعطيني منشطات شو رأيكم؟؟؟

الحجم المناسب من 18 ل 20 لو اصغر او اكبر ما ينفع ابد الله يرزقج بالضنا اللهم امين

كل شي بإراده رب العالمين والحجم الطبيعي للبويضه الجاهزه للتلقيح من 18 ل 28 هاللي اعرفه

الله يرزقج الحمل الثابت السليم

انا قالت لي الدكتوره حجم البويضه يكون 15 وفوق بس اخر حد ما عرفه اول مره اسمع منج
انهاتوصل 24 وفوق

الله يرزقج اختي ويرزقني ويرزق كل محرومه ان شاء الله

يمنك تحتاجين ابرة تفجيرية قبل ما توصل لحجم 24

الحجم المناسب من 18 لين 24

السلام عليكم ورحمه الله
سؤااااال :

شو الاكلات أو الاعشاب اللي تكبر البويضة بدل كلوميد

وعادي اكل الاعشاب مع كلوميد ام لا ؟؟

هل سمسم يكبر البويضه لاني سمعت فحبيت اتاكد منكم

اشربي عصير أناناس في أيآم الدورة

والله ما خلو شي ما قالوا عنه يوم الله يريد ما يبا ها كله الله كريم
الله يرزقج اختي

اشربي مرمية ويا مرقدوش من اول يوم في الدوره لين يوم 14
واكلي اناناس لين يوم التبويض انا شخصيا مجربة هالشي
والله يرزق كل محروم بالذريه الصالحه

حبوبه

مايفضل تاخذين شي مع الكلوميد لانه بروحه منشط

ولو تبين في اشياء وايد تنشط

الاناناس ،الميراميه ، المردقوش ، جوز الهند ….ووااايد في اشياء ثانيه

انتي توكلي على الله واستخيري قبل لا تاخذين اي شي

وعسى ربي يرزقج ويرزقنا بالذرية الصالحة يارب

وعليكم السلام ورحمه الله وبركاته

ربي يرزق الجميع ان شاءالله

فيتامين E يساعد على انتاج بويضه جيده .. من اول يوم للدورة اللين اليوم ال15 بس
حبه وحده في اليوم بقوة 1000

وحبه من الرويال جيلي .. من اول يوم للدورة اللين اليوم ال15 بس
الحبة بقوة 1500

*** كل حبة تنخذ في وقت .. يعني فيتامين E الصبح مثلا … والرويال جيلي المساء

والله ما عندي فكرة

البنات بيفدونج ويارب تكونين حامل

الله يسمع منج

ااااااااااااااااااااااااااااااااااااااااااب

انا مسويه دعاايه للمووقع

هذا اذا دخلتي تاريخ بداية الدوووره بيعطييج التاريخ التقريبي الذي تم الحمل فيه ^^

انشااله يفيدج ,,

ااااااااااااااااااااااااااااب

هلا بنات
اتمنى ردكم باقرب وقت
اخر دورة بدت تاريخ 2-10 و تاريخ 14-10 سويت فحص تبويض و كان حجم البويضة 8 مم ، طبعا الدكتورة حطمتني ع طووووول
لا قالت انطري كم يوم و عيدي ولا شي
قالت التبويض تعبان لازم تاخذين تنشيط الشهر الياي و مستحيل تكبر البويضة خلال هالشهر .. المهم باختصار عطتني قنبله
المهم السؤال الحين متى لازم اعيد فحص التبويض
؟ بكرة ولا اللي عقبه ولا السبت ولا !؟
لانه معروف البويضة ما تتلقح الا اذا وصلت 18 مم
(( رب لا تذرني فردا و انت خير الوارثين ))  

على حسب مدة دورتج الشهرية تقدرين تحسبين متى لازم تتلقح البويضة بس هم عادة يقولون في اليوم 14من اول يوم دورة

الله يرزقج الذرية الصالحة قدرة ربج فوق كلام الدكتورة

لا حول ولاقوه الا بالله

لا اله الا الله

الله يرزقج بلي تتمنينه يارب

الله يرزقج حبيبتي باللي تتمنينه ..
انا خذت منشط وحملت على طول من خلصت الدوره ..
بس ماعطتني قنبله ولا سوتلي تفجير !! هههههه دخلنا في سالفه عجيبه ..
المهم حبيبتي على حسب دورتج والله يرزقج بالذريه الصالحه ان شاء الله ..

الله يرزق الجميع إن شاءالله

جربي خلطة عين الجمل والمرميه وااايد أوكي

شو هاي خلطة عين الجمل ؟!
انا اعرف سويت اسمه عين الجمل يبيعونه مع البيتي فور و المعمول !!

نوع من المكسرات الجوز
اليوم الخامس من الدوره اللين اليوم التاسع تشربين كوب حليب دافي معاه معلقتين كبار جوز مطحون مع معلقة عسل الصبح وفالليل … والصبح تشربين ميراميه على الريق وبعدها بنص ساعة او ربع ساعة كوب الحليب والجوز والعسل بس الصبح …. فالليل بس كوب الحليب مع الجوز والعسل …. وباقي الايام من اليوم العاشر تشربين ميراميه مرتين في اليوم او مره اللين يوم التبويض عندج … وإن شاءالله بتحملين …. كذا احد اعرفه حمل عليها …. توكلي على الله وجربيها المره اليايه

متى يستطيع دكتور الاشعة معرفة حجم البويضة فى اى يوم من ايام الدورة ?

والدورة منتظمة كل 28 يوم

ليش محد يريد ……….

ما عندي فكرة الغالية والله يسهل عليج انشالله

بعد ما تخلص الدوره و المره الثانيه اظن في اليوم 12.او 13 او15

الله يطمنج

في اليوم 12 او 13 او 14

للرفع

——————————————————————————–
—استغفرالله—
—استغفرالله استغفرالله—
—استغفرالله استغفرالله استغفرالله—
—استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله—
—استغفرالله استغفرالله استغفرالله—
—استغفرالله استغفرالله—
—استغفرالله—

السلام عليكم و رحمة الله و بركاته

تاريخ النشر: الأحد 19 ديسمبر 2024
أبوظبي (الاتحاد) – يحدث الحمل اللاجنيني (البويضة الفاسدة) عندما تُنتج بويضة مُخصبة مشيمةً وأغشيةً دون تكوين الجنين، وذلك بسبب اضطرابات صبغية في البويضة المخصَبة. وتفسُدa البويضة المخصبة عادةً في الأسابيع الأولى من الحمل، وقبل أن تعرف المرأة أنها حامل.

وقد لا تأتي المرأة الدورة الشهرية بسبب هذه البويضة الفاسدة، كما قد تُجري اختبار حمل وتكون نتيجته إيجابية. ويحصل ذلك نظراً لأن المشيمة تُفرز هورمون الحمل “HCG”. وقد تطرأ على المرأة تغيرات وأعراض الحمل الأولى مثل الشعور بالتعب والإعياء وليونة الثدي. لكن عندما تتوقف المشيمة عن النمو ويتباطأ إفراز الهورمونات، تنحسر أعراض الحمل وتخف. وفي هذه المرحلة، يمكن أن تشعر المرأة بتشنج على مستوى عضلات البطن وبنزول بعض بقع الدم الخفيفة من الرحم. ويُظهر الفحص بالموجات فوق الصوتية في هذه الحالة وجود كيس حمل فارغ.

وتخرج هذه البويضة الفاسدة من جسم المرأة في فترة لاحقة عبر إجهاض يحدث بشكل تلقائي. وتختار بعض النساء الانتظار إلى أن يحصل هذا الإجهاض بشكل طبيعي، بينما تأخذ أخريات بعض الأدوية لتحفيز الإجهاض. وفي بعض الحالات، يُلجأ إلى إجراء عملية جراحية لإزالة الأغشية والأنسجة المشيمية من الرحم.

ويُعاود غالبية النساء محاولات الحمل بعد إجهاض البويضة الفاسدة ويُرزقن بحمل طبيعي وصحي. أما الحالات التي يتكرر فيها الحمل اللاجنيني كثيراً، فإنها تحتاج إلى إجراء فحص وكشف عند طبيب متخصص لمعرفة الأسباب الحقيقية الكامنة وراء ذلك لتقديم العلاج المناسب.

عن موقع “mayoclinic.com”

https://www.alittihad.ae/details.php?…#ixzz18ZJKs81S

مشكووووووووووره عالمعلومه

للرفع

مشكوره اختي على المعلومه

انا صار لي جيه وان شاءالله يعوضني بالحمل السليم
الف شكر عالمعلومه

مشكوره اختي على المعلومه

قريت الموضوع بالجريدة ….. وأنا صارلي جيه والله يعوضني بالحمل السليم الكامل يا رب