الوسم: التشيك

التشيك وبالذات مدينة براغ ومثل مايسمونها أهل البلد Praha عندي أحلى مدينة بالعالم هذا وانا زايرة مدن وايد….
روووووووووووووووووعة مدينة تصلح للعشاق فعلا
مبانيها كلها ملونة كأنها مدينة ألعاب
ساحاتها وبالأخص عند برج الساعة….كنايسها …..ونهر ال Vltava
والله ماعرف كيف أوصفها…
تجنن….
فيها ساحة أسمها جويش تاون شي من هالقبيل بالرغم من ان المنطقة يهودية إلا انها من اجمل الساحات…
بس حاسبي ترى التشيكيات جميلات وايد غطي عيون زوجك
وعلى فكرة هذا راي الأوروبيين بعد انها من احلى مدن اوروبا

أهم شي عندهم الكرستالات تهبل واسعارها جدا مناسبة
فيها محلات كبيرة تبيع الكرستالات
احنا اتشرينا منهم وعلى فكرة نوعيتهم ممتازة
ولاتخافي ماراح يتكسروا في الشحن كلهم وصلوا بسلام
…

وعندهم بعض الصناعات اليدوية الأخرى وتكثر عندهم القبعات الغريبة…

سلوفاكيا مافيها شي غير الطبيعة….والمصحات ونسبيا متخلفة
بالأخص المطار نكته خخخخخخخخخخ
ومايمشون شغلج غير ما تعطيهم المقسوم

بالنسبة لرومانيا عندي وحدة من أهلي تدرس طب هناك وتمدح في البلد وايد وشفت الصور حلوة وااااااااااايد والطبيعة روعة بس للأسف ماعندي معلومات كافية عنها…