السلام عليكم ورحمة الله وبركاته
خواتي حبيت احط هالموضوع نفييد ونستفيد فيه..واتمنى تنوروني بمشاركاتكم الطيبه..
من غسول لاندر وير لكيرفري او الفوط الصحيه اليوميه..
شو هو غسولج المفضل للمنطقة الحساسه..؟؟
طبعا هالمنطقه لازم يبغيلها عنايه ونظافه كامله..ووايد قريت عن تجارب خواتنا فالمنتديات عن نظافة هالمنطقه..
منهم من ذكر مسج الطهاره(الاسود)..ومنهم من قال احسن شي الماي والملح يعقم وينظف..ووحده من الخوات ذكرت عن اللافندر..((هاي عشبه اسمها اللافندر ولها اسم ثاني بعد بس عاد ما اذكره))
المهم تشترونه من عند العطارين واتحطونه فماي حار لين تطلع ريحته فالماي ويتغسلون فيه الحريم..وهاي الطريقه يسوونها فالمغرب..ومنهم من يكتفي بدهن العود بقطه ويمسحونها ع المنطقه من فووووووووووووووووووووق..
وشي وايد غسولات يبيعونها فالصيدليه بعد للمناطق الحساسه..بحط لكم الصور اللي حصلتها فالانترنت..
غسول الكيرفري بصراحه ولا مره جربت آخذه..
غسول سيتيل..هذا الغسول ريحته شرات ريحة ماي البحر وااايد حلو يعقم وينظف..بس عاد تميت استخدمه بعد الجماع وقبل الجماع واتأخرت فالحمل ويوم رمست حميتي قالتلي هذا لاتغتسلين فيه الا بعد الدوره ولا 3ولا4مرات فالشهر..لانه يجتل الحيوانات المنويهوانا حليلي على نياتي كنت اتغسل فيه اوونه نظاافه ههههههههههههه..ويوم وقفت عنه سبحان الله حملت..بس يعقم وينظف المنطقه واهم شي ماتستخدمينه وايد واذا قبل الجماع بفتره مب مشكله بس بعد الجمااع لااا تقربين صووبه..
سيباميد هذا عشقي..كنت ادمان على منتجاته من شامبو لصابون لكلينكس قبل لاعرس
وحاليا استخدم الغسول هذا واايد رووعه وريحته بعد حلوة..
وبعد شي غسول مال الديتول بصراحه ماجربته..بس ربيعتي وايد تمدحه وتقول ما آخذ غيره..
وطبعا الفوط الصحيه بعد الغسول ضروريه عشان الافرازات وغيره..وطبعا تتغير 3ولا 4مرات فاليوم..على حسب الافرازات اذا كانت تنزل وايد ولاشوي..
ودايما استخدم كيرفري..
والاندر وير من الافضل يكون قطن..
وطبعا الالتهابات احيانا اتكون سبب اساسي فتأخر الحرمه عن الحمل..وهذا اللي كان مأخر حملي للاسف لين اتعالجت من الالتهابات من عند دكتورة نساء ووصفتلي تحميله مهبليه..اتعقم واتنظف المنطقه..وتستخدم بعد الدوره على طول..
حصلت لكم موضوع كنت كاتبه فيه تجربتي عن هالتحميله لوحده من الخوات..
هذا هو رابط الموضوع وصورت فيها التحميله..
https://forum.uaewomen.net/showthread.php?p=17122262
وهذي صورة للي متعايزه تفتح الرابط>>>ادريبكن تبغن كل شي ع الجاهز هع..
اما بخصوص ازالة الشعر..اللي تستخدم الحلاوة ولها مشاكل طبعا(اتسود وتترهل المنطقه بعد)
وشي منهم يستخدمون الموس وهذا اللي الرسول صلى الله عليه وسلم وصى عليه(نتف الابط وحلق العانه)..بس مشكلة الموس بعد يسود ويظهر الشعر بسرعه ويلوع الجبد..وشي اللي تستخدم الليزر بنظام خصوصيه طبعا يعني اتسوي لعمرها واتكوون مرتاحه آخر راحه لاشعر ولاخرابيط..
يالله فيدونا بتجاربكن..عن ازالة الشعر..وغسولكن المفضل ومن الافضل ترفقونها بصوره احسن عشان الموضوع يكون متكامل وحلو وتعم الفايده للجميع
وفوطكن الصحيه وكيف اتخلين ريحة المنطقه حلوة ونظيفه..والترطيب بعد شي مهم..وكيف اترطبين المنطقه بكريمات ولازيوت ولاخلطات طبيعيه..
واللي عندها شي طبيعي احسن بعد حطي الخلطه اللي اتسوينها وكيف تستخدمينها وكم مره وكيف اتسوينها..