الوسم: الحضانه

شخباركم بنــات ..
الموضوع امبين من عنـوانه .. انا حاليـا حامل ببجر و المشكله اني اداوم و اهلي بعيد عنـي و للأسف ماعندي خيار غير اني بعد شهرين او ثلاثه احط طفلي فالحضانه .. دورت اقرب حضانه لي والحمدلله بس باقي استخير بعد الولاده وان شالله ربي ايسر ويسهـل ..
ادري وايد بنات بيهاجموني على هالشي وبيقولون ماعنددج قلب بس للأسف انا محتاجه الشغل وما اقدر استقيل واخاف من سوالف البشاكير ومشاكلهم ففضلت الحضانه المزوده بكاميرات اقدر اشوف فيها الياهل وقت ما ابا ..

والحين بغيت تجاربكم اللي دخلت ولدها او بنتها وهم بسن الرضع ..
كيف اول شي عودتيه على الحليب الصناعي متى عطيتيه بالضبط ؟
و اذا اانا ابا اشفط و احطه بمراضع و اطرشه الحضانه كم مرضعه اتكفي وكيف طريقة حفظ الحليب؟

و شو اتودون مع البيبي .. و عن ساعة الرضاعه هل تاخذونها الصبح والا نص الدوام والا اخر الدوام ؟

اللي عندها اي خبره او خلفيه يا ريت اتخبرني ولا تبخل علي .. وايد احاتي هالسالفه حتى احس صارلي هوس نفسي .. وايد احاتي بنتي كيف بتصرف وانا بجر ما اعرف شي ابداً ..

ان شالله ما بتقصرون ويـاي .. واذا الموضوع مكانه غلط ياريت من المشرفات ينقلونه للمكان الصحيح شاكره لكم ^_^

بنفجر من التفكير

المشاركة الأصلية كتبت بواسطة shaima_20

ان شاء الله حد يفيدج حبوبة
والله يقومج بالسلامة ان شاء الله ^__^
للرفع

مشكوره الغاليه والله يرفع قدرج دنيا واخره

المشاركة الأصلية كتبت بواسطة أسيرة الجفون

انااااااااااا مثللللللللللج والله

بنفجر من التفكير

ان شالله انحصل وحده مرتت بهالتجربه والله يعينا اجمعين

المهم عزيزتي. اانا ماعندي خبرة لكن بما انج مضطرة واهلج مب قريب وديه عند اه ل ريلج اذا كانو متعاونين اذا لا روحي شوفي الحضانة وستخيري ويارب خيررررر

بس لو انا مكانج قٌِلٌِبٌِي بينفجع على طفلي اتركه وهو رضيع ياختي انا ماقدر بس انتي مضطرة الله يقويج يارب

السموحه بس ابا كل امهات راااك يدشن ويمدحون في اي حضانه زينه للاطفال

ولدي عمره سنتين و10 شهوور وابا ادخله

بلييييز لا اتردووني واتزعلووني

بس حبيت ارفع لج الموضوع و إن شاء الله باقي الاخوات يفيدونج .,

وللرفع

خواتي ابغي اشياء تعلم بنتي الانها السنه الي يايه بتدخل المدرسه وحابه من الحينه اعلمها اشياء مثل :

الحروف الانقليزيه

شو الفرق بين الصور

شو الاكبر من الصور والاصغر

اتمنى حد يساعدني

وايد كتب في المكتبات.

ومحلات الأطفال فيها الألعاب اللي تنطق بالحروف.
وفي محل اسمه" التعليم المبكر" فيه كل شي، موجود في سبينس اللي في دبي.اتصلي البدالة وخذي فروعه الثانية.

والسموحة

اتحيدون يوم خبرتكم عم فوبيا ولدي من الحضاته واليهال في هذا الموضوع

https://forum.uaewomen.net/showthread…5#post36100365

امس وديت ولدي الحضانه وقلت بيلس وياه اليوم كامل المهم اول ما شاف الحضانه قالي نانه لااااااا يعني حضانه لا قلت له ليش ماما تم ساكت فقلت له بيلس وياك وما بنطول ويوم دشينا ولدي صار يرتجف كل جسمه كان الكهربا صاكتنه حتى خفت عليه وشليته وحضنته بقوه ودخلت الصف وحصلت المعلمه الي كانت وياه اول يوم فقلت لها وين المدرسه الي كانت ويا ابني ثاني يوم قالت طالعه رحله خبرتها عن ولدي شو استوا به وهي شافته منغيرر ومتروع وميود عباتي يلست ارمس وياها واحاول ويا ولدي اخليه يلعب لين بدا يلعب بالالعاب بس وهو عدالي كان خايف يبعد عني واذا بغا يلعب لعبه بعيده عنه يسحبني من ايدي عشان اسير وياه المهم
ما اخذت شي من المدرسه الاوليه عقب يت المدرسه الثانيه من الرحله وتمت اطالعني وعقب يت المديره وسلمت علي فقلت لها بخلي ولدي عند المدرسه االاولى قالت لي المدرسه الولى اهلا وسهلا يت الثانيه وقالت لي انتي ام فلان قلت لها هيه قالت ولدج ما بينطاق مشاغب وحرك كنير وبكاي الصراحه متل ولدج لاتيبنه اكثر من ساعه لانه لا يحتمل قلت لها عيل اذا لا يحنمل ليش ما اتصلوا فيني فقالت مو مشكله قلتن بحاول اربيه فقلت لها ولدي من يوم ما روح من عندج لين يومنا هذا وهو مب طبيعي وخبرتها كل شي قالت لا عادي يمكن دلوع وما صار لو شي المهم كان اسلوبها مب حلو وهيه ااترمسني وحسيتها جدابه ا قلت لها ضربتي ولدي قالت لا ابدا

المهم رديت عند ولدي اجوفه كنت خايقه عليه سبقتني على صف ولدي ومادري شو قالت حق المدرسه الاولى وضاربن قلت لها شو السالفه قالت لا احنا هيك ديما نتخانق وحصلت ولدي مندمج ويلعب مع اليهال وشفت الامور اوكي قلت بغيب عنه وانا طالعه قلت حق المديره عن المدرسه الاولى تشتكي من ولدي فقالت لي انا مو فاضيه بدي اطلع, فانا طلعت من الحضانه ورمست ريلي قثلت له انه الاولى قالت لي عن ولدي مساغب ولا يحتمل ………..فريلي عصب قال لي اكيد هي امسويه شي بالولد قال لي اذا رمت اطلع من الدوام بتصرف وياها فانا رديت الحضانه عقب اقل من ساعه وطلعت لي المدرسه الاولى فرمستني باسلوب لطيف وقالت لي ولدج بيضرب الاولاد بس هو تعب لانه افتقدج قثلت لها انا مب مصدقه ولدي انا اعرفه ومن ناحيه الضرب مستحيل يضرب وما يعرف يضرب دوم اليهال يضربونه وهو ما يضرب فحاولت تقنعني انه ولدي مب زين فقلت لها بسير اشوف ولدي وحصلت ولدي اوكي ويالس ويا اليهال يلعب بالعجون ولما دخلت يلس يرواويني انه هو يسوي اشكال واخذتني المدرسه الاولى على ينب وقالت لي انا عاوزه اقل شي واريح ضميري بس بالذمه لا تخبري حد اني قلتلج لان بسو لي مشاكل قالت لي المدرسه الاولى كانت اتعامل ولدج واولاد الناس بعنف وتصرخ عليهم شرات الميانين وصوتها يسوي يزلزال في الصف وما تبا البهال يتخركون ما نتهتم انها اتعلمهم بس كله صونها طالع فقلت لها ضربته قالت ما ادري اذ1ا ضربته بس هي هزبته وايد وكل اهالي الاولاد الي عندها يجو يشتكون شراتج وتقلهم ابنكم او بنتك تضرب ومشاغب نقس الكلام الي قالته والمديره تتستر عليها لانه من جنسيتها ومعارف والمهم يلست ساعنين هي اكلمني عن معاملتها قالت لي اشتكو عليها عشان عالاطفال الغلابى في يبهال اعمارعم سنه ما يعرفون يشتكو لاهاليهم حرام انا قلبي معروني عليهم وغير جي الاهالي بيدفعوا فلوس بيفتكروا انه اولادهم مرتاحين وما يعروا ازاي بتعاملهم بعنف قاتصلت بريلي وخبرته فقال لي ردي رممسي المدررسه الاولى قلت له اتحاول باي طريقه انها انها اطلع ولدي مب اوكي قال خلاص الاحد باي وبغسل شراعها هي والديره وبخبر المديره اذا تمت هالمدرسه في الحضاته ما تلوم غير نفسها يالسه تؤذي بعيال الناس ………..

شو رايكم عندكم نصايح قبل يوم الاحد اتقلونها

يوم بتواجهينها ..قوليلها انه ولدج اعترف وقال انه خايف عشان هي تعاملهم معاملة سيئة وتصارخ عليهم
وعشان جذيه ما يحب الحضانة ..

وسيري عند المديرة وقوليلها انها المفروض تحل المشكلة لأنكم تدفعون بيزات
مب يالسين يتصدقون عليكم !!!!!! فالمفروض يكون المستوى أفضل من جذيه ..

وهددي المديرة انج بتشتكين عند الوزارة لأنهم سببوا عقدة نفسية للولد ..

بتشوفين كيف بتتصرف !

لأنه الأيام أثبتت لي صحة المثل اللي يقول :

"في ناس تخاف ………………………ما تختشيش"

بس اذا راويتيهم العين الحمرا بيصطلبون …لكن اذا ييتيهم بالزين ..للأسف ما بتلقين حل !!

حضانة بك بن وااايد اسمع عنها زينة ويمدحونها

بس سن ولدي صغير
يعني صح الحضانة يتعلمون اشياء زينة ومفيدة

بس بعد يتعلمون الشطانه
وهذا وااايد كان مرددني اني اخذ عيالي وهم صغار

حرام ولدج صغير خلية يرتاح في البيت عندج وجدام عيونج

ولاحقيين على الحضانة

انا ولدي الحين بدخلة على طول كجي 1

قلت حرام صغير

فيه بعض الابناء ما يتحملون وما يقدرون يستوعبون نظرا لصغر سنهم

واذا عن التعليم انت تقدرين تعلمينة في البيت

والمشكلة ان هذا السن ياخذ كل شيء يشوفه جدامة

يعني بيتعلم اشياء شينة كثير من اليهال اللي حوالية

والله يكون في عونج

اذا بوظبي انصحج حضانة طيور الأمل

في يوم من الايام وديت ولد اخويه الصغير الحضانه وكان اول يوم…المهم دخل صفه وانا يلست اكمل اجراءات التسجيل عند المسؤوله…..ورن التلفون

فردت المسؤولة عليه والظاهر ان حد من الامهات تسال عن ولدها
تخيلوا ردت عليها المسوله وقالت لها هو بخير مع انها ما شافته وانا كنت اكثر من نص ساعه عندها
بصراحه انصدمت من المسؤولة وشليت ولد اخويه وطلعت

ياااااااا رب

تقول مرت اخوي
ان بنتها في مدرسة الزهور في الشارجة
المدرسة تقول لها يا حيوانة
الله يبعت لك حمى
شو تتحرى عمرها اسجل مسلسل

انقهرت
وقلت روحي اشتكي عليها
حتى لو ما تقول لبنتج
بس علشان تتادب

احنا نعلم عيالنا في البيت ما يسبون ولا يقولون كلام عيب

والمدرسات يسبون

الله يهدي الجميع

بغيت اعرف عن خبراتكن في الحضانه…

حطيت عيالي كمن شهر وبعدين نقلتهم حضانه (هنديه ) بس نظيفه وراقيه والله استفادوا اكثر بس طبعا تميت ادور وادور حضانات ليما ارتحت لهاي الحضانه …

والله يوفقج