الوسم: الحمرا

هلا حبااااايبي هلا . . اصبروا خلوني أسلّم بدلع ،
شحااااااااالكم ؟ <—- وع لا تعيدينها
(
)
(
)
يوم الجمعة سرنا راس الخيمة . . أول مرة أسيرها
وواااااااااايد حبيتها <—- عثرة ! انتي لحقتي ؟
بتنا في فندق شاطئ ومنتجع قلعة الحمرا ، الفندق 5
نجوم وسعره وايد حلو ، عبارة عن شاليهات ، وكل
شاليه طابقين ، في شاليهات تطل على الحديقة ، وفي
شاليهات تطل على البحر . . نحن كنا حاجزين اللي تطل
على الحديقة بس يوم يينا قالوا شي على البحر ، لازم
يخلون الواحد يطلع مهاراته حتى لو ما يبى
(
)
(
)
نبتدي الأكشن ؟ سوري حبايبي التصوير يمكن
مب واضح وايد . . تصوير موبايل 5 ميغا بكسلز !
وما قدرت أصوّر كل شي ، هاي بعض الصور . .
(
)
(
)
عقب ما خلصنا اجراءات الدخول . . يتنا سيارة مثل
سيارة الجولف ودتنا لين باب الشاليه . . ركبت وأنا
عندي إحساس إني في هاليوم شادية ، جان أيلس
أدندن : سووووء على مهلك سوووووء سوء على
مهلك سوووووء . . بس قبل لا نوصل بشويّه . .
السيارة اختربت <— هذا وأنا أدندن بس ،
حلفت ما أنزل . . واللي يسوق أونه : في مشكلة في السيارة !
وأنا أقول في خاطري : مشكلة ولا قنبلة . . مب نازلة
<—- وشووووء على مهلك سووووء
(
)
(
)

وهذا الشاليه من برع . .~

رقم الشاليه . .

أول ما تدخلين الصالة في الشاليه . .

الدري اللي يوديج الطابق الثاني في الشاليه . .

باااااب غرفتنا في الشاليه <—- أقول لاعت جبودهم الجماعة من كثر ما قلتي الشاليه

(
)
(
)
يُتْبَع . .~

)
(
)
(
هنيه أول ما تدخلين . .

ملاحظة :-
في الغرفة سريرين لأنهم ما لقوا سرير واحد !
بس نفع . . فرّينا عليه الصغيروني

وايد أحب الزوايا الدافية . . جني أوبرا <—- شو السالفة ؟

وهنيه البلكونة . .

حياتي . . ولدي فديته . .

غربل اللـــــــــــــــه الانجليز . . مستفيدين من كل شبر في هالبلاد !
إذا بحر . . عاااااااافدين . . إذا رمل . . يااااالله يموتون عليه . . حتى
الثلج ما سلم منهم ! <— هيه عندنا ثلج . . في مول الامارات

)
(
)
(
يُتْبَعُ . . ~

)
(
)
(
على المسا . . ظهرنا نتمشى شوي . . المكان يخبببل
في الليل . . فعــــــــــــــــلا اللي حابة تسير تعيش ليلة
رومانسية هادية . . أنصحها بهالمكان . . وتاخذني
وياها عشان أشرح لها يعني
)
(
)
(
حوض السباحة . . على فكرة عندهم أكثر من واحد ،

على اليسار هاي صالة رياضية . . مسوينها مجابلة
المطعم . . عشان اللي يلعب رياضة يغص من القهر

يلسنا هنيه . .

كان بوفيه هندي . . وهاي ويبتي . .

)
(
)
(
سامحوني على الصور ما قدرت أنزلها كلها ،
المكان هادي وايد بس كله أجانب ، كنا نحن
بس المواطنين الوحيدين ، ما قدرنا نيـلس أكثر
لظروف خاصة انجبرنا نرد دبي ثاني يوم

لحظة . .
مب جني نسيت أحط صور الحمام عزكم الله ؟
أحط أحينه ؟ <— لأ خلاص خليها العيد الياي
)
(
)
(
يالله تشاوات حبايبي

يــــــــــــــــــااااا سلام … والله المكان شكله مريح << محد قالج تحلفين ..

حسيت بالدفااااااااا بذات الالواااان صدق ناااااااااااااايس .. إن شااء الله

أنسيــــــــــــــــــــرله .. واحين يااايه إجااازه ممله .. جان حصلناااا حجز عاد

أنزين .. ما شرحتــــــــــــــــــــــي عن الحوض ..؟؟ يعني يستوي أبقبق << محلاتج يابطه ..

..و لاااا يكشف ع الشاليهاااااااااااات .. ؟؟ يعنـــــــــــــــــــــــــــي .. ؟؟ ..<< ما يخصهااا علامة

الاستفهااام .. صح ..

الله يسعدكم طــــــــــــول العمر غناااااااااتي .. ويخليلكم الحبوب فديت ريوله ..

ماشــاء الله اول مرة اعرف عن هالشاليهات .. حمستينا الصراحة
المكان عجيب وهادي …

فديت الشيوخ والله حبيه .. ربي يحفظه لج يارب

ادعيلي ^^ <<< الاخت محمومة

الغالية كم الليله؟