الوسم: الحمل؟؟

السلام عليكم و رحمة الله و بركاته ….
اخواتي اعصابي تعبانة وااايد و كارهة نفسي و السبة ها الحقن..
انا والدة من 6 اشهر بعملية قيصرية و هاي الثانية..و اللي عقب بيكونون بعد بقيصرية..
عشان جي كنت محتاجة طريقة لمنع الحمل على الاقل لمدة 3-4 سنوات..و بغيت شي ما يعور الراس وايد فخذيت ها الحقنة اللي هي لمدة 3 اشهر.. و الله لا يراويكم عصبية زايدة و غضب فظيييييييييييييييييييييييييييييييييييييييع جدا و انا كنت اظن اني باقدر على الاثار بس
لا اله الا الله حالة مو طبيعية و اللي قاهرني الطريقة الي اعامل بها ولدي جني ابا اضربه 24 ساعة على اي دقة…و ها الشي خلاني اكره عمري…كنت بادية بالمرامية عشان تهدي اعصابي بس طلع انها تنشف الحليب!!!!
فالي عندها خلفية عن الموضوع يا ريت تساعدني او على الاقل حد يخبرني الين متى تستمر ها الاعراض؟؟..و لكم مني دعوة الله يوفقكم لا تخلوني على ها الحالة ….
اختكم

لا الله يخليج بلاها هالابره

امي تقول انها مب زينه تسبب عقم

الله يهديج اختي انتي مادام خذتيها تحملي النتيجه

حرام عليج الولد ماله ذنب

احمدي ربج واستغفري وادعيه يخفف عليج وحطي في بالج انه كل شي لج عليه أجر

الغاليه … اشربي كل ليله قبل لا تنامين او اول ما تصحين شاي البابونج .. متوفر في السوبرماركت .. و انا انصحج بماركة twinings لانها طبيعيه … حطي كيس الشاي في كوب و صبي عليه ماي مغلي و حليه بسكر اذا ترغبين … خليه 5 دقايق و اشربيه … و شوفي كيف بتهدا اعصابج ….

اختي اذا خذتي هالابره عن طريق دكتوره الافضل تراجعينا وتخبرينها عن الحاله اللي تمرين فيها يمكن عندها حل

بس بعض الاخوات يقولون ان الوحده بعد الولاده نفسيتها تتغير يعني تعصب وغيره يمكن من هالشي!!؟

الله يعينك يارب
انا اخذ حبوب منع الحمل وحسيت انها تسوي عصبيه فعلا وحاسه نفسي ابي اتهاوش واسوي مشكله مع زوجي بسبب وبدون سبب

مشكورات خواتي…و ترا ها اول مرة استعمل ها الحقنة فما كنت انها بتاثر علي بها الشكل…و انا من اول يوم استغفر و ادعي الله يسهل علي..و لو مو حاسة باللي اسويه جان ما طلبت مساعدتكم فديتكم خواتي…و يعلم الله شكثر حاسة بالولد في قلبي و بعدين انا قلت ابا اضربه يعني مو قاعدة اضربه!!
اعصب عليه بس ايود عمري عشان ما اقوله شي بس احيانا اصرخ عليه يوم احس اني خلاص ما استحمل…و ارد اراضيه و ابوسه …
barkosha مشكورة غناتي و الحين بسير بييب ها الشاي ان شاء الله استفيد منه….

بنات ممكن تساعدوني ابي عشبة الميراميه

واايد اوكي يساعد على كثره التبييض و بالتالي يستوي حمل

اللي تعرف وين ينباع تقولي؟؟

عند العطارين وبعد في الجمعيات

ان شاء الله بتي يوم 20 الشهر

ربـّي..! آكتبّ ليّ فيْ آيآميّ آلقِريبهَ آلقآدِمهٌ
فـرحّه.. تغَير بهّآ مجـرى
حيآتيِ للآبدّ ….

للرفع

كيف يحسبون اسابيع الحمل؟؟

يعني من أول يوم للدورة أو آخر يوم للدورة؟

وجزاكن الله ألف خير

انا ماااعرف
ان شاء الله يساعدونج

من أول يوم أظن

من اول يوم للدوره

انا بقولج….. مثلا إنتي أول يوم لآخر دورة كان 1/1/2017 بعد هاليوم إحسبي 8 أيام يعني 9/1/2017 تبدين أول إسبوع ويكون هذا تاريخ بداية كل شهر تقرييييبا.
وأسابيع الحمل تكون من أول إسبوع لرابع إسبوع هذا شهر
8 أسابيع شهرين
12 ثلاث أشهر
16 أربع
20 خمس
24 ست أشهر
28 سبع
32 ثمان أشهر
36 تسع أشهر لين ماتخلصين 40 إسبوع تكونين خلصتي التاسع
هذا إلي فهمته من الدكتوره وهذا إلي انا أمشي عليه بحملي

الكلام اللي فوق صح

عفوا بس اذا خلصنا 36 اسبوع يعني خلصنا الشهر التاسع عيل من وين يت باقي الارببعة الاشهر لين نكمل الاربيعن ؟ مب بهذي الطريقة نكون كملنا اكثر من تسعة اشهر ؟

السلام عليكم

بنات بسألكم في حبوووب تساعد عالحمل غير عن الكلوميد؟؟ يعني فيتامينات او منشطات او اي شي

بليز الي تعرف تخبرني والا ماتعرف تدعي لي

وحده الله يذكرها بالخير كانت تبغي تحمل ونصحتها دكتورتها تاخذ حبوب فولك اسد بعد ماتخلص من الدوره
وتاخذه يومياً وبنتظام والحمدالله الله كتب لها الحمل ..

الله يرزقج الغاليه بالذرية الصالحه ويرزق كل محرومه يارب العالمين ..

اكثري من الاسغفار

الله يرزقج الذرية الصالحة

الفوليك اسيد

اختي شوق العشاق’ أنا جربت الفوليك أسيد بس ما نفعني بروحه , وعن تجربة شخصية, بعد تأخر في الحمل قريت في كتاب شريته بالنت عن مجموعة فيتامينات, و تاخذينهم بجرعات محددة لاتزيدين و لاتنقصين فيهم, و خذتهم بس لمدة شهر أيام دورتي ,, و الحمدلله كانت آخر دورة لي ,, و الله وفقني و حملت,, بكتبلج اياهم و انشاءالله خير:

Vitamin E و الجرعة 400 IU
Vitamin C و الجرعة 1000 milligrams
Vitamin A والجرعة 10,000 IU Beta (مش أكثر والا بيضر)
B Vitamins و الجرعة :
B6 : 50mg – 100mg per day; B12: 1000 mcg per day; B-complex: contains 50mcg B12, 50mg all other B vitamins
Zinc و الجرعة 50 mg
Selenium و الجرعة 50-200 mcg
Folic Acid الجرعة 400 mcg (مش أكثر)

———————
يمكن تشوفينهم وايد بس صدقيني بفايدة ,, وماتضر أبدالآني سألت دكتورتي,, انتي سألي دكتورتج اذا تبين
والله الميسر .. بشريني عقب

احيده بس الفوليك اسيد
وهذا يحمي الجنين من اول ما يصير الحمل بالرحم
الله يرزقج ويرزقنا جميعا يا رب

حبي مب شرط
انا حليلي داشه بالسادس
ازيد كيلوين وارد انقصهن

احين 58
وساعات 57
وارد اصعد 58

كله ع حسب الجسم

هلا الغالية اانا زدت وزني 11 كيلو ؟؟؟؟ وللحين وزني واصل 64 من 70 يعني من ال11 نزلت6 بس والحمد لله عاجبني وزني

مب شرط في حريم مايبين عليهم المتن فترة الحمل غير ف منطقة البطن .. وفي منهن يزيد عندهم الوزن بشكل كبير مابين 6 الى 10 واحيانا يزيدن 20 كيلو على حسب طبيعة الجسم ..انا عن نفسي زاد وزني ف حملي الاول 6 كيلو والحين في حملي الثاني زاااد 10 كيلو تقريبا ماشاء الله واحس بثجل هالمرة بس لاتحاتين زيادة الوزن هذا سببه وزن الرحم ووزن البيبي ووزن المشيمه وغير المااي المتجمع في الجسم هو اللي مسبب هالمتن وغير وزنج اصلا ..

اهم شي اتحافظين على وزنج لين الله يكتب لج الحمل

لان العروس في العاده يزيد وزنها اول سنه

الله يرزقج و يرزقني

بخصوص الزياده خلال الحمل الحريم ما بيقصرن (^^)

انا الحين في الثامن قبل الحمل كان وزني 60 ويوم وصلت نهايه السادس صار وزني 67 وبعدين نقصت في السابع ونزلت حتي 64 والحين زاد وصار 65

انا بداية حملي نزل وزني و انا الحين في اخر الشهر الرابع .. و زايده 4 كيلو تقريبا .. انا كنت احاتي ليش وزني ما يزيد ..و حاولت اكل اكثر من اسبوعين .. لاني في موقع على النت .. يخبرج بكل اسبوع كم لازم يكون وزنج .. عشان يكون ضمن الطبيعي ..
كنت ابا اعوض ايام الوحام .. ما كان شي يتم في بطني حتى الماي ! و لا كنت اقدر اخذ حبوب الحديد ..يلوعن بالجبد ..بس الحين اكل طبيعي .. مثل قبل الحمل ..

أختي أنا كلت حبوب هرمون الحليب خلال أسبوعين كل أسبوع حبتين وحملت بنفس الشهر ..
والحمدلله الحين هذا شهري وبربي أدعي لي الله يسهل علي ..

الله يرزقج الذرية الصالحة يارب…. ويرزق كل محرومة يارب…

استخدمتها قبل سبع اشهر تقريبا حبة كل اسبوع
اربع حبات
والحمد لله الحين انا حامل

انا بعد كنت استخدمه قبل الحمل ..

أنا بعد استخدمته قبل ما أحمل بشهرين حبتين بالأسبوع لمد أسبوعين

ماشاء الله ربي يتمم حملكن يارب وتقر عينكن بشوفه ضناكن

وان شاء الله اطلع حامل يارب العالمين
لاني اخذت منه حبتين بس

اشحالكن؟
لوسمحتي انا عندي خطوط حمرا بمنطقة الصدر بسبب الحمل؟
ياليت حد يخبرني كيف اتخلص منها؟
السموحه

مابعرف الحقيقة

ان شاء الله البنات بيفيدوكى

انا بعد
حامل وعندي هالخطوط..
بس قالولي إنها ما تخوز
مع الوقت يستوي لونها بني
بعدين ابيض
ومالها اي علاج!!!!!!!!!!!!!!!

حبيبتي انتي اول ماتحملين المفروض تدهنين هالاماكن مع البطن بكريم مرطب او زيت

لان المنطقة تكبر والجلد يشد ويصيبه جفاف ولازمه الترطيب عشان هالخطوط ما تطلع

يوميا ادهني جسمج بشي يرطب

عندج مثلا زبدة الككار ماركة بالمرز اتوقع

و كريم جليسوليد

او زيت لوز

المشكله ان الخطوط ما تخوز بس فيه كريمات تفتح من لونها

غريبه كيف الخطوووط في الصدر عيل انا في ني على جوانب بطني وشكلها بصراحه مقرف ساااااعدوووووووووني

انا هذا اول حمل لي و ما اعرف اني لازم ادهن صدري بهالكريمات ، و خصوصا ان بحملي ياني الجدري و الكل قالي لا تدهنين جسمج بشي حتى الاشياء الطبيعيه لانها تاثر فخفت يعني اذا الفواكه والخضراوات (اشياء طبيعيه) بتاثر بالحمل كيف الكريمات

ساعدوني بليز يمكن شي حل

وكل ال ردن مشكورات