الوسم: الدوره

وايد نقرى قصص بنات ما يعرفون يتصرفون و ينحرجون يوم اتييهم الدوره

يوم بنتج اتييها الدوره جهزي لها هديه عشان تاخذ الموضوع بهدوء وما تتضايق

الهديه ممكن تكون :

– بجامهات
– ذلاغات
– طقم شور ( شور جل – لوشن – بودي سبرس)
– مكينه حف الشعر بناتيه
– مطاره كيوت للماي الحار
– مق تشرب فيه اشيا دافيه
– كتاب فيه سوالف عن الدوره
– مناكير

كنت مجهزه صور بس للاسف ما عرفت احطهم

والله فكرة حلوة ………. عمري مافكرت بهالشيء … صح ممكن يخفف الاحراج عليها

لوووووول اتذكر لما جاتني كنت بريئه امي مشت الموضوع …بس قالت لي هذه تصيب البنات كلهم … وانا صغيره قلت اوكي وصرت البس اولويز ومشت الامور… خخ ايام الناس الطيبه

الحين لا ….كل شي تغيير لازم تسوين لهم سالفه عوووووده!

السلام عليكم والرحمه

عندي سؤال وياليت حد منكم يجاوبني اذا حد مر بتجربه شراتي

من اربع شهور والدوره تييني مرتين فالشهر … يعني كل 13 يوم تشرف هالدوره …
وتكمل اسبوع واتعبني وايد يعني اهلك مرتين هب مره !!!

انا عندي ولد واحد وكنت استخدم حبوب منع الحمل للرضاعه بس الحين من ودرتهن كملت شهرين وللحين نفس الحاله ماشي تغير

للرفع

بسبب الحبوب وتاثيرهن
ولا الدوه تدور حمل

كيف يعني الدوره ادور حمل؟؟؟
يعني عادي احمل والدوره تيي مرتين؟؟

انا السنه اللي طافت وهالسنه يتني مرتين في الشهر…
ايام متقاربه يتني بعد ماطهرت باسبوع بعد يتني استغربت ؟؟؟يوم سألت الدكتوره قالت هذا دم جديم ومتيمع ونزل ؟؟

انا جي صار معي وحملت

للرفع

صباحوووو للجميع ^_^

مثل ما الكل صار يعرف انا طبيبه عائله في هيئه الصحه في دبي.. واداوم في وحده من عيادات الهيئه.. و داايما تلاقون اجوبتي الطبيه ع استفسارات العضوات في مختلف الاقسام .. هذا لاني اعتبر العلم البسيط اللي عندي امانه ولااازم افيد الناس منه ^_^

المهم..

اللي خلاني انزل هالموضوع اليوم.. أنه فيه عضوه نزلت موضوع تقول انها حامل وينزل عليها دم.. وواضح جدااا انها يالسه تجهض.. بس تفاجات بعضوات الله يذكرهن بالخير كاتبين ردود" عادي حبيبتي هذه دوره.. فيه حريم تنزل عليهم الدوره وهي حامل"! "واعرف فلانه وعلانه حملوا ونزلت عليهم الدوره 4 شهور او 9 شهور!!"

انا اول ما قريت هالردود انصدمت!! كيف حامل واتييها الدوره! هذا يخالف المنطق والعقل.. فقلت لو شرحت الموضوع كرد في موضوع العضوه ممكن يضيع.. فبنزل له موضوع مستقل ^__^

قبل لا ابتدي احب اقولكم انه اللي بكتبه هني هو بعد بحث في مواقع طبيه موثوقه+ سؤال اطباء نساء وولاده في عيادتي.. يعني ما اعتمدت ع العلم البسيط اللي عندي.. لانه الانسان ما يملك كل العلم.. ورحم الله عرف قدر نفسه.. قلت يمكن يستوي وانا مادري فسالت ذوي الخبره ودورت..

حبيباتي اول شي لازم نعرف كيف تستوي الدوره الشهريه..

ببساطه كل شهر الهرمونات الانثويه الي في جسمج تحفز نمو البويضه في المبايض.. ولما تنضج البويضه تطلع من المبيض وترتحل باتجاه الرحم..في نفس الوقت الرحم يبني بطانته عشان يتجهز اذا صار فيه حمل.. فيكون فيه بطانه ثجيله تقدر تمسك البويضه المخصبه..

في حاله ما فيه حمل فالهرمونات اللي خلت بطانه الرحم تكبر توقف فجاه فتنفصل بطانه الرحم هذه و تنزل كدوره..وطبعا عشان ينزل الدم لاازم يكون عنق الرحم مفتوح والا كيف بينزل الدم؟؟

انيي لحاله الحمل.. بعد ما تلحقت البويضه و انغرست في الرحم .. الهرمونات اللي سببت التبويض توقف فجاه مثل حاله الدوره الشهريه.. بس الفرق انه فيه هرمونات ثانيه تفرز ع طول عشان ينمو الحمل ويغرس نفسه في بطانه الرحم اكثر عشان ما يستوي الاجهاض..

وطبعا يكون عنق الرحم مسكر عشان ما يطيح البيبي.. والا لو انفتح بيتسبب في الاجهاض..

انزين فانيي الحين للخوات اللي يقولون دوره + حمل..

اولا.. ما فيه تبويض اصلا في الحمل.. فمن وين بتيي الدوره؟؟ لانه مثل ما قلنا الهرمونات اللي تسبب التبويض توقف.. ولو ما كانت توقف كانت بتستوي لخبطه في الجسم.. تبويض وحمل ..وهالبويضه وين بتروح؟؟ معناها الحرمه ممكن تحمل ع حملها.. يعني هي حامل و ترد تحمل مره ثانيه لانه فيه بويضه.. وبعدين كيف بتربي؟؟؟ بيكون فيه اكثر عن حمل في نفس الوقت وكل واحد له عمر مختلف..

ثانيا.. وين بطانه الرحم اللي تنفصل عشان ينزل دم الدوره؟؟؟ اذا الجنين مغروس في البطانه عشان يتغذى و يثبت الحمل.. عيل الدم من وين بيي؟؟؟ اذا بينزل دم الدوره معناها البطانه انفصلت ومعناها الجنين طاح!!

ثالثا.. اذا افترضنا فيه دم ودوره .. المفروض عنق الرحم مسكر عشان ما يطيح الحمل.. فمن وين يالس ينزل الدم!!

فيه حاله وحده فقططططط ممكن الحرمه تكون حامل وينزل عليها دم الدوره.. وهي اصلا حاله نااادره والحمل معاها اصلا صعب جداا.. الا وهي " الرحم الثنائي القرن".. اسمحولي الترجمه مالتي تعبانه.. يعني الحرمه يكون عندها رحم مقصوص نصين.. ففي واحد يستوي حمل وفي الثاني تستوي التغييرات الشهريه .. فتنزل عليها الدوره.. بس ارد واكرر هالشي واايد نادر..

خواتي.. فيه اشياء نفكر فيها بالعقل والمنطق.. قبل لا ناخذ ع رمسه العيايز الله يحفظهم و رمسه فلانه وعلانه. واللي بتقولي هذا اسمه " دم غزلاني".. حبيبتي ما فيه شي اسمه دم غزلاني.. هذه خرافه تناقلوها العيايز.. واللي بتقولي فلانه ينزل عليها دم طوول الحمل.. اقولج اولا الحريم وااايد يبالغون وهذا من تجربتي كحرمه اولا و كطبيبه ثانيا.. الموضوع يكون بسيط والحرمه تهووول الموضوع وااايد.. هالحرمه اللي تقولج نزل عليه دم دوره طول الحمل.. اولا بيكون عباره عن نقط دم واللي نسميه " اجهاض مهدد" يعني الحمل مالها مب ثابت وايد فتنزل عليها هالقطرات.. ثانيا واايد حريم تنزل عليها هالقطرات والبيبي الحمد الله ما فيه شي.. لانه البيبي يثبت عمره في الرحم عدل وممكن يتسبب في هالقطرات.. بس انه يكون كدم الدوره يعني نزيف! لااااااااااااااا اسمحولي.. وانا واثقه من كلامي 100 بالميه.. واللي صج تعرف وحده حامل و ينزل عليها دم الدوره دخييلكم تطرشها عليه.. ابي اشوف بعيني.. لانه وااايد سمعت اشياء يشيب لها الراس من الحريم.. ولما شفت بعيني ما ايي ربع اللي وصفوه..

فخواتي اتمنى تكون وضحت النقطه.. رجااء فكروا بالعقل والمنطق مره ثانيه.. كلنا دارسات وفاهمات.. ومب لازم نكون طبيبات عشان نعرف شي بالمنطق.. درسنا ايام المدرسه كيف تستوي الدوري .. فبحسبه بسيطه نعرف انه الدوره والحمل مستحيييل..

والله الموفق..

يزاج الله خير

مشكورة اختيه ع معلومات صدق والله الحينه فهمت كل شيء لان يوم كنت حامل في شهر ثاني نزل عندي دم عطول رحت مستشفى ودكتورة خبرتني اجهاض مهددواذكر انها قالت ريحي ظهرج ولا تتحركين وايد انصح كل حامل اذا نزل عليها دم عطول تسير مستشفى وما تخبر حد لان بس فالحين بالتخويف اونه عادي دورة الله المستعان يزاج الله خير صدق موضوع مفيد:

يزاج الله خير
فديتج زين ما طرحتي وفعلا انا ما معرسه بس استفدت

وايد قريت معظم الخوات كاتبين هالردود فعلا ايلس افكر اقول معقوله حامل واتيها الدوره ف المدرسه قالوا ماتيها

ومشكووووووووووووووووووره ع التوضيح

يزاج الله خير..

كلااامج عين العقل وانا بعد سمعت عن وحده كانت اتيها الدوره وعقب طلعت حامل وما متخيله كيف
وانا نزل دم نقطه رحت المستشفى وعطوني مثبتات
تسلمين حبيبتي عالموضووع

يعطيج العافية

السلامن علييكم

شحالكم ؟

ينات انا متزوجه الشهر اللي طاف .. ووهالشهر الدوره متأخره عن موعدها 20 يوم ,, سويت تحليل منزلي وطلعت النتيجه سلبيه !!!!

انا مستغربه ليش اتأخرت هالكثر .؟ والنتيجه سلبيه يعني ماشي حمل ..

افيييدووني بنات

ويييييييييييينكم !!

انا شعري شاب من التفكييييييير

هلا اختي
إن شاء الله اقدر افيدج
انا بعد مره تأخرت علي الاسبوعين وتحريت عمري حامل
سويت فحص اكثر من مره مال البول ما شي حمل
بس عقب خليت الدكتور تشيك علي قالت ظاهر لج كيس هرموني وهو اللي ما يخلي الدورة تنزل
عطتني دفستون عسب تنزل الدورة وعقب الحمدلله انتظمت
سيري سوي سونار وراح تعرفين
ويمكن بعد حمل بس يكون متأخر وما ينبان بسرعه
وربي يوفقج اختي

للرفع

هيه انا قلت اذا اتأخرت زياده بروح العياده .. وان شاء الله خيييييير

الله يعين

ان شاء الله حمل ~.^ .. وربي يوفقكم في حياتكم ويخليكم لبعض …،

حبيباتي آنْـَ??????ـّآ تأخرت دورتي يْعّنُـــ(•??-?•??)ــيْ آخر مره كانت بتاريخ 21 يوليو. وسهر أغسطس مانزلت أبد سويت تحليل منزلي طلع مافي حمل كله أحس بتعب وأبي أنام واليوم نزلت الدوره عندي و عندي ألم ف الظهر شٌـ?ـَو يعتبر إجهاض وألا مافي حمل والله صرت أشك للحين بدقات الجنين فحشائي ممكن أفاده

لأني ناوئه اشرب قرفه و ينسون عسب أنظف الرحم.اشرب عادي وألا نزيف واعتبر حامل

حبيبتي احسن شي تسيرين المستشفى

عشان تتاكدين

روحي المستشفى ياختي

ان شاءالله كل خير

احسن تسيرين العياده عسب تتاكدين الله يرزقج الذريه الصالحه

لا حبيبتي لا تخافين مافي جنين ولا شي ترى نزلت الدوره خلاص يعني مافي حمل ,, يصير احيانا" تتاخر الدوره شهر او شهرين عقب تنزل عادي .. وانتي سويتي بعد فحص منزلي وطلع سلبي .. معانته خلاص شربي اللي تبينه وزنجبيل زين وقت الدوره بعد ينظف عدل .. ان شاءالله يا رب تكون هاي اخر دوره لج وتحملين ان شاءالله . وربي يرزقج الذريه الصالحه ان شاءالله

بس بعد لو حبيتي تتطمنين وتتاكدين سيري العياده مثل ما قالوا الخوات …

هلا حبيت اسال ان نزلت الدوره على شكل افرازات بنيه لمده خمس ايام وبعده نزلت الدوره طبيعي وانا الحين من ثلاث ايام شو سبب هذا كله لو سمحتوا ابغي الرد

اممممم انا نزلت علي افرازات بنيه لمده 15 يوووم لدرجه اني كرهت نفسي وبعد 15 يوم نزلت طبيعي .. سالت الدكتوره قالت لي لخبطه هرمونات اتصير عادي وثاني يوم الدوره سوت لي تحليل هرمونات علشان اتعرف شو الي تلخبط عندي ….

فاظن انه لخبطت هرمونات ….

للرفع

للرفع

السلام عليكم

اليوم بدون مقدمات ولا دستور الانسه الدوره شرفت
متجدمه 3 ايام مستعيله وايد المهم انصدمت
لان اول مره اتجدم اكثر عن يوم وفوق كل هذا
يتني فجأه بدون مقدمات من لوعة وعوار راس وظهر وبطن وريول
كنت راقده وماصدقت انها هي بس يوم حسيت الحاله زادت
رحت اطالع انصدمت
قلت يمكن من عصير الرمان لاني من ثلاث ايام وانا اشرب عصير رمان ووايد
فحبيت اسالكن خواتي هل عصير الرمان ينزلها ويمكن يكون السبب منه اهو ؟

(( ربي لا تذرني فردا وانت خير الوارثين ))

هلا اختي الايطاليه…. انا اتابع كل مواضيع الخوات اللي يبن صدق يحملن لاني مثلكن بالضبط… ما اعتقد عصير الرمان هو السبب… و حتى انا شرفت عقب ما اتأخرت اسبوع عن موعدها و اتخبلت و اتحريت عمري حامل.. وعلى فكره هذا ثالث شهر تتأخر… الله يرزقج و يرزقني وياج و يرزق كل وحده تبغي تحمل… بس لا اتوسوسين مش من عصير الرمان… اذا شاربه اناناس بقولج هيه هو اللي نزلها بس الرمان لا اختيه..

ربي لا تذرني فردا و انت خير الوارثين

مشكوره أختي ندى طمنتيني
انا اتحسبت هو السبب
ربي يرزقج غناتي ويرزق كل محرومه مثلنا

الله يرزقج أختي الشهر الجاي بس بغيت أسأل شو بلاه عصير الاناناس لاني أحبه ووايد اشربه؟؟؟

الاناناس معروف انه ينزل الدوره ..
والمراميه والزعتر بعد ..

بس الرمان اول مره اعرف

انا اشوف تقدمها 3 ايام عادي واحس شي طبيعي لو اسبوع او اكثر ممكن يكون فيه شك

بس 3 ايامـ احس عادي

طبيعي 3 أيام عادي بس لو كثيفه غير قبل ممكن الشهر الياي بتكونين حامل لومب مسويه مانع

ربي لا تذرني فردا و انت خير الوارثين………الله يرزقج يا رب عاجلا ليس آجلا….

بسم الله الرحمن الرحيم

السلام عليكم حبايبي شخباركم عساكم بخير

فديتكم انا الحين بكمل سنه وما حملت والدوره مب منتظمه عندي ما تنزل الا بالأدويه عادي يصير حمل اذا الدوره مب منتظمه وانا اتعالجت عن الدوره والدكتوره عطتني حبوب دياني 35 اكله لمدة ثلاث شهور وكليتته وبعدها نفس الشي وبعد عندي تكيسات فالمبيض بس الحمدالله الدكتوره قالت لي التكيس خف عنج وانا اكل حبوب جلوكوفاج منو فيكم حملت ودورتها مب منتظمه انا من يوم كنت بنت جيه عادي اتم 4 شهور 9 شهور ما اتي والله ايخليكم ردو علي ودعولي ان الله يرزقني بالذريه الصالحه السليمه عاجل غير اجل ويرزق جميع المحرومين ان شاء الله

اختي تحجمي
وعليج بالبردقوش
وطبي كل الادويه ما عدا الجلوفاج
وان شاء الله تبشرينا قريب ياااااااااااااااارب

عليج بالمرميه والحلبه والدوره بتنتطم عندج انشاء الله

انا اعرف ربيعتي كانت شراتج
ما اتيها الدوره الابعد 4 شهور او 5 شهور
واول ما عرست كملت اسبوعين وعرفت عمرها حامل
ما شاء الله
ما يخصه اذا الله راد كل شي يصير اتفائلي اختي
وعليج بسورة البقرة والاستغفار لمدة شهرين وان شاء الله بتحملين

الميراميه يمدحونها عليج بها

انا شراتج بالضبط
وماخليت علاج الا واتبعته حتى الحجامه تحجمت
وماعرف شو اسوي

والله يرزقنا اجمعين يااارب

انا اعرف بنت خالتي كانت شراتج ما اتيها الدوره الا بعد جم شهر و لين عرست حملت بسرعة ما شاء الله

اذا الله راد كل شي يصير اتفائلي اختي

عزيزتي .. اشربي الحسو الي هي الحبه الحمرا وكثري الفلفل الاسود والزنجبيل ماشاء الله على طول

بأمر الله بتنزل ..

بس بالنسبه للحجامه مافي يأس منها هذا كلام اطباء الحجامه ومن السنه

تكرر لين مايتم الشفااااء لان يكون الجسم فيه اخلاط دم فاسده عرفتي يمكن مب من المره

الاولى يبغيلج عدة مرات .. وانتي سويتيها عند منوا ؟؟

على حسب الي تحجم وخبرتها .

سويتهـأ عند الدكتوره اأمـل

كم مـره في اليوم أخذ الزنجبيل ..؟؟ و كم يبالهـا لين مـا تنزل ..؟؟

الله يعينج حبيبتي انا من يوم ما يتني الدوره للحين ما انتظمت ….. احس ان مالها علاج

الله يشفينا جميع يا رب

عزيزتي عليج أول شي بالإستغفار من لزم الإستغفار جعل الله له من كل هما فرجا ومن كل ضيقا مخرجا ويرزقه من حيث لا يحتسب ومن يتوكل على الله فهو حسبه

والدعاء أوقات إجابة الدعاء والإلحاح فيه

بعدين ألجألي للأسباب الأدويه وألخ

أنا إستخدمت حبوب اللقاح أنا وريلي

ملعقة صغيره الصبح وملعقة صغيره المسا يقولون أنها تساعد عالتبويض وجي والحمدلله حملت

بتحصلينه في محل عسل الامارات العلبه ب40 درهم والله يرزقج الذريه الصالحه المعافاه عاجلا غير آآآآآآآجل آمين آمين آمين

حبوب الللقاح هـو نفسه طلع النخيل ولا ؟؟؟؟؟؟؟؟؟؟؟؟