الوسم: الريل

مع أو ضد كشخة الريل لحرمته ؟؟ ^^

السلام عليكم ورحمة الله وبركاته ^^

الموضوع باين من عنوانه بنظرج حلوة ان الريال يتكشخ لحرمته داخل البيت او داخل غرفة نومهم او ضد ؟؟

يعني حلوة ان الريال ينوع بلبس البجايم و يحط العطور والكريمات لحرمته او لا والا شو رايكن ؟؟

طبعاً انا اقصد بينه وبين حرمته من دون وجود البشاكير او الاهل ^^

والا اتحسون ان هذا الشي ممل ومب مرغوب بالنسبة للحريم ^^

بالنسبالي انا ما احب ريلي يتكشخلي بالبيت بس احبه يكشخ يوم نطلع ويه بعض^^

بليييييييييييز ان الردود اتكون ضمن الموضوع بس والي عندها رد مب حلو اتخليه فبطنها لوووووولخليجية

حلو يتكشخ داخل البيت اتخيله يالس حلط

مراااحب
اكيد حلو ومرغوووب انه الرياال يكشخ حق حرمته مثل مب الحرمه تكشخ حق ريلها
انا من المؤيدين جداااا
مشكوووره على الموضوع

خليجية المشاركة الأصلية كتبت بواسطة بنتuae خليجية
حلو يتكشخ داخل البيت اتخيله يالس حلط

ما فهمت آخر جملة

شكراً على المرور^^

أنا أهــم شي عندي كشخته براا ،،
ومـرآآت أنا أتنقى له ملابــسه ،، وسواء غتره وعقال ولا بس غتره أووو قحفيه .
وفالغرفــه كشخته محدووده بـ البجايم والعـطووور

حلط
يعني محلط

اكيد من الؤيدين انه يكشخ لحرمته
ماتخيله يالسه ويايه وهو مبهدل جني شئ مب مهم بالنسبه له
حلو انه يراويني اهتمامه لي

مرغوووب فالبيت وبرع بعد

الريل الحنان الزنان ،،، شو تسوين فيه ؟؟

السلام عليكم

احاول اجوف ايجابيته و اقول الحمد الله و دوم نظرتي جي للأمور
اجوف ايجابية الانسان قبل سلبياته

يا ربي شو بقول عن عمري قبل الزواج
فراشة غزالة
رشيقة انيقة
شوي في الصالون في النادي
في الدوام في الجامعة

بعد ما عرست ما توقعته جي
ريلي يرجع بس في الويك اند بحكم شغله في الجزر
كلما ابغي اطلع مكان اتممممم اتمصلح وياه يعني لازم اختار الوقت المناسب و اكون دبلوماسية معاه
تعبت من كثر ما اساسيسه

مرات احاول اطلع مع خوات ريلي ع اساس يرضى و ما يقول له و يتفشل يدامهم
و يرضى بس بعد طلعة الروح

خاصة اني حرمة و موظفة
يعني ابغي افصل لي عبي فساتين ملابس بجايم قمصان نوم
ابغي اروح الصالون بين فترة و الثانية
اروح العيادة اسوي ليزر لجسمي و من يومي اسوي
فيشل شي خفيف
موعد ف العيادة سونار تحليل دم ……الخ يعني شي ضروري

يعني احب اكون نظيفة و انيقة بحدود
يتمممم يحن و يزن عليييييي

يا حبيبي انا بروحي خلني اخلص شغلي لين ما ترجع اكون فاضية لك

يا روحي وراي عيد مب مسوية شي
وراي عرس اخوك ولا فصلت شي
خلني اخلص شغلي قبل ما ايى رمضان
ابغي اخلص اموري

مول ما ينفع وياه شي تعبت
ولو وديته يشتري وياي والله العظيم يطفرني شو ها غالي !! شو ها عندج وايييد منه !!!
و تدرون عاد نحن نحب نختار ع راحتنا
و مرات قلبي يعورني عليه يترياني وايييييييد

يعني لولولولو فكرت اشتري شي و هو وياي و اطلع شوبينق مول ما ارتاحه لانه يعلق علي دوم و يقول شو ها غالي ! هذا عندج منه ! ليش تشترين
و في نفس الوقت ما ابغي اتبعه
ابغي الويك اند حقي وحقه مب حق السوق و الاغراض

شو الحل ويا ها الريال لاني صارحته و يلست وياه ما شي فايدة
انزين طول الاسبوع بروحي ليش ما تحس فيني

لو قلت له ابغي اروح اليوم الصالون بيقول لي انتي امس طالعة بيت خالتج
انزين خلني اطلع طول الاسبوع قاعدة في البيت بروحي
تراك في الدوام طول الاسبوع !!

خلني اخلص شغلي
ما شي فايدة لازم اتضارب وياه عسب يرضى

بقول هو بخيل ما يبغيني اشتري
لا هو مب بخيل ابدا و اللي ف جيبه يطلعه لي يوم بطلع
وانا اور ردي موظفة و راتبي اوكي

طفرت عطوني حللللللللللل ولا الود ودي احط له منوم و ينام طول اليوم
خليجيةخليجية

بنات انا اطلع بس يوم يكون في الدوام اما يوم يكون اجازة ما اطلع ابدا ها الطلعات
بالعكس حابة اخلص شغلي لين ما يرجع لي في الويك اند

و الله مش عارفة شو قلك غير الله يعين قلبك
لانو ما اكره من الرجل اللي بيزن !!!!!
حاولي انك تقعدي بالبيت
انا بعرف انك ما عم تطلعي اصلا ،، بس جربي هالمرة انك تقعدي فترة أطول بالبيت ، خليها توصل للشهر
يعني من الدوام للبيت و من البيت للدوام
و شوفي شو بيصير معك

انا بعد ريلي جي… بشوووف الردود يمكن استفيد

الله يعييينج يباله وقت لين ما يغير السستم اللي عنده. يمكن يغاار علييج عسب جي. شااد عليييج. صعب يتغير مع السنييين بيرخيلج الحبل. الله يعييينج. بس سالفه الصااالوون يبييهم للبيت ع الاقل تتعدلييين ف البيت لو ماخلاج.

انا بقولج الحل اشتري مني و من تاجراتت المنتدى بدووون طلعه ههههههههههههههههههههههه
لا فديتج بس لازم تسوين خطة لحياتج ههههه
مثلا يجي يلقاج مب مجهزة شي مهم بالنسبة له تقولين له انت ما تخليني اطلع اسوي الشغلات بروحي شو اسوي لج
او مثلا كل طلعاتج لا تقولين له ابا اطلع خلي اخواته دامج ربيعتهم يقولون له نباها تييي ويانا هني و هني وكل مرة يطلعون لج سبة وطلعين تقضين متعلقاتج
انا اول كان جي وين بتروحين وووو
و بعدين صرت يوم ابوز ههههههه يقول لي شرايج طلعين تغيرين جو روحي سوي شوبنغ ههههههههههه
يعني على طول لا بغيت اطلع اتافف و اسوي دور الحزينة تطلع لي طلعه بدون مجهود هههههههههههه
بس الحمد لله ريلي الحين عادي اطلع ارد ما في مشكلاااا

استغرب من رجل يقبل بشغل الحرمة وتطلع كل يوم للدوام والمشاوير يرفض !!!!!!!!!!!!

ما عندي أجابه لهذة المناقضات بالشخصية !!!!!

الله يعينج

يا ختي معظمهم جي يبغي لهم مقصة خخخخخخخ
انا شو اسوي خاصة الحين
اخلي ويهي شرات الكورييين<<<< كيف اعيوونهم ادمع !! تحسين مليون دمعة ف عيونهم
و اسوي فللللللللم مكسيكي ع هندي ع تركي
و ابغي اصيح اقوله ما شريت شي للعيد و كل عيد اشتري و اخلص ومن ها الكلام اللي يعور القلب
يعني ما ترضى انش صباح العيد وانا زعلانة

و دامج تشتغلين و جي ما اظني هو من النوع اللي يحب يخلي حرمته ف البيت دوم
بس يمكن يغار عليج لانج تهتمين ف نفسج وايييييييد او يمكن اطيرييين منه
و يبغي يوديج دوم بدل ما تروحين بروحج

بالنسبة للصالون و العيادات هاي من اساسيات الحريم يعني خليه يحن و يزن عليج
تراج اخر شي تروحين هههههههه طنشي عادي يا ختي كلهم حنانين

حبووبة يمكن يغار عليج ع كثر ما تهتمين بعمرج ما ادري
ايلسي وياه اسأليه شو السبب الحقيقي و جوفي عمرج لو تطلعين وايد او طلعاتج معقولة يوم يكون في الدوام

منو تجدر توفرلي رابط محول الصوتيات من الريل بلير الى mp3

بليز الي تجدر تحط الرابط والي ما تجدر ترفع الموضوع بليييييييييييييييييييييييز

لللرفع للرفع

خليجية

اكتي في جوجل محول صوتيات او تنزيل برنامج محول صوتيات وبيظهر لج وسوي داون لود ………………..

برنامج ستريم بوكس يحول

https://www.arabic2.com/

هذا الرابط ………

خليجية المشاركة الأصلية كتبت بواسطة يتيمة 555 خليجية
https://www.arabic2.com/

هذا الرابط ………

هذا لازم نشتريه ما ينفع يكون مجاني

خليجية المشاركة الأصلية كتبت بواسطة حنان العالم خليجية
برنامج ستريم بوكس يحول

هذا ما يحول الريل بلير

عادي هالاشياء جدام الريل والا غلط

هلا خواتي حبيت اسأل المعرسات لأني مالجه وابا افهم مثلا أنا كل مايزورني زوجي احط مكياج تعودت واخف شي احط بودره و كحل عادي والا لازم ابين علا طبيعتي وماحط شي وثاني سؤال هل مثلا ينقال للزوج والله اسوي حمام مغربي والا بديكير ومناكير والإ حاطه ماسك قويني وغيره عشان يعرف أني مهتمه فعمري والا غلط نقول هالشي لان وايد قريت فلمنتديات لازم تبينون له شو تسوين حتى مثلا تحطين كريم جدامه او تقصين اظافيرج فحابه تفيدوني خواتي؟؟ *

ممممممممممم"افضل انج ما اتقوليله عن كل شي "ولا تحطين مكياج خلج علي طبيعتج"لو حطيتي مممكن جحال "خليه يحس بجمالج الطبيعي "

لا اتقوليله كل شي وخلي مكياجج خفيف يعني اجحال وروج وبس خليج ثقيلة ولا بيقول هاذي اشبلاها ما صدقت تملج كل شي اتقول ما اتخلي شي طبعا هذا الكلام مب حق الرياييل كلهم لانه بعضهم ايفكر بهذه الطريقة .

خليجية المشاركة الأصلية كتبت بواسطة am mayd خليجية
لا اتقوليله كل شي وخلي مكياجج خفيف يعني اجحال وروج وبس خليج ثقيلة ولا بيقول هاذي اشبلاها ما صدقت تملج كل شي اتقول ما اتخلي شي طبعا هذا الكلام مب حق الرياييل كلهم لانه بعضهم ايفكر بهذه الطريقة .

شكرًا اختي عالنصيحه

امممممم ماادري انا كنت اقول الصرااحه بس مب كل شي يعني حمام مغربي لاء لاني بيقولي كيف و ما ادري شو وشو اتلبسين بس اشياء ثانيه مثل بدكسر و منكير عاادي… و كنت مراات احط و مراات لاء يعني تغيير..

خليجية المشاركة الأصلية كتبت بواسطة ღღالزهراءღღ خليجية
ممممممممممم"افضل انج ما اتقوليله عن كل شي "ولا تحطين مكياج خلج علي طبيعتج"لو حطيتي مممكن جحال "خليه يحس بجمالج الطبيعي "

يعطيج العافيه وتسلمين

امممم ماا افضل انج تقولين حق الريال اي شي لان الرياييل وايد يعلقون وبيقول فيها وفيها