الوسم: الزوج

موضوع حيرني وزاد من همي..!!

بفضل الله ربيت من عشر ايام.. والله رزقني باخت لبنتي اللي عمرها اربع سنين..

قررت اني ما ابقى في بيت هلي الا كم يوم عشان ما اخلي ريلي بروحه.. مع انه ساكنين في بيت اهله..

المهم.. اللي لاحظته بروود زوجي في المشاعر تجاهي وتجاه بنته الثانيه!!!

يعني عادي يدخل ولا يروح يشوف او يشيل او يبوس البيبي!!!!

احس به في عالم ثااااني!!!

والله انصدمت من استقباله لنا.. وتجاهلت الموضوع وبغيت ابقى مثل ما انا ولا اتغير.. لكني كنت أسأله اذا فيه شي او لا.. بس ما كان يجاوبني…!!!!

هل يا ترى هذا الشي طبيعي؟؟؟ مع اني ما بقتنع لو حد قال لي طبيعي!!!

كيف الواحد ما يفرح بضيف جديد ونعمه عظييييييييييمه ما يحس بها الا اللي فقدها…!!

والله اني اذكر مواقفه وعيوني تدمع واحزن على اللي يصير!!!!

ما اتمنى لوحده تمر في هذي المواقف.. بس شو التفسير للي يصير…!!!

سامحوني…. والله يجزيكم الخير….

ما أعرف شو أقول لج

بس انتي كثري من الاستغفار

يمكن هو كان خاطره في ولد..

طبعاً هالشي من الله..

وأهم شي إنه الطفلة سليمة وما فيها مشاكل صحية

والله يجعلها ذخر لكم يا رب

بس حبيت أدعي لج ربي يحنن قلب ريلج عليج يا رب

اسألي امج مافي احسن من الام

الله يساعدج … ويسخره لج ..

الرياييل ملولين ……….

حاولي تضغطين علي نفسج………….

وتقربي منه باستمرار,,,,,,,,ودلعيه,,,,,,,,,,,

واكثري من حركاتج الرومانسية,,,

دايما يريدون يعيشون في العسل هالرييايل الدلوعين,,,,,,,,

لانه بالاخير .. نعمه من رب العاااالمين.. ويمكن اتكون هالبنت بالذات.. ارحم عليه من الباااقين ..

ما عليج .. حبوبه .. اشويه وقت وبيرد شرات اول

وبارك الله فيج

غالياتي … حبيت ناخذ افكار بعض وطرق بعض او حركات

مثل ما انتوا عارفين الزووووووج يحب المراه المرحه ذات الطبع الحسي يعني تكونين مثل اليهال ف لعبج وحركاتج وياه وكلامج انج تتطنزين مثلا او تنكتين

بس الحين نبغي نعرف كييييييييييييييييييييف نكون جيه ؟؟؟؟؟؟؟؟؟

اتمنى انه نستفيد من بعض وان الموضووووع تتفاعلون وياه

انشاء الله كل الاباء يوصون ابنائهم هاوصايا

المفروض دووم تقفلون غرفتكم انا لو البيت فاضي بس دووم اقفلها

والله لو بدالج ما بخلي حرمة حميي تكسبهم هههههه خلو انج مب ساكتة عن حقج بس خلي علاقتج قويه وياهم دام عمتج طيبة ودوم ماسكة ولدج خلج ع الاقل وياها واايد اووكي وسولفي دووم وياها

اكسبيها دام طيبة ويا ولدج وتمسكه دوم وما عليج من حمياتج وحميانج المهم عمتج والله انا اغار يوم اسمع مثلا حرمة حميي مودية عمتي الصالون على طول اليوم الثاني اوديها تسوي مساج ههههههههههههه والحمدلله مرتاحة وعمتي تخبرني كل شي يصير في عايلتهم يعني مطيحين الميانة انا واياها مع انها حرمة عوودة

حاولي تكسبين عمتج وعمج وغرفتج دوم اقفليها وهم بيعرفون ان مب عايبنج موضوع التطفل

ومنو ريلها اكبر منها بعشرين سنه !! تخبرنا تجربتها

تحياتي ^^

ما اييد هالشي بصراحه الفرق وايد كبير

نفرض الابو 40 و البنت 20 … و كل أفكارهم متناقضه لأنه هو من جيل و البنت من جيل ثااااني تماما

.. نفس الحاله .. أحس صعب التفاهم

بس سبحان الله يعتمد على شخصياااتهم التوفيق من الله

والعلم بيد رب العالمين فديتج

بس اعرف وحده الفرق بينها وبين ريلها 17 سنه والحمد لله سمن عالعسل

بس هالحاله ماتنطبق على الكل يعني كل شخص وتفكيره في ناس تنفع وفي ناس لا

الله يوفق الجميع

نسمع باجي الآراء ،،

عندما يرتكب الرجل خطأ أو ينسى أو يقوم بمهمة أو يفي ببعض المسؤوليات, لا تدرك الزوجة مدى الحساسية التي يشعر بها . يقول الخبراء في هذا التوقيت تكون حاجته القصوى إلى حبها وحنانها وهي حين تسحب استحسانها و حبها عند تلك النقطة تتسبب له في ألم فظيع ، اما رد الفعل الودي الذي تقوم به المرأة نحو أي تصرف من تصرفات الزوج يعتبر مصدراً رئيسياً للحب بينهما.

والأوقات التي يكون فيها الزوج بأمس الحاجة إلى حب و استحسان زوجته عندما يعتذر عن خطأ و تتلقى ذلك بحب وغفران، كلما كان الخطأ الذي أرتكبه أكبر, كان الحب الذي سيعطيها إياه فيما بعد أكثر . ويقول خبراء الاتيكيت انه عندما ينسى أن يحضر شيئا ما و تقول "لا بأس .. ممكن تحضره في المرة القادمة عندما تخرج ؟" وتكون سعيدة لرؤيته حين يعود إلى البيت ، وعندما يطلب منها أن تفعل شيئا ما تقول: " نعم ". وتبوح بمشاعرها السلبية بأسلوب متزن دون لوم, و تطلب دعمه بدلاً من التركيز على أخطائه ولا تنظر إليه وكأنه شخص لا يتحمل المسؤولية وعندما ينسحب لا تجعله يشعر بالذنب بل تكون لبقة أو لطيفة في التعبير عن خيبة أملها .

مشكورة فديتج ^^

المشاركة الأصلية كتبت بواسطة اناناسة

تسلميييييييين على الموضوع حبوبة

بس سؤال:

هل هناك زوج او بالاخص رجل يعترف بغلطته ؟؟؟؟؟؟؟؟!!!!!!!!!!!!!!! اي غلطه مو مهم شو

والله يا اختي صعبة تلاقين ريال يعترف بغلطته ..

انا من ناحيتي ما ارضى انه ريلي يسافر روحه او ويا ربعه

ياختي يعتمد على نوع السفرة …ويعتمد عالريال إذا كان محل ثقة …ويعتمد عالمرافقين…

يعني إذا كانت السفرة قصيرة أو كانت شغل مثلا …ما يكون عندي مانع ..

وإذا كانوا المرافقين اخوانه أو ربعه الثقة اللي من زمان نعرفهم …بعد مافي مانع…

غير جيه ماشي سفر ^__^

ما أعرف شو نظرت المجتمع للريال اللي يسافر مع ربعه؟؟

لكن مكان ثاني ريلي ع ريله ————— مب من زود السفرات

ان شاء الله من اتزوج بطبق شكرا لج ما قصرتي والله

شحالكم الغاليات ؟؟؟

زوجي مسافر الأسبوع القادم لأستراليا دورة لغة لمدة خمس أسابيع …

غير الملابس و الأشياء و الضرورية شو ممكن يحتاج هناك أحطه من هني ؟؟؟

و أفكاركم لحركات حلوة يكون لها أثر حلو فنفسه و هو هناك تذكره فيني ؟؟؟

بانتظاركم عزيزاتي …

مبدئيا خذيت له هدية و بحطها فالشنطة من دون ما يدري …شو رايكم ؟؟؟

عادي حتى السنقل ممكن تدلي بدلوها ^^

المهم تكون جهزت شنطة سافر برا ^^

تشكراتي حبيبتي …

تقدرين بعد تحطين كتيبات الأذكار+قرآن+ورقه فيها جمن نصيحه بتنفعه في بلاد الغربه..

ذكرتيني بالمصحف فديت قلبج …

تسلمين عالافكار

ممكن بعد تحطيله قصاصات ورقيه او رساله كامله بكلمات حلوة من تعبيرج لو من كلمتين حلوات تحسسينه انج حواليه وموب ناسيته
ممكن تحطينها داخل مخباه او بوسط الفوطه الخ
طبعا ماانوصيج بالترتيب العدل مع تعطير الملابس
حطيله صورة حلوة للعيال اذا كان عندج

مجرد كم فكرة

شو بعد ممكن الواحد يحتاجه ف الغربة … أخاف أكون ناسية شي …