الوسم: الساونا

شخباركم حبوبات …….

خواتي بغيت أسالكن منو يربت حزام الساونا الي ايحطونه على البطن

لو سمحتواا

الي يربته اتخبرنا عن تجربتها .. ولو كان ينفع في انقاص منطقة البطن .. و من وين يابته

والسموووحه

………

ما يمدحونه يسوي مشاكل في الجلد وخطوط وحروق لان يكون في مكان واحد

ماانصحك فيه انا جربته كلام فاضي لا تخسري فلوسك عليه

up up

هلا حبيباتي بس حبيت اسال منو تعرف جهاز الساونا رخيص وبعد اريد واحد ينجد الكراسي بسعر رخيص في بوظبي بلييييييز

خواتي وين اقدر احصل جهاز الساونا براك لو حد يعرف
؟؟؟؟

اللهم يآمن فرجت كربة يونس بعد بلاء ويآمن ادخلت محمـد بدون حساب ويآمن وفقت زكريآ بيحيى بعـد هلاك اسآلك ان توفقني في حياتي وترزق للي يدعيلي هل دعاء الي في خاطره !! اللهمـ آميـــييــــن

ممكن اوفره لج بس اتكونين جاده

اذا عندكم محل نزيه موجود عنده الاصلي

موفقة ان شاء الله

برع راك بتحصلين فالتنين داخل راك بتحصلين عند ننزيه بس اغلى طبعا..

مشكورين خواتي

انا اباها ضروري

السلام عليكم

شحالكم خواتي عساكم بخير وسهاله

بغيت اسالكم ربي لا هانكم ..

انا ادور على جهاز الحمام البخاري مال الساونا للتخسيس مادري وين احصله ابا اشتري واحد
الله يخليكم لي تعرف تدلني من وين اقدر اشتريه وجم تكلفته …

اللي عندها معلومات تفيدني بسرع وقت ماعليكم امر
واللي مجربتنه تقولي تجربتها

الله يخليكم ابا بسرع وقت ..

اختي انا مشتركه في التفاح الاخضر فيه سونا وستيم فري مع اشتراكج للاجهزه

بس ما ادري ادا في جهاز يباع للاستخدام الشخصي

والسونا ترا مب زين اكثر عن 10دقايق 3 مرات في الاسبوع وهو يذوب الدهون

اما البخار بس يحرك الدوره الدمويه ويفتح المسام للنظافه بس مب للضعف

يعني ما يحتاي تشترينه اشتركي في نادي افضلج

يزاج الله خير ختيه وتسلمين لي ياربي

بس انا ادور جهاز لي يخسس

بليز اللي تعرف تخبرني ><

وينكم ؟؟؟؟؟؟؟؟؟؟؟؟؟؟؟؟؟؟

شخباركم خواتي

انا حطيت هالسؤال في قسم التغذيه والصحه لأني نسيت انه في قصم خاص لمشاكل السمنه

حبيباتي في اي وحده منكم يربة حزام الساونا الي ايحطونه على البطن او حتى سمعت عنه
و لو فيه اي وحده اميربته اتخبرنا لو كان ينفع ولا لا و من يابته.

ياريت اتفيدونا بخبراتكم .

up up

خواتي

ما عندكم اي فكره عن الموضوع

^.^

ماعندي فكرة الغالية

ان شالله غيري يفيدج

موفقة

للرفع

جاوبت ^^

مرحبا الغاليات

اشتريت جهاز السونا المنزلي واليوم سويته و واجهتني المشاكل التالية يمكن لأني ما عرف استخدمه صح!

1- يوم جلست داخله من أول عشر دقايق تقريبا بدا الماي يغلي ويوصل داخل خيمة الساونا وأنا فيه.. رغم ان كمية الماي اللي حاطتنها فيه قليلة جدااااااااااااااا
يعني الماي بدا ينط علي مع البخار!

2- طلعت لي بقعة حمراء في جسمي في المنطقة المواجهه للفتحة اللي يدش من البخار من الهوز للخيمه
لأن البخار كان متركز على هالمنطقة وااااااايد وبشكل مباشر وأنا جالسه عالكرسي.. أخافهاااااااا ما تخوز ما ناقصة بلاوي هالمنطقة والله

3- أنا حطيت الصابون المغربي ودشيت وبعدها طلعت وتفركت بالليفة.. هل هالطريقة هي الصحيحة
ولا الطريقة الثانية
اللي ندخل قبل بالبخار وبعدين نحط الصابون ونتفرك؟؟

أرجوووووكم اتريا ردودكم

بصراحه لين الحين ما عندي بس بشتريها قريبا ان شاء الله
بصراحه ما اعرف اي نوع عندج بس احسن نوع اللي هي كبيرة وسعرها بحدود الالف درهم هاذي افضل خيمه سونا ^_^

طريقتج صح يا الغالية دهني جسمج بالصبون المغربي وبعدين دشي السونا ^_^

هذي صورة اللي عندي

انا عندي السونا اختي داخل الغلايه في خط (مابين وايد)مكتوب عليه وتر ليفل يعني حد الماي لازم ماتزيدينه ولا تنقصين عسب مايحترق الجهاز ضرووووووووري

بس اذا بدى يدخل للخيمه ماي حار معناتها قوه الكهرباء بهالمكان قويه غيري مكانج^^

مشكوراااااااات الغاليات

وأنا وااااااااااااااايد عند منقصه الماي بالقاع كان بس مادري شو المشكلة

حببيبتي انا عندي هالنوعية وااايد زينة من 3 سنين عندي واغسله بعد يعني يكد

وغالطريقة الصحيحة تحطين الصابون ع جسمج وعقب تدخلين السونا ويوم تطلعين تغسلينه وعقب تفركين بالليفة

السلام عليكم

شحالكم

انا حصلت كم حمام ساونآ بس ياريت لو حد تعرف حد تبيعه وتخبرني كيف طريقت تعبيته كهرباي
ولا انا اعبيه بالبم ,,

لاني حصلت واحد تفتحينه ويتعبا بروحه بس خلص المعرض لي كانو يبيعونه فيه ومعاد حصلته فللي تعرف وين بحصله تقولي

موفقة ان شاء الله

تعباة شو انا ابيعه تقصدين النفخ يعني؟؟؟؟ اذا تقصدين النفخ في بمب يكون يدوي بالارجل تضغطين عليه وفي مثل الي عندي البمب بالكهرباء اتوماتيك ينفخه
اما تقصدين الماء في الخزان الصغير المخصص لتعبئه الماء

اذا اتقصدين وين اتحصلين حمام السونا ..
السوق الصيني
وحده فالمنتدى
نزيه اغلى اعتقد

ماقصرت وجدان^^

ربي يوفقج أختي

لو سمحتن
وين أقدر احصل سيديات او دي قي دي ايروبيك و تكون حق مدربات مشهورات ؟ في ابوظبي
و بعد
ابى اعرف الساونا غرف البخار ليها فايدة؟

صباح الخير عزيزتي……….

بخصوص السيديات أو الدي في دي راح اتحصلينه في كارفور وفي جمعيات أبوظبي التعاونية……….انا شارية من عندهم

وبخصوص السونا انا الصراحة اسمع انه له فايدة بس ما مجربه (للرفع)

اسمحيلي

ااانا مرات اطلع من النت يوتيوب ايروبيك واسوي مثلهم ،،

وعن السيديهات فبوظبي ماعندي فكره خيتوو

والساونا سمعت عنه له فايده بس ماجربته الصراحه

والسموحه منج اختي

اللي اعرفه انه الساونا تخلي الجسم يجهز لعملية الحرق (حرق الدهون) يعني تقعدين نص ساعه ساعه فـ الساونا وروحي امشي
ولا سوي اي رياضه تحرقي اكثر و اسرع

بالنسبه للسيديات مااعرف بصراحه
بس عندج موقع هالمجله اذا تعرفين انجليزي تقدري تتصفحيه وتحصلين تمارين حلوه https://www.womenshealthmag.com/

او دشي يوتيوب و اكتبي jillian-michaels-workout

وايد فنااانه هالانسانه و تمارينها رهيبه بعد واذا تبين دوري ف مكتبة دبي عن سيدياتها يمكن تحصلين

ما اعرف شي عن السيديات
بس السونا تضعف اذا كان وياها رياضة ..
وما ينفع للي عندهم مشاكل تنفسية او مرضى القلب ^^

وين احصلة في راك دخيلكم ردو

ويييييييييييييييييييييييييييييييينكم

للرفع ۰۰۰۰۰۰

موفقة ان شاء الله

في تاجرة من راك تقدر توفر لي جهاز الساونا

بنات من جد يربت حمام الساونا المنزلي
ومن وين شرته ؟ وبكم ؟ وشو هي الخلطات اللي تستخدمها وهل صدق انه يبيض
مدري يفتح الجسم
اللي اتعرف وين ينباع في بوظبي او عيمان او الشارجه اتخبرني بليز

اخت جود يعني ماستفدتي منه

انا ان شاء الله باخذ لي واحد شفت اعلان عنه في الجريده تقريبا سعره بـ 1000 درهم

هو مفيد الصراحه ينظف الجسم وطبعا استخدمي معاه الصابون المغربي و فرشاة البودي شوب اللي نفس البروش هههه مالت الظهرة ^_^
ولا انا ما باخذه لو ما منه فايدة

بالتوفيق حبوبه

اخت بنت الطموح احيد الجهاز مايي فوق ال350 هاللي سمعته شقا اني امحصلتنه ب1000 وايد غالي ولا انتي يمكن تطرين جهاز غيره

انا عندي خذته من المنتدى من كم يووم واستخدمته ورووووعه اريح من الصاالوون وحصلت نفس النتيجه

انا شارتنه من منتدى بس اخترب عني من 2 استخدام الماي الحاار كله انجب بالخيمه وانا يالسه فيه وع طووول طلعت زين ماحترقت من يومها الصراحه حرمت ارجع اشتريه

ف السوق الصيني ع 350 درهم و اقل بعد

وبالعكس اشوفه مفيد