الوسم: الشارع.

السلام عليكم و رحمه الله و بركاته

شخباركم

ترا ماصارلي الموقف خخخخ وله اقولكم امبلهكنت رايحه معاه يوريني مكتبه اليديد مكان شغله و كان تقريبا في الليل فعادي كان الوضع كنت امشي وراه و تكرسفت ريولي لانه الشارع ماكان زين و الاخت كانت كاشخه ولابسه كعبببب عشاان جذي..

لكن واعليه ماضحك علي الا مسكني و سالني لو تعورت مسكين بس شوي يمكن في ويهه كانت ضحكه لكن كان حابسها
قلت في خاطري لو ضحك عليي و ما ياه يقومني فشله كنت بزعل ويلست اقول اخرب الطلعه وله لا خبله هههههه

كل وحده تسدح موقف الطيحات اللي صارت لها سواء في الدوله وله في احد السفرات مع ريلها و شو كان موقف ريلها

الحمدلله ماصار لي وطحت

بس مرة كنت فالمعرض وكان المكان مب سيده وانعوت ريلي

فديتني

شرط مع ريلها ؟؟؟

اختي ياما طاحت جدام الناااس واكثر طيحاتها فالتقنية ولا فالسووق هههه ويييي الله لا يبليني >_< واايد اخاف اظحك عالناس عسب لا انحط بنفس هالموقف

بس احيدني طحت جدام ولد اخووي مرة واشوا ماكنت طالعه بعدني وتم يظحك من قلب اتخيلي !!!! معنه اسم الله عليه عمره صغير يادوب 3سنوات كااان

بس حسيت الموقف شتيمه من صووبه >_< والهيس قاااام وخبر الكل عن هالطيحة ,,معني ماكنت لابسه نعال حزتها بس مادري ليش افترت ريلي

*****

مرة امي وحليلها كانت طالعه من المستشفى امودتني ,,وكانت امبركنه الموتر برع واانا دوم اقوولها قربي الموتر ودخلي داخل عند باركنات المستشفى بس هيه ما اطيع عسب ما اتسوي زحمة عقولتها
المهم خلصت موعدي ويينا بنرووح

قامت امي تفتح الموتر من بعيد بالسويج ,,قمت وركبت بس ما شفت امي تركب ,,اثاريها وحليلها اتخرطفت عند المدعمية مال السيارة هههههههههههههههههههه وطاحت عالارض ,,عباتها بكبرها غباااار مسكينة وحتى صوب العباة من جهة الركبة انطرت وايدها اتسحتت بالقار هههههههههه ,,جان افز من طولي وانششها

اقولها وانا اظحك سلامات سلامات ,,اخيييييييييييج فظحتينا >_< ,,وهي وحليلها قاااااااااافطة ومحمرة لأن شي مواتر كانت حذالنا ,,بس مادري انتبهولها او لأ ههههه,,اقولها محد قالج اتيين صووب الرملة ولابسه كعب ههههه

مسكينة والله فديت امي انا

هههههالحمدلله ما اتعرضت لهذا الموقف

انا مره كنت رايحه ابحر مع ابووي نمشي عالرمله رياضه هو ماشاء الله عليه سريع انا يالله يالله اشل ريل وحده تعب واحس الرمله ثجييله امشي امشي وياه وهو يسوولف عسب ماامل وكاانو واايد خريم يمشوون اهنااك والا شوي دخلت ريلي اليسار بالحفره صغيره وطحت جدام عاايله وابووي كمل دربه ماشافني من طحت من صدمه وقفطه يالسه اطاالعه والله ماقدرت اقوووم موول يتني حرمه وشلتني ههههههه عقب شافني ابووي قاالي واابوي ماعرفج ماعرفج هههههه طبعا كان يتغشمر فدييته

وبعد واااايد وايييد اطيييح في سووق اوقاات يوم استعيله ادوده امشي سرييع وازحلق هههه

وامس طحت فالمعرض كنت معصبه هههه زين ماكسرت المحل ماادري ارضيه المعرض غيير اتكرفست وطحت والحمدالله ماكان زحمه

ودوومي جيييي من اطيييح ماقدر اقووم ابد

انا عاد اخسف موقف

كان ليلة حنة بنت عمي
وانا كاشخه وجي
طلعت الصاله عسب ارمسه

وجي مب متغطيه
جان ارفع راسي واشوف عند الباب واحد واقف ويطالعني

اقولج ساعتها اركض على طول الغرفه اللي قاعدين فيها البنات
واطيح عويهي
اخخخخ
موقف بصراحه مادري كيف
ولا الغرفه كل البنات كانو فيها
والمشكله طحت عند الباب بعد
مب داخل
يعني عمي واللي واقف عند الباب شافوني

ويهي استوا الوان
البنات حليلهم يايين يساعدوني

طول الوقت وانا ساكته واتذكر الموقف

ههههههههههههههههههههههههههههه

احلى شي انكم تقولون الارضية ما ادري بلاها خخخخخخخخخ

يعني انتوا ما يخصكم فالطيحة بس الارضيه اطيحكم

السلام عليكم ورحمة الله وبركاته ..

اناا طاالبه منكم طلب … الله يخليكم لاتردوني ..

اخووي بخلص عقد الايجاار مااله … ويدور بيت في الشهامة ولا الرحبه والبااهيه .. ..الخ ..

تعرفوون الاسعاار الحين نااار .. وهوو مايقدر يدفه الاا 150 الف سنويااا ..

الله يخليكم الي تعرف حد .. تخبرني ضروري … لانه شهر 12 بخلص عقد الايجاار ..

واسمحولي ..

بليييز ردوو علي ..

اسمحيييييييلي اختي مااعرف

الله ييسر له يا رب ..

الله ايسر عليج حبيبتي

والله يعينكم

شوفي الأعلانات في جريدة (الوسيط )دوم ينزلون أعلانات عن الفلل والبيوت للأيجار دوري فيها

الله يعينكم

انا صارلي فتره ادور شقة مو محصله وكل ما حصل شقة با اللمت اليناسبني يقولي عقد حكومي جيش مايرضون عشان يتاخرون يعني شو الحل وتعبت وانا ادورومكاتب العقارات اليقولي ادفعي شيك بلمت التبينة لين ما يدفع الدوام بعدين اردلج بليز التعرف شقق في خليفة أ تقولي بلمت 90 غرفتي وصاله لو شى اكثر بعد زين والله مكاتب العقارات لعوونا

مووووووووووووووووفقة اختي الله يسر لج امورج

اب اب اب اب

للرفع

للرفِِـع و ان شـِـاء الله تتيســر

اببببببببب

الله ييسر لج الغاليه

السلام عليكم ورحمة الله وبركاته

خواتي انا حاليا اتدرب على السواقة في الشارع
وافكر اني اتفق مع المدربة عسب تدربني 10 ايام وبعد هالعشرة ايام امتحن شارع

شو نصايحكم ؟ابي اخلص بسرعة واخذ الليسن لاني محتاجة .
كيف اقدر اتدرب عدل في هالعشرة ايام .
أنا حددت لي الفترة لاني اعرف عمري اذا قعدت اتدرب وانا مب عارفة متى بمتحن بتكيسل وما بتدرب زين ..

نصايحكم بليز.
.

احس مب كفاية أختي .. وخاصة السواقة لان هال الشي مسؤوليه .. وكبيره والموضوع فيه روحج وارواح العالم … نحن عندنا في دبي اجباري تاخذين عدد معين من الحصص عشان تمتحنيين أما في الامارات الثانيه ما ادري .. بس اذا انتي تعرفين اتسوقين من قبل وايد اوكي اتوقع 10 حصص بيكونون ممناسبين اما اذا لا فلا تجازفييين ولا توقفين لين ما اتقولج المدربة انج اوكيه او حد ثاني

وبالتوفيييييييييق ,,,

موفقة

يتني فكره حلوه…..!!

انا من العين من البطين بغيت بنات مجموعه عسب نمشي مع بعض وبهالطريقه نشجع بعض ع المشي وعدم التكاسل ^^
طبعا المشي مافي احسن منه مو المشي البطى لااااااااااااااا المشي السريع

شو رايكم منو تبي تشترك ترفع ايدها,,

منطقتكم حلوه حق المشي

انا في حملي الاول كنت اسير امشي هناك

تعالي حياج …….
وينكم بنات العين ؟؟

انا من رااك

شو راايج كل يوم اي العين عشاان امشي ورووح هخهههههههههههههه

العنوان مستفز و حتى ما يعبر عن الاستفزاز اللي تعرضتله انا البارحة في الطريق…
هو مب استفزاز ولا بوقاحة و لا قلة حيلة و لا غضب بس شوي من كل هذا اللي و ان دل على شيء فبيدل على الحيرة و عدم التفكير ما باطول عليكم
امس رحت اجتماع بمكتب بديرة و طبعا معايا الدريول مال الشركة هو بيودني و يرجعني المكتب … خلصت و نزلت و الدريول كان بريسبشن البناية يستنا و لما فتح الليفت فتح بنفس الوقت الليفت الثاني و طلع منو ريال محترم لابس الكندورة و مبين مسرع حتى انو سبقنا عالباب وهو كان متين شوي ماشاء الله و انا و الدريول طالعين على مهلنا وكنت بسلمه فلوس كاش محصلتهم من الكاستمر كانو كم الف وقلت اخليهم بعدته فبسولف معاه عادي
السيارة حاطتنها بالظبط امام البناية فهو سبقني فتح الباب و ساير بيطلع و نتوكل على الله و انا طالعة السيارة بعد مب داخلها اشوف حرمة لابسة اسود فاسود قصيرة و متينة (بعدين تفهمو ليش اوصف لاني منزلة الموضوع بتنمية الذات فلازم نعتبر بنات) تناديني وتقلي "انت تعالي اكلمك شوي؟" فاجأتني و خوفتني اقولها انا تقول هيه انا تعالي اقلك ابى اكلمك 5 دقائق بس لو سمحتي تعالي الحين" انرعبت وش السالفة فبقولها تعالي انت عندي و هي شوي بس خطوات بعيدة عني كانت لابسة ماخورة سوداااااااااااااء و مغطية وجهها و مبين مش معتنيه بحالها كنت اشوف بس عيونها بس و الله مبينة مب ذكية من تصرفاتها
المهم تقولي تعالي وانا اقول لا وش تبي مني؟ بهال30 ثانية افكار بالللاااالاف جت ببالي يعني يمكن تكون محتاجة و بتشحت او بتكون عندها تعليق على لبسي؟ رغم انو عبايتى مسكرة و شعري كله مغطي ؟ يمكن بتكون ودها تعلق عالدريول ؟ يمكن تكون زوجة الكاستمر او احد شركاؤو اللي كانو بالاجتماع و تتجسس عليه و تتوقع انو في شي والعياذ بالله و طبعا كان ها الاحتمال الاقرب..
شوي شوي بدت تعلي صوتها" اقولج تعالي اكلمك 5 دقايق؟ و انا اقول يا اختي وش السالفة ؟ كنت حاسة انها كبيرة يعنا عدت الاربعين و انا 21 عمري ما حبيت اعلي صوتي و الهنود بالشارع صارو يلتفتو لانو الموضوع صار شوي ملفت المهم قربت عليها قالتلي "شسمج" اقول ليش تقول بنبرة احد"قلتلك شسمج؟" جاوبي جاوبتها قالت وش تشتغلي " مديرة تسويق؟ استغربت وقالتلي مم وين؟ قلتلها بالمنطقة الفلانية؟ وهنا كانت الصاعقة " وانت وش علاقتج بمحمد؟؟؟ بهال اللحظة يا ببيالي كل محمد اعرفه من قريب وبعيد بالشغل و الجامعة و صحاب ريلي وحتى الدريول و مااا اكثر محمد انصعقت اقول من محمد " مين محمد؟؟؟؟؟ محمد مال المطعم؟ انصدمت لانو عندنا حريف اسمه محمد صاحب مطعم بس الريال عمره صغير علاقتي بيه زفت لانو عنده شغل للحين ما جهزناه ههه و حتي يا ببالي محمد الدريول… فبوقلها ما عرف عن ايش تتكلمين بتقوللي زين اذ ما تعرفين ليش طالعة مع فضال؟؟؟ وسرت اتسائل مين فضال؟؟ بهاللحظة وانا تايهة بافكاري اشوف جي ام سي اخر موديل توقف و ينزل الريال المتين ابو الكندورة كان ابيض و محترم و مب شين و مهتم بنفسو تماما عكسها (و الحين ممكن تقارنو وتاخذو العبرة) هو اللي نزل من الليفت سابقا و يستسمحني ويقوللي اسف لحظة شوي و يجرها من يدها و يسير بيها شوي انا والله خفت عليها ليضربها او يهينها لانو الصراحة حطتو بموقف لا يحسد عليه و الريال بيكون فاقد اعصابو ومش متحمل انها تتجسس وراه بالدرب و المكاتب
سار وصلها لسيارتها اللي هي كامري وكان بيتكلم وياها ومهدي من اعصابو بس كان الهدوء المصطنع و يحاول يثقل عمرو يعني كان ذكي وما راد فضايح بالشارع حتى انه ما طلعها سيارتو الدريول يقولي مادام يلا نسير قلتلو لا انا بكلمها الحين وش سالفتها يمكن تسير ورانا للمكتب وتساوي فضيحة بالشركة نزلت وسرتلها الريال كان ساير سيارتو و يقولي هي 100 بال 100 غلطانة بالشخص (هو ادرى هه) السموحة منج فقلتلو ايه هي غلطانة وانا اقدر موقفها باين قلبها محروق المهم سرت دقيت شباكها ترددت بعدين فتحت قلتلها انا غلطانة مب انا اللي تدورين عليهاراويتها يدي وقلتلها انا متزوجة ومحترمة و عيب عليج فبتقلي ايي ممم متزوجة شكلها بعد مب مصدقتني المهم رديت السيار و توكلنا…
اللي فهمتو انو زوجها يخونها صارت تتجسس عليه من حظي شافتنا طالعين من نفس المبني اللي هو كله مكاتب صدقت انها انا واللي اكدلها شكها شافت معاس الدريول و يمكن حد مخبرها انو زوجها حاط دريول الشغل اللي اسمه فضال بخدمة حبيبة القلب الثانية و هي شكلها ما تعرف فضال بعد لانو لي عندي اسمه محمد …
و رأيي فيها بعدين بالمشاركات ههههههه بس والله هاذي مب طريقة تحافظين فيها على ريلج يعني ما تسيري وراه و تكلمي العشيقة بل دوري بروحج و ببيتج وين الفجوة وسديها و الفجوة وياها كانت مبينة: مب ذكية كفاية تحافظ عليه و لا مهتمة بعمرها كفاية تملى عيونه

الله يستر عليها وعلى جميع المسلمين الله يهدي ريلها لها

زعلت عليها

الغيره وحبها لزوجها اعماها

الله يبدل حالها ويصلح لها زوجها

الخيانةةةةةةةةةةةةة مرررررررررررررررررةةةةةةةةةةةةةةةةة

مسكينه
الله يهدي ريلها ويسخره لها ان شاءالله

خبلبها الريال
بس الوحده لازم توزن الامور
وما تخلي ريال لعاب يطير حبتين العقل اللي عندها

العقل زينه !!

كيف يمكن لام ان تتخلى عن طفلها الذي هو من لحمها ودمها؟! وما ذنب الطفل ان يدفع ثمن مجيئه الى الدنيا بالتشرد في الشوارع؟! حيث تجردت أم من مشاعر الأمومة وتركت طفلها الإماراتي ذو الثلاث سنوات تقريبًا في وسط الشارع، ورحلت، وذلك قرابة الساعة الحادية عشرة صباح يوم السبت.

وأفاد موقع "إيلاف" بأنه فوجئ بسيدة سورية تستغيث بها في إحدى شوارع منطقة مردف الواقعة خلف سيتي سنتر مردف في دبي، ولما ذهبنا إليها أشارت لنا إلى طفل يبلغ من العمر ثلاث سنوات تقريبًا موجود في وسط الشارع، وهو يصرخ ويبكي دون أن يكون بجواره أم أو أب أو أخ أو حتى خادمة. فسارعنا معها إلى الطفل لحمايته من خطر الاصطدام بالسيارات أو تعرضه لمكروه، ومن أجل التعرف على منزله لإعادته إليه.
وحينما سألناه ماذا حدث لك؟ أجاب بأن والدته تركته في وسط الشارع، وذهبت ولا يعرف كيف يذهب إلى منزله، وقال بأنه سيظل ينتظر في مكانه حتى ترجع إليه والدته وتعيده إلى منزله.

وعندما سألناه عن اسمه كشف عن اسمه الذي يعود إلى قبيلة إماراتية شهيرة. وبعد عدم تمكننا من معرفة منزل الطفل لاعادته إليه قامت السيدة السورية بالاتصال بالشرطة حتى يتسلموا الطفل الإماراتي سعيد، ويحاولوا التعرف على عائلته التي تركته وحيدا في وسط الطريق.

la 7awla wala kowata ela bellah

حسبي الله على كل أم تسوي سواتها
كلمة أم عوده عليها عسب جيه تجردت من مشاعر الامومه !!!!!!!!!!!

شو بقول غير لا حول ولا قوة إلا بالله و حسبنا الله ونعم الوكيل …صدقت ظنوني دنية عجايب والناس قلوبهم حجرومجره من احساس ثقه معدومه في اقرب الناس

حررررررررام حتى البشكارة ماتسويها لو في امريكا يشلون الياهل عنها لانها غير كفوء

يمكن الولد غافل الام يوم تشتري وطلع

والام قاعده ادوره وقلبها يعورها واتصيييح عليه

احيانا في عيال شياطين مايقعدون مكان واحد

فليش تتحسبون على الام وانتوا بعدكم ماسمعتوا من طرف ثاني !!!!!

العيال يقولون اي شئ لانهم مايفهمون

وهذا 3 سنوات عمره يعني مايفهم شئ

عجيب امركم بصراحة

شو نفسية الياهل مسكين

مرحبا

حبوبات

الله يسعدها دنيا واخره الي تساعد هالعائله

حبوبات انا اعرف عائله ساكنين في ابو ظبي وللاسف مالك البنايه طلب منهم اخلاء البنايه حتى يهدموها وصارلهم اكتر من 8 اشهر مو لاقين بيت وامس قطعوا الكهرباء وما ضل غيرهم في البنايه كل السكان طلعوا المشكله اليوم ولا بكره برموا عفشهم بالشارع وعندهم بنات وين يرحوا مو عارفين

الله يخليكم الي تعرف بيت ملحق ان شاء الله غرفه بس يدبروا حالهم

بكون شاكره الكم

الله يعينهم … ويسر امورهم

لا حول ولا قوة الا بالله

بعد نحاسة اكثر عن جيه ما جفت احين هم عطوهم ثمااان شهور

لأخلاء البناية معقول في هالفتره ما قدروا يوفرون لنفسهم مكان

ليش سكتوا طول هالمده وغيرهم طلع.. الله يهيدهم بس..!! احين

ما ينفع الكلام.. خبري مسؤول العايله يسير اقرب مكتب للهلال

الاحمر وان شاءلله يقدرون يوفرون له سكن لأن مثل ما قلتي

عنده بنات ربي يستر عليهن.. واذا بنات المنتدى بيتفقن ايسون

جمعية لساعدتهم بعد يكون شي حلو وبينكتب لهن الاجر..

حياج

الله يساعدهم وايسر امورهم

وان شاء الله باجر يلقون لهم بيت

الله يعينهم ….

الله يعينهم يارب ,,,

..
أب
أب
_ _
حسوا بمعاناة اخوانكم في الله ,,

(
)
الهلال الأحمر خليهم يسيروووا
… يسكنوا يوم واحد في شقه لين ما يدبروا أمورهم

حبوبه والله من 8 شهور بدورا شقه غرفه وصاله 120الف و20 الف للسمسار تخيلي انتي

والله مو ساكتين بس شو يعملوا الاب شغله طويل وما عندهم اولاد يروحوا يدوروا الله يكون بعونهم
من يومين خبروهم في بيت راحوا يشوفوا تخيلي بيت لبن طين قديم غرفه واعزك الله الحمام بره وطالبين 60 الف

والله اليوم وحده حكت معي بتخبرني انها كمان مو لاقيه سكن وبدها تسكن بالشارقه وتطلع شغلها كل يوم لابو ظبي شوفي هالبهدله وشغلهم مو راضي ينقلهم دبي ولا الشارقه الله يكون بعونهم