السلام عليكم ورحمه الله وبركاته
مررررررحبا الساااااااع
تحركنـــا من العاصمه لين بقعه في ام القوين ,, مخيم عائلي ,,نظافه وترتيب وأمان
هو ملك لواحد من عيال شيخ هالاماره ,,
الاحلى ما في الامر انه للعوائل ,, يعني ما يخلون مجموعه شباب يسكنون فيه
التخييم كان بتاريخ 25-12-2017
عدد الليالي 4 والجو كان رهيييييييييييييب رهييييييييييييب
اسم المخيم: الشمــس المشــرقة
تقريبا كنا خمس عوايل ,,
مستلزماتنا "من لحاف ومخده وغيره + الاشيا اللي تخص الطبخ "
وطبعا ما نستغى عن الدراجات
للعلم: المخيم نفســه يأجر دراجات ,, بس أفضل لج تاخذين دراجاتكم لان الساعه عندهن بــ100 وانتي بتلعبين او عيالج بيلعبون وما بيحسون بالوقت ,,الوقت يمر بسرعه من الوناسه
تقريبا خذنا 11 دراجه + بولارس
ما شاء الله كل سياره تقريبا قالصه عدد معين
العيال ماشاء الله يلعبون 4 الى 3 فترات ,, ما بعد الريوق والضحى والعصر لين المغرب ,, صدق بيستانسون
اول ما دخلنا من البوابه ,,يكون هالمطعم ,, ما قد جربناه لاننا نحن اللي نطبخ ,,ياااااسلام احلى شي
اللي على اليمين كلها غرفنا 6 غرف ,,ختى الخدامات لهن غرفه خاصه هع
بالنسبه للاسعار ,, ما اعرف بالضبط ,,انتوا اتصلو على المخيم واتخبروه ,,خو ريليه يعرف حد فــ لقينا اسعار خاصه ,,
بشرح لكم كيف الغرفه ,,هاي غرفتنا ,, عدالها مررره للباركنك ,,بس نحن بركنا السياره عند البوابه كنا مستغلين المكان للعب بالرمل
مكان السياره ,,الغرفه فيها كنديشن >> مال اول هع ,,اتشوفون الفتحه على اليساره ,,تدخلونها وبتلاقون
الغرفه ,, الباب على اقصى اليسار ,, الغرفه لها دريشتين ومكان وسيع من الداخل والصوره اللي تحت مجابل الغرفه مع اللعم وانها مسوره علينا بالعريش ,,يعني كأنه حوش صغير اذا العيال يبون يلعبون قدام الغرفه وممكن تفرشون شي تحت اذا حبيتوا وتتقهون وناااااااااسه مع الهالجو
هلامجابل الغرفه ,, الي شرات الصندقه مطبخ تحضيري ههههههه ,,اسوي سوالف ,,تقدرون تطبخون فيه مكان مرتب الصراحه ,, وعداله المغسله اذا تبين تغسلين العيش او الخضره والمواعين وهالسوالف
ملاحظه: اللي تبا تيب خدامه تحط فبالها انها تاخذ غرفه خاصه لها ,,لان مستحيل ترقد معاكم ههههه
,,عشان جيه اشجعكن انكن ما تيبن خدامه تطبخن رواحكن هههههههه وتبيضن ويه بو الشباب هع
دخلنا الغرفه ,, مرتبه ,,بس مايمنع تيبون دخون معاكم حركات يعني
شفتوا كيف تلفزيون بلازما + ثلاجه شي طيب الصراحه ,, هذا وليديه فديته دخل بالتصوير مع انه ما احب اصور ذوات الارواح بس غطيتها عشان افهمكم ,,اللي وراه هو الحمام عزكم الله
الزين فيه بأنه نظيـــف ,, فيه مرش للسبوح ومغسل ومرحاض الله يعزكم